ഗന്ധർവഗായകനെ,  മലയാളത്തിന്റെ  സ്വന്തം ദാസേട്ടനെ  അമേരിക്കയിലെ വസതിയിൽ സന്ദർശിച്ച്  മലയാളികളുടെ പ്രിയപ്പെട്ട താരം മനോജ് കെ ജയൻ. ഈ വർഷത്തെ തൻ്റെ വിഷു ധന്യമായെന്ന്   ഫേസ് ബുക്ക് പേജിൽ  കുറിച്ച്  മനോജ് കെ ജയൻ ഗന്ധർവഗായകന്  ഒപ്പമുള്ള ചിത്രങ്ങൾ  പങ്കുവെച്ചു . അമേരിക്കയിലെ ദാസേട്ടന്റെ വസതിയിൽ   ദാസേട്ടനൊപ്പം സംസാരിച്ചും പാടിയും ഇരുന്നപ്പോൾ കിട്ടിയ സന്തോഷത്തിന് അതിരുകളില്ലെന്ന് പറഞ്ഞ മനോജ് കെ ജയൻ തൻ്റെ അച്ഛൻ്റെ അനുഗ്രഹമായാണ് ഈ അവസരത്തെ കാണുന്നതെന്നും കുറിച്ചു.

മനോജിന്റെ കുറിപ്പ് വായിക്കാം

ഈ വർഷത്തെ എൻ്റെ വിഷു ധന്യം  
ഗന്ധർവഗായകൻ്റെ …നമ്മുടെ സ്വന്തം ദാസേട്ടൻ്റെ അമേരിക്കയിലെ വസതിയിൽ,മണിക്കൂറുകൾക്ക് മുൻപ് അദ്ദേഹത്തെ പോയി കണ്ട് അനുഗ്രഹം വാങ്ങി,കുറെ നേരം സംസാരിച്ചും പാടിയും ഇരുന്നപ്പോൾ കിട്ടിയ സന്തോഷത്തിന് അതിരുകളില്ല. എൻ്റെ അച്ഛൻ്റെ അനുഗ്രഹമായി ഈ അവസരത്തെ ഞാൻ മനസ്സിലാക്കുന്നു  

എന്റെ എല്ലാ പ്രിയമുള്ളവർക്കും ഹൃദയത്തിന്റെ ഭാഷയിൽ വിഷു ആശംസകൾ നേരുന്നു.