ആടിയന്തങ്ങൾക്കതീത നിരാമയ

ചേതന രൂപം ധരിച്ച സ്ഥൂലം

ജീവനായെന്നിൽ തിളങ്ങുമീ യാസ്‌തിത്വ ബോധമായിന്നീ പ്രപഞ്ച നാളം !

എന്നെപ്പൊതിഞ്ഞു നിൽക്കുന്നൊരീയാസ്തിത്വ

മൺ വിളക്കിൻ തിരി നാളമായി

എങ്ങും ജ്വലിച്ചു നിൽക്കുന്നു പ്രഭാമയ വർണ്ണമീ വർത്തമാനത്തിളക്കം  ! !

ആമസോൺ കാനന തീരത്തരികിലോ രേതോ ചെറുചെടി പത്രങ്ങളിൽ

കേവല ധൂളിയായ് ആരോ കുടഞ്ഞിട്ട ജീവിയായ് നമ്മൾ പ്രപഞ്ച  വസ്തു.

എത്ര വളർന്നാലു മെത്താതെ വിസ്താര

സത്യ സമഞതാ തീരങ്ങളിൽ

കൊച്ചു തലച്ചോറുമായി നീ നിന്റെയീ

പച്ചപ്പിൽ നൂറു വർഷങ്ങൾ നെയ്തു !

നീയെന്ന നിന്നിൽ തെളിഞ്ഞു കത്തുന്നൊരീ

മായിക ബോധം രചിച്ച കൂട്ടിൽ

നാളെ തിരിച്ചു പതിച്ചു പ്രപഞ്ചമാം

സാഗര നീരൊഴുക്കായി മാറും !