'അനന്തന് കാട് ' ക്യാരക്ടര് പോസ്റ്റര്. ചിത്രം ജൂണ് 25 ന് തിയേറ്ററുകളില്
പ്രേക്ഷക - നിരൂപക ശ്രദ്ധ നേടിയ 'ടിയാന്' എന്ന സിനിമയ്ക്ക് ശേഷം മുരളി ഗോപിയുടെ തിരക്കഥയില് ജിയെന് കൃഷ്ണകുമാര് സംവിധാനം ചെയുന്ന മലയാള ചിത്രം ''അനന്തന് കാട് ' ചിത്രത്തിന്റെ ക്യാരക്ടര് പോസ്റ്റര് റിലീസായി. നായികയായ നിഖില വിമല് അവതരിപ്പിക്കുന്ന ദീപ ടീച്ചറിന്റെ ക്യാരക്ടര് പോസ്റ്ററാണ് റിലീസായത്.
ആകാംക്ഷ നിറയ്ക്കുന്ന രംഗങ്ങളുമായാണ് അടുത്തിടെ സിനിമയുടെ ടീസര് എത്തിയിരുന്നത്. ജൂണ് 25-ന് വേള്ഡ് വൈഡായി പ്രദര്ശനത്തിനെത്തുന്ന ഈ സിനിമയില് ആര്യ നായകനായെത്തുന്നു. തമിഴ് സംസാരിക്കുന്ന കഥാപാത്രമായിട്ടാണ് ആര്യ ചിത്രത്തില് എത്തുന്നത്.
വന് വിജയമായി മാറിയ 'മാര്ക്ക് ആന്റണി'ക്ക് ശേഷം മിനിസ്റ്റുഡിയോയുടെ ബാനറില് എസ്. വിനോദ് കുമാര് നിര്മിക്കുന്ന പതിനാലാമത്തെ ചിത്രമാണിത്. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലനാണ് ചിത്രം അവതരിപ്പിക്കുന്നത്. 'കാന്താര'യുടെ രണ്ട് ഭാഗങ്ങളുടേയും സംഗീത സംവിധായകനായ ബി. അജനീഷ് ലോക്നാഥ് ആദ്യമായി മലയാളത്തിലെത്തുന്ന സിനിമ എന്ന പ്രത്യേകതയുമുണ്ട്.
ഇന്ദ്രന്സ്, മുരളി ഗോപി, 'പുഷ്പ' സിനിമയിലൂടെ ശ്രദ്ധേയനായ സുനില്, അപ്പാനി ശരത്, നിഖില വിമല്, ദേവ് മോഹന്, സാഗര് സൂര്യ, റെജീന കാസാന്ഡ്ര, ശാന്തി ബാലചന്ദ്രന്, അജയ്, കന്നഡ താരം അച്യുത് കുമാര് തുടങ്ങിയ പ്രമുഖ താരങ്ങളും അണിനിരക്കുന്നുണ്ട്. മലയാളത്തിലും തമിഴിലുമായി ഇറങ്ങുന്ന ബിഗ് ബജറ്റ് ചിത്രം 'അനന്തന് കാടി'ല് ഒട്ടേറെ അന്യഭാഷ താരങ്ങളും ഒരുമിക്കുന്നുണ്ട്. ഇതിനോടകം തന്നെ സോഷ്യല് മീഡിയയില് ശ്രദ്ധേയമായി മാറിയ ചിത്രത്തിന്റെ ടീസര് അന്യായ മേക്കിംഗുമായി മികച്ചൊരു ദൃശ്യവിരുന്നായി പ്രേക്ഷകര് വിലയിരുത്തുന്നു.
ഛായാഗ്രഹണം- എസ്.യുവ,എഡിറ്റര്- രോഹിത് വി എസ് വാരിയത്ത്, സംഗീതം- ബി അജനീഷ് ലോക്നാഥ്, എക്സിക്യൂട്ടീവ് പ്രൊഡ്യൂസര്-ജെയിന് പോള്, പ്രൊഡക്ഷന് ഡിസൈനര്-രഞ്ജിത്ത് കോതേരി, ആക്ഷന് ഡയറക്ടര്-ആര്. ശക്തി ശരവണന്, വിഎഫ്എക്സ് ഡയറക്ടര്-ബിനോയ് സദാശിവന്, പ്രൊഡക്ഷന് കണ്ട്രോളര്-പ്രണവ് മോഹന്,മേക്കപ്പ്- ബൈജു എസ്, ശബ്ദമിശ്രണം- വിഷ്ണു പി സി, സൗണ്ട് ഡിസൈന്- അരുണ് എസ് മണി, ഗാനരചന-മുരളി ഗോപി, ആലാപനം- മുരളി ഗോപി,കളറിസ്റ്റ്- ശിവശങ്കര്, വി.ബി2എച്ച്, ചീഫ് അസോസിയേറ്റ് ഡയറക്ടര്-അഭില് ആനന്ദ് എം ടി, ഫിനാന്സ് കണ്ട്രോളര്-എം എസ് അരുണ്, വിഎഫ്എക്സ്- ടിഎംഇഎഫ്എക്സ്, കോസ്റ്റ്യൂം-അരുണ് മനോഹര്,സ്റ്റില്സ്- റിഷ്ലാല് ഉണ്ണികൃഷ്ണന്, ഡിജിറ്റല് മാര്ക്കറ്റിംഗ്- ഒബ്സിക്യൂറ എന്റര്ടെയ്ന്മെന്റ്സ്, ഡിസ്ട്രിബ്യൂഷന് പാര്ട്നര്-ഡ്രീം ബിഗ് ഫിലിംസ്, പി ആര് ഒ-എ എസ് ദിനേശ്.
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala