കേരള എന്‍ജിനീയറിംഗ് ഗ്രാജ്വേറ്റ് അസോസിയേഷന്‍ ഓഫ് നോര്‍ത്ത് അമേരിക്ക (KEAN)*യുടെ ആഭിമുഖ്യത്തിൽ ഈസ്റ്റ് ബ്രൗണ്‍സ് വിക്കില്‍ സംഘടിപ്പിച്ച AIDLC (AI-Driven Development Lifecycle) Hands-on AI Workshop മികച്ച വിജയമായി. ന്യൂയോര്‍ക്ക്, ന്യൂജേഴ്‌സി, പെന്‍സില്‍വാനിയ ഉൾപ്പെടെ അമേരിക്കയുടെ വടക്കുകിഴക്കൻ സംസ്ഥാനങ്ങളിലെ വിവിധ ഭാഗങ്ങളിൽ നിന്നുള്ള നിരവധി എഞ്ചിനീയർമാർ, IT പ്രൊഫഷണലുകൾ, വിദ്യാർത്ഥികൾ എന്നിവർ ഈ മുഴുവൻ ദിവസത്തെ പരിശീലന പരിപാടിയിൽ പങ്കെടുത്തു.

പരിപാടിക്ക് തുടക്കം കുറിച്ച് KEAN പ്രസിഡന്റ് ജേക്കബ് ജോസഫും , ട്രഷറർ നിധിൻ ജോയ് ആലപ്പാട്ടും പങ്കെടുത്തവരെ സ്വാഗതം ചെയ്യുകയും, എഞ്ചിനീയർമാരുടെ സാങ്കേതിക വൈദഗ്ധ്യം വർധിപ്പിക്കുന്നതിനായി ഇത്തരം പ്രായോഗിക പരിശീലന പരിപാടികൾ തുടർന്നും സംഘടിപ്പിക്കുമെന്ന് അറിയിക്കുകയും ചെയ്തു.

കീനിന്റെ  പ്രൊഫഷണല്‍ അഫയേഴ്‌സ് ചെയര്‍ ആയ ശരത് കൃഷ്ണന്റെ നേതൃത്വത്തിൽ സന്തോഷ്, രവി എന്നിവർ ചേർന്നാണ് പരിശീലന സെഷനുകൾ നയിച്ചത്. AI-Driven Development Lifecycle, Agentic AI, ആധുനിക എ.ഐ ഡെവലപ്‌മെന്റ് ടൂള്‍സ്, എ.ഐ  ഉപയോഗിച്ചുള്ള സോഫ്റ്റ് വെയര്‍ ഡെവലപ്‌മെന്റ്‌ എന്നിവയെ ആസ്പദമാക്കിയ പരിശീലനത്തിൽ പങ്കെടുത്തവർ സ്വന്തമായിഎ.ഐ ഏജന്റ്   വികസിപ്പിക്കുന്നതിനുള്ള ഹാന്‍ഡ് ഓണ്‍  അനുഭവവും നേടി. വ്യവസായ രംഗത്ത് നേരിട്ട് ഉപയോഗിക്കാവുന്ന ഏറ്റവും പുതിയ AI സാങ്കേതികവിദ്യകൾ പ്രായോഗികമായി പരിചയപ്പെടുത്താൻ ഈ വര്‍ക്ക് ഷോപ്പിന്‌ സാധിച്ചു.

പങ്കെടുത്തവരിൽ നിന്ന് അത്യന്തം മികച്ച പ്രതികരണമാണ് ലഭിച്ചത്. പ്രായോഗിക സമീപനം, ഉയർന്ന നിലവാരമുള്ള പരിശീലനം, വ്യവസായ രംഗത്ത് നേരിട്ട് പ്രയോഗിക്കാവുന്ന വിഷയങ്ങൾ എന്നിവയാണ് Workshop-ന്റെ പ്രധാന ആകർഷണങ്ങളെന്ന് പങ്കെടുത്തവർ അഭിപ്രായപ്പെട്ടു.

സ്റ്റുഡന്റ് ഔട്ട് റീച്ച് ചെയര്‍ ഷീന ഖുർഷിദും , ബോര്‍ഡ് ഓഫ് ട്രസ്റ്റി അംഗം സോജിമോൻ ജെയിംസും പരിപാടിയെ അഭിസംബോധന ചെയ്ത്, ഇത്തരം സാങ്കേതിക പരിശീലനങ്ങൾ സമൂഹത്തിനും യുവ എഞ്ചിനീയർമാർക്കും വിദ്യാർത്ഥികൾക്കും നൽകുന്ന വലിയ പ്രയോജനങ്ങളെക്കുറിച്ച് സംസാരിച്ചു. അറിവ് പങ്കുവെക്കുന്നതിനും പ്രൊഫഷണൽ നെറ്റ്‌വർക്ക് വളർത്തുന്നതിനും KEAN നടത്തുന്ന ഇത്തരം സംരംഭങ്ങൾ സമൂഹത്തിന് വലിയ മുതൽക്കൂട്ടാണെന്നും അവർ അഭിപ്രായപ്പെട്ടു.

വര്‍ക്ക് ഷോപ്പിന്റെ മുഖ്യ സ്പോൺസറായ Spectrum Auto-യുടെ പ്രതിനിധികളായ പ്രിന്‍സ്, ബിനു, സാം എന്നിവർ പരിപാടിക്ക് ആശംസകൾ നേർന്ന്, കീന്‍  സംഘടിപ്പിക്കുന്ന ഇത്തരം സാങ്കേതിക പരിശീലന സംരംഭങ്ങൾക്ക് തുടർന്നും പിന്തുണ അറിയിക്കുമെന്ന് വ്യക്തമാക്കി.

തുടർന്ന് പ്രസിഡന്റ് ജേക്കബ് ജോസഫും ട്രഷറർ നിധിൻ ജോയ് ആലപ്പാട്ടും, 2026 ഒക്ടോബർ 17-ന് നടക്കുന്ന KEAN Tech Night-നെക്കുറിച്ച് വിശദീകരിച്ചു. ന്യൂയോര്‍ക്ക്, ന്യൂജേഴ്‌സി, പെന്‍സില്‍വാനിയ  ഉൾപ്പെടെ വടക്കുകിഴക്കൻ അമേരിക്കയിലെ എഞ്ചിനീയർമാരെയും അവരുടെ കുടുംബങ്ങളെയും ഒരുമിപ്പിക്കുന്ന ഈ കുടുംബസംഗമത്തിലേക്ക് എല്ലാ പങ്കെടുത്തവരെയും അവർ ഹൃദയപൂർവ്വം ക്ഷണിച്ചു.

AI, Cloud, Software Engineering, Emerging Technologies തുടങ്ങിയ മേഖലകളിൽ വർഷം മുഴുവൻ കൂടുതൽ പരിശീലന പരിപാടികളും Workshops-കളും സംഘടിപ്പിക്കുമെന്ന് KEAN ഭാരവാഹികൾ അറിയിച്ചു.

കൂടുതൽ വിവരങ്ങൾക്കും വരാനിരിക്കുന്ന പരിപാടികൾക്കും: keanusa.org