തകഴി ശിവശങ്കരപ്പിള്ള എന്ന 'ജ്ഞാനപീഠം' ജേതാവായ സാഹിത്യകാരൻ താമസിച്ചിരുന്ന 'ശങ്കരമംഗല' മെന്ന വീട്ടിലും പുരയിടത്തിലുമാണ് തകഴി സ്മാരകവും മ്യൂസിയവും പ്രവര്‍ത്തിക്കുന്നത്. തകഴി ശതാബ്‌ദിനാളിൽ അവിടെ എത്തിയപ്പോൾ (2012); പെരുമ്പടവം ശ്രീധരൻ, തകഴിയുടെ രണ്ടു പെൺമക്കൾ തുടങ്ങിയരോടൊപ്പമാണ് ഞാൻ അവിടെ എത്തിയത്.

ശങ്കരമംഗലം തറവാടിനോട് ചേര്‍ന്ന് കഥാകാരന്റെ കുടുംബാംഗങ്ങളില്‍ നിന്ന് സര്‍ക്കാര്‍ വില കൊടുത്തു വാങ്ങിയ 25 സെന്റ് സ്ഥലത്താണ് സ്മാരകവും മ്യൂസിയവും (2000) നില്ക്കുന്നത്:

ഇരിപ്പുമുറിയും അറയും അടുക്കളയും വരാന്തയും ഏതാനും മുറികളും ചേര്‍ന്ന ഏകദേശം 75 വര്‍ഷത്തിന്‍മേല്‍ പഴക്കമുള്ള ശങ്കരമംഗലം വീടാണ് ഇന്ന് മ്യൂസിയമായി സംരക്ഷിച്ചിരിക്കുന്നത്. തകഴി ഓർമ്മയുമായി ഒട്ടിനില്ക്കുന്ന ചാരു കസേരയും തകഴിക്കു ലഭിച്ച അവാര്‍ഡുകള്‍, മറ്റു സമ്മാനങ്ങള്‍, സര്‍ട്ടിഫിക്കറ്റുകള്‍ എന്നിവ കൂടാതെ അദ്ദേഹത്തിന്റെ സ്വകാര്യ വസ്തുക്കളും ഇവിടെ പ്രദര്‍ശനത്തിനു വച്ചിരിക്കുന്നു.

എഴുത്തുകാരനെ സംസ്കരിച്ച സ്ഥലത്തിനടുത്തു 'സമിതി മണ്ഡപം'വും അടുത്തു തന്നെ തകഴിയുടെ പൂർണ്ണകായ പ്രതിമയുമുണ്ട്.

27-ാം ഓർമ്മദിനത്തിൽ ആദര പ്രണാമം!