ബെയ്ജിംഗ്, ഏപ്രിൽ 8 : മധ്യപൂർവ മേഖലയിലെ സംഘർഷങ്ങൾ കുറയ്ക്കുന്നതിനായി ചൈന  പങ്ക് തുടരുമെന്ന് മാവോ നിങ്  അറിയിച്ചു. ഇറാനെ ചർച്ചാമേശയിലേക്ക് എത്തിക്കാൻ ചൈന നിർണായക ഇടപെടൽ നടത്തിയെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് വ്യക്തമാക്കിയതിന് പിന്നാലെയാണ് ചൈനീസ് വിദേശകാര്യ മന്ത്രാലയ വക്താവിന്റെ പ്രതികരണം.
 

ട്രംപ് 14 ദിവസത്തേക്ക് ഇറാനെതിരായ സൈനികാക്രമണം താൽക്കാലികമായി നിർത്തിവച്ചതായി പ്രഖ്യാപിച്ചതിന് പിന്നാലെ ഹോർമുസ് കടലിടുക്ക് വീണ്ടും തുറക്കാൻ ഇറാൻ സമ്മതിച്ചതാണ് പ്രധാന വഴിത്തിരിവായി വിലയിരുത്തപ്പെടുന്നത്. ലോകത്തെ എണ്ണവ്യാപാരത്തിന്റെ ഏകദേശം 20 ശതമാനം ഗതാഗതം നടക്കുന്ന ഈ കടലിടുക്ക് അടച്ചതിനെ തുടർന്ന് ആഗോള ഇന്ധനവിലയിൽ വലിയ സമ്മർദമുണ്ടായ സാഹചര്യത്തിലാണ് നയതന്ത്ര ഇടപെടലുകൾ ശക്തമായത്.

മധ്യപൂർവ മേഖലയിലെ ഇറാന്റെ പ്രധാന തന്ത്രപരമായ പങ്കാളിയും ഇറാനിൽ നിന്ന് എണ്ണ വാങ്ങുന്ന ഏറ്റവും വലിയ രാജ്യങ്ങളിലൊന്നുമായ ചൈന, ഒരേസമയം ഗൾഫ് രാജ്യങ്ങളുമായും ശക്തമായ സാമ്പത്തിക ബന്ധം നിലനിർത്തുന്ന സാഹചര്യത്തിലാണ് സമാധാന ശ്രമങ്ങളിൽ ഇടപെടുന്നത്. മധ്യപൂർവ സംഘർഷം ആഗോള സാമ്പത്തിക മേഖലയെയും ഊർജ്ജവിലകളെയും ബാധിച്ച സാഹചര്യത്തിൽ ചൈനയുടെ നയതന്ത്ര ഇടപെടൽ കൂടുതൽ പ്രാധാന്യം നേടുന്നതായി വിലയിരുത്തപ്പെടുന്നു.