പനോരമ സ്റ്റുഡിയോസും ടി-സീരീസും സംയുക്തമായി നിർമ്മിക്കുന്ന പുതിയ മലയാള ചിത്രം ‘ഉന്മാദ’ത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും പുറത്തിറങ്ങി. പ്രശസ്ത എഡിറ്റർ കിരൺ ദാസ് ആദ്യമായി സംവിധാനം ചെയ്യുന്ന ഈ ചിത്രത്തിൽ കുഞ്ചാക്കോ ബോബനും ലിജോമോൾ ജോസുമാണ് പ്രധാന വേഷങ്ങളിൽ എത്തുന്നത്. ചിത്രം ഓഗസ്റ്റ് 7-ന് തീയേറ്ററുകളിൽ എത്തും.

കുടുംബപ്രശ്നങ്ങളിൽ അകപ്പെട്ട ഒരു പോലീസ് കോൺസ്റ്റബിൾ, അമാനുഷികമെന്ന് കരുതപ്പെടുന്ന ഒരു പഴയ കേസ് പുനരന്വേഷിക്കുന്നതാണ് സിനിമയുടെ പ്രമേയം. ‘ജോസഫ്’, ‘നായാട്ട്’, ‘ഇലവീഴാ പൂഞ്ചിറ’ എന്നീ ചിത്രങ്ങൾക്ക് ശേഷം ദേശീയ പുരസ്‌കാര ജേതാവായ ഷാഹി കബീർ രചന നിർവ്വഹിക്കുന്ന ചിത്രമാണിത്