ദൃശ്യം 3  തിയേറ്ററുകളിലേക്ക് എത്താൻ ഇനി മണിക്കൂറുകൾ മാത്രം ബാക്കി നിൽക്കെ, ജീത്തു ജോസഫ്- മോഹൻലാൽ ടീമിന്റെ ഈ ക്രൈം ത്രില്ലർ ചിത്രത്തെ കുറിച്ചുള്ള ആവേശം വാനോളമുയരുകയാണ്. 

ദൃശ്യം 3യ്ക്ക് വേണ്ടിയുള്ള പ്രേക്ഷകരുടെ കാത്തിരിപ്പ് എത്രത്തോളമുണ്ടെന്നറിയാൻ ആഭ്യന്തര-അന്തർദേശീയ വിപണികളിലെ അഡ്വാൻസ് ബുക്കിംഗ് ട്രെൻഡ് മാത്രം പരിശോധിച്ചാൽ മതി.  പ്രമുഖ ട്രേഡ് വെബ്‌സൈറ്റായ 'സാക്നിൽക്' (Sacnilk) പങ്കുവെച്ച ഏറ്റവും പുതിയ കണക്കുകൾ പ്രകാരം, ചിത്രത്തിന്റെ ലോകമെമ്പാടുമുള്ള ആദ്യദിന അഡ്വാൻസ് ബുക്കിംഗ് 25 കോടി രൂപ ഗ്രോസ് കളക്ഷൻ പിന്നിട്ടു കഴിഞ്ഞു. ഇതിൽ ഇന്ത്യയിൽ നിന്ന് മാത്രം ഏകദേശം 10.50 കോടി രൂപ ഗ്രോസ് കളക്ഷൻ ലഭിച്ചു, ഇത് രാജ്യത്തുടനീളം ചിത്രത്തിനുള്ള ഡിമാന്റ് ആണ് പ്രതിഫലിപ്പിക്കുന്നത്.

ഈ മോഹൻലാൽ ചിത്രത്തിന് വിദേശ വിപണികളിൽ നിന്നും മികച്ച പ്രതികരണമാണ് ലഭിക്കുന്നത്. ഗൾഫ് രാജ്യങ്ങൾ, വടക്കേ അമേരിക്ക, യുകെ, ഓസ്‌ട്രേലിയ തുടങ്ങിയ മേഖലകളിൽ മികച്ച പ്രീ-സെയിൽസ് റെക്കോർഡാണ് രേഖപ്പെടുത്തുന്നത്.