ന്യൂയോർക്ക്: ന്യൂയോർക്ക് സോഷ്യൽ ക്ലബ്ബിന്റെ ചരിത്രത്തിലാദ്യമായി സംഘടിപ്പിക്കുന്ന ഏകദിന ബാസ്കറ്റ്ബോൾ ടൂർണമെന്റ്   ജൂൺ 27 ശനിയാഴ്ച നടക്കും. ക്ലബ്ബ് പ്രസിഡന്റ് സാജൻ  വർമ്മയുടെ നേതൃത്വത്തിലുള്ള വിപുലമായ കമ്മിറ്റിയുടെ മേൽനോട്ടത്തിലാണ്  കായികപ്രേമികൾ ആവേശത്തോടെ കാത്തിരിക്കുന്ന ഈ ടൂർണമെന്റ് അരങ്ങേറുന്നത്.

ഹിൽബേണിലുള്ള പ്രശസ്തമായ ടോൺ വാലി സ്പോർട്സ് കോംപ്ലക്സിൽ (115 Torne Valley Rd, Hillburn, NY 10931) രാവിലെ 8:00 മണി മുതൽ വൈകുന്നേരം 6:00 മണി വരെയാണ് മത്സരങ്ങൾ ക്രമീകരിച്ചിരിക്കുന്നത്. വിശിഷ്ടാതിഥികൾ പങ്കെടുക്കുന്ന ഔദ്യോഗിക ഉദ്ഘാടന ചടങ്ങുകളോടെ ടൂർണമെന്റിന് തുടക്കമാകും. ജേക്കബ് കുസുമാലയം-(845) 671-9829, റിയാൻ വെളിയന്തറയിൽ-(914) 564-1730, ജോയൽ വിശാകന്തറ 
+1 (845) 536-1133 എന്നിവരടങ്ങുന്ന കോർഡിനേറ്റർമാരുടെ സംഘമാണ് മത്സരങ്ങൾക്കും മറ്റ് ക്രമീകരണങ്ങൾക്കും നേതൃത്വം നൽകുന്നത്.

 മികച്ച നിലവാരമുള്ള  12 ടീമുകളാണ് ടൂർണമെന്റിൽ പങ്കെടുക്കുന്നത്. വാശിയേറിയ പോരാട്ടങ്ങളിൽ ഒന്നാം സ്ഥാനം നേടുന്ന ടീമിന് 2,000 ഡോളറും രണ്ടാം സ്ഥാനം നേടുന്ന ടീമിന് 1,000 ഡോളറും ക്യാഷ് പ്രൈസ് സമ്മാനമായി ലഭിക്കും. 450 ഡോളറാണ്  ടീമുകളുടെ രജിസ്ട്രേഷൻ ഫീസ്.

ഗ്ലോബൽ കൊളീഷൻ ആൻഡ് ബോഡി വർക്സ് -മെഗാ സ്പോൺസർ , ലക്സ് ഡിസൈൻസ് ആൻഡ് ഡെക്കർ (ഗ്രാൻഡ് സ്പോൺസർ ), ഓറഞ്ച് ബാങ്ക് ആൻഡ് ട്രസ്റ്റ് കമ്പനി, കോൺഗേഴ്സ്സ്  കൊലിഷൻ തുടങ്ങിയ പ്രമുഖ സ്ഥാപനങ്ങളാണ് ടൂർണമെന്റിന്റെ മുഖ്യ സ്പോൺസർമാർ.

കളിക്കാർക്കും കാണികൾക്കുമായി  ഭക്ഷണ-പാനീയ സ്റ്റാളുകളും മറ്റ് സൗകര്യങ്ങളും സ്പോർട്സ് കോംപ്ലക്സിൽ സജ്ജീകരിച്ചിട്ടുണ്ടെന്ന് സംഘാടകർ അറിയിച്ചു. ഇതൊരു  മത്സരത്തിനപ്പുറം, സമൂഹത്തിന്റെ ഒത്തുചേരലിനും വരുംതലമുറകൾക്കായി ഒരു പുതിയ കായിക പാരമ്പര്യം കെട്ടിപ്പടുക്കാനുമുള്ള വലിയൊരു അവസരമാണ്. ശനിയാഴ്ച നടക്കുന്ന ഈ പ്രഥമ ബാസ്കറ്റ്ബോൾ ടൂർണമെന്റ് വൻ വിജയമാക്കാൻ എല്ലാ മലയാളി കുടുംബങ്ങളും കായികപ്രേമികളും നേരിട്ടെത്തി പിന്തുണയ്ക്കണമെന്ന് ന്യൂയോർക്ക് സോഷ്യൽ ക്ലബ്ബ് ഭാരവാഹികൾ അഭ്യർത്ഥിച്ചു. പിന്തുണയ്ക്കുന്ന എല്ലാവര്ക്കും നന്ദി അറിയിക്കുന്നതായും  ക്ളബ് ഭാരവാഹികൾ അറിയിച്ചു.