സാന്‍ഫ്രാന്‍സിസ്‌കോ: ക്രിസ്തുവിന്റെ അന്ത്യ അത്താഴത്തിന്റെ സ്മരണ പുതുക്കി കാലിഫോര്‍ണിയ സാന്‍ഫ്രാന്‍സിസ്‌കോ ദേവാലയത്തില്‍ പെസഹ പെരുന്നാള്‍ ആഘോഷിച്ചു.

ബുധനാഴ്ച വൈകീട്ട് ആറുമണിക്ക് സന്ധ്യാനമസ്‌ക്കാരത്തോടു കൂടി നടന്ന പെസഹായുടെ ശുശ്രൂഷകള്‍ക്കും വിശുദ്ധ കുര്‍ബ്ബാനക്കും, തുടര്‍ന്ന് വ്യാഴാഴ്ച വൈകീട്ട് നടന്ന കാല്‍കഴുകല്‍ ശുശ്രൂഷക്കും അമേരിക്കന്‍ അതിഭദ്രാസന മെത്രാപ്പോലീത്ത യല്‍ദോ മോര്‍ തീത്തോസ് തിരുമേനി മുഖ്യ കാര്‍മ്മിക്ത്വം വഹിച്ചു.

വിനയത്തിന്റെയും, താഴ്മയുടേയും മാതൃക നല്‍കിക്കൊണ്ട് വ്യാഴാഴ്ച നടന്ന കാല്‍കഴുകല്‍ ശുശ്രൂഷയില്‍ തിരുമേനി ഭക്തിയുടെ നിറവില്‍ മൂന്ന് വൈദീകരുടേയും ഒന്‍പത് ശെമ്മാശന്മാരുടേയും കാലുകള്‍ കഴുകി.

കുരിശുമരണം വരിക്കുന്നതിന് മുമ്പ് യേശുക്രിസ്തു തന്റെ പന്ത്രണ്ട് ശിഷ്യന്മാരുടെ കാലുകള്‍ കഴുകി അവര്‍ക്കൊപ്പം അത്താഴം കഴിച്ചതിന്റേയും കുര്‍്ബ്ബാന സ്ഥാപിച്ചതിന്റേയും ഓര്‍മ്മ പുതുക്കല്‍ കൂടിയാണ് പെസഹ.

കാല്‍കഴുകല്‍ ശുശ്രൂഷക്ക് പള്ളി വികാരി റവ.ഫാ.കുര്യാക്കോസ് പുതുപ്പാടി അഭിവന്ദ്യ തിരുമേനിയേയും, വന്ദ്യ വൈദീകരേയും, ശെമ്മാശന്മാരേയും, ഭക്തിവിശ്വാസികളേയും സ്വാഗതം ചെയ്തതിനെ തുടര്‍ന്ന് പ്രധാന സന്ദേശം നല്‍കി.

വര്‍ഗീസ് പാലമലയില്‍
അമേരിക്കന്‍ അതിഭദ്രാസന പി.ആര്‍.ഓ.