റോച്ചസ്റ്റർ: മിനസോട്ടയിലെ  റോച്ചസ്റ്ററിന് സമീപം ശക്തമായ ചുഴലിക്കാറ്റ് വീശിയടിച്ചു. നിലത്ത് അതിവേഗത്തിൽ കറങ്ങിനീങ്ങുന്ന ചുഴലിക്കാറ്റിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.
നിലവിൽ റോച്ചസ്റ്റർ അന്താരാഷ്ട്ര വിമാനത്താവളത്തിന് സമീപമാണ് ചുഴലിക്കാറ്റ് കണ്ടെത്തിയിരിക്കുന്നത്. ഇതിനെത്തുടർന്ന് സമീപ പ്രദേശങ്ങളിൽ അധികൃതർ അതീവ ജാഗ്രതാ നിർദ്ദേശം നൽകി. പ്രദേശവാസികൾ സുരക്ഷിതമായ ഇടങ്ങളിലേക്ക് മാറണമെന്നും അത്യാവശ്യ ഘട്ടങ്ങളിലല്ലാതെ പുറത്തിറങ്ങരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

പുറത്തുവരുന്ന വിവരമനുസരിച്ച് ചുഴലിക്കാറ്റ് കരയിൽ സ്പർശിച്ചിട്ടുണ്ട്. നാശനഷ്ടങ്ങൾ സംബന്ധിച്ച കൂടുതൽ വിവരങ്ങൾ ലഭ്യമാകുന്നതേയുള്ളൂ. ഈ മേഖലയിലൂടെ യാത്ര ചെയ്യുന്നവരും താമസക്കാരും റേഡിയോ വഴിയോ ടിവി വഴിയോ നൽകുന്ന ഔദ്യോഗിക അറിയിപ്പുകൾ കൃത്യമായി ശ്രദ്ധിക്കണമെന്ന് അധികൃതർ അഭ്യർത്ഥിച്ചു