നസ്ലെന്‍ ചിത്രം മോളിവുഡ് ടൈംസിനെ അഭിനന്ദിച്ച് സംവിധായകന്‍ അനുരാഗ് കശ്യപ്. സോഷ്യല്‍ മീഡിയ പ്ലാറ്റ്ഫോമായ ലെറ്റര്‍ബോക്‌സിലൂടെയാണ് അനുരാഗ് കശ്യപ് തന്റെ അഭിപ്രായം പങ്കുവെച്ചത്. അഭിനവ് സുന്ദര്‍ നായകിന്റെ ആവിഷ്‌കാര ശൈലി കാലക്രമേണ കൂടുതല്‍ മൂര്‍ച്ചയുള്ളതാകും എന്നും അദ്ദേഹം പറഞ്ഞു.

'ഇന്റര്‍നെറ്റ്- സോഷ്യല്‍ മീഡിയ കാലഘട്ടത്തിലെ സിനിമാ പ്രേമികളുടെ ഒരു സ്വപ്നമാണ് ഈ ചിത്രം. ഒരുപാട് സത്യവും ഒരുപാട് ആദര്‍ശവാദവും. സംവിധായകന്‍ അഭിനവ് സുന്ദര്‍ നായകിന്റെ ആവിഷ്‌കാര ശൈലി കാലക്രമേണ കൂടുതല്‍ മൂര്‍ച്ചയുള്ളതാകും. സിനിമയോടുള്ള ഒരുതരം റൊമാന്റിസിസം ചിത്രത്തില്‍ മനോഹരമായി ആവിഷ്‌കരിച്ചിട്ടുണ്ട്. സിനിമ വളരെ ഇഷ്ടപ്പെട്ടു', അനുരാഗ് കശ്യപിന്റെ വാക്കുകള്‍.