കേരളത്തിലാകമാനം ഭരണ വിരുദ്ധതരംഗങ്ങളും പിണറായിയുടെ ധാര്‍ഷ്ട്യത്തിന് എതിരായിട്ടുള്ള കേരള ജനതയുടെ നിശ്ചയധാര്‍ഢ്യവും പരമാവധി യു.ഡി.എഫ്. അനുകൂല വോട്ടുകളാക്കാന്‍ ഐക്യ ജനാധിപത്യ മുന്നണിക്ക് സാധിക്കുന്നു. 2016 ലും 2021 ലും സരിതയുടെ സഹായത്തോടെ കോണ്‍ഗ്രസ്സിനെയും ഉമ്മന്‍ചാണ്ടിയേയും അപകീര്‍ത്തിപ്പെടുത്താന്‍  പററിയതു പോലെ ഉപ്രാവശ്യം സരിതമാരെ ലഭിക്കാത്തതിലുള്ള വന്‍ നിരാശ ഇടതുപക്ഷത്തെ ബാധിച്ചിരിക്കുന്നു. പകരമായി ഇല്ലാക്കഥകളും, നുണ പ്രചാരണത്തിലുമാണ് സഖാക്കന്മാര്‍.
സ്വന്തമായി തുടങ്ങി പൂര്‍ത്തീകരിച്ച ഒരു പദ്ധതിയും ഒരു സ്ഥാപനവും ചൂണ്ടിക്കാട്ടാനാവാത്തതിലുള്ള അമര്‍ഷം മൂലം ചോദ്യങ്ങളോടും മാദ്ധ്യമങ്ങളോടും അവഹേളനവും ധീക്കാര മനോഭാവം വെച്ചു പുലര്‍ത്തുന്നത്് കേരള ജനത ജാഗ്രതയോടെ വീക്ഷിച്ചു കൊണ്ടിരിക്കുകയാണ്.

പിണറായി വിജയന്റെ ലാവ് ലിന്‍ അഴിമതി മുതല്‍ ലൈഫ് മിഷന്‍ ഭവന നിര്‍മ്മാണ അഴിമതി, കോവിഡ് കാലത്തെ പി.പി.എ. കിറ്റിലെ വന്‍ചതി, കെ. റെയില്‍ മഞ്ഞക്കുറ്റി നാട്ടി നാട്ടുകാരെയും കോണ്‍ഗ്രസ്സുകാരെയും കള്ളകേസ്സില്‍ കുടുക്കിയതും, കെ. ഫോണ്‍, എഐ ക്യാമറ, കരുവന്നൂര്‍ സഹകരണസംഘ ബാങ്കിലെ 320 കോടിയുടെ വന്‍ അഴിമതികള്‍, ശിവശങ്കര്‍, സി.എം. രവീന്ദ്രന്‍, വാസു, പത്മകുമാര്‍ , തുടങ്ങി സകല നേതാക്കന്മാരും അഴിമിതിയില്‍ ജയിലില്‍ ആയിട്ടും ആര്‍ക്കെതിരെയും പാര്‍ട്ടി നടപടി എടുക്കാത്തതിലും അയ്യപ്പന്റെ സ്വര്‍ണ്ണം കട്ടിട്ട് ചെമ്പു സ്ഥാപിച്ചതിലുമുള്ള, ജനരോഷം ഈ തിരഞ്ഞെടുപ്പില്‍ വന്‍ തിരിച്ചടി നേരിടുവാന്‍ ഇനി ഏതാനും മണിക്കൂറുകള്‍ മാത്രം ബാക്കി.

പ്രവാസി നിക്ഷേപകരെ വഞ്ചിച്ച സര്‍ക്കാര്‍ പാഴ് വാഗദാനം നല്‍കി മുതല്‍ മുടക്കാന്‍ കേരളത്തിലെത്തിയ സ്വന്തം പാര്‍ട്ടിയിലെ ആരൂര്‍ സാജന്‍ 18 കോടി മുടക്കി സ്വന്തം പാര്‍ട്ടി ഗ്രാമത്തില്‍ ഒരു കണ്‍വന്‍ഷന്‍ സെന്റര്‍ തുടങ്ങാന്‍ ശ്രമിച്ചപ്പോള്‍ അവസാനം പാര്‍ട്ടി സെക്രട്ടറിയുടെ  ഭാര്യ ശ്യാമളയുടെ പിടിവാശിയില്‍ ആതമഹത്യ ചെയ്ത സംഭവം പ്രവാസികളെ ഇവരില്‍ നിന്നകറ്റി. സ്വന്തം പാര്‍ട്ടിയിലെ എഡിഎം നവീന്‍ ബാബുവിനെ ആത്സഹത്യക്കു പ്രേരിപ്പിച്ച പി.പി.ദിവ്യയെ പാര്‍ട്ടി  സംരക്ഷിച്ചപ്പോള്‍ സാധാരണ തൊഴിലെടുത്തു ജീവിക്കുന്ന ഉദ്യോഗസ്ഥ കുടുംബങ്ങള്‍ ഈ പാര്‍ട്ടിയില്‍ നിന്നും അകലുകയാണ്. അവസാനം വയനാട് ദുരന്തമുണ്ടായപ്പോള്‍ നല്ലവരായ മനുഷ്യസ്‌നേഹികള്‍ കൊടുത്ത 750 കോടി കണക്കില്ലാതെ ഊരാളുങ്കല്‍ മുതലാളിമാര്‍ക്ക് കുറെ വാരിക്കോരി കൊടുത്തിട്ടു കണക്കു ചോദിക്കുമ്പോള്‍ കടക്കൂ പുറത്ത് എന്നു പറയുന്നതു കേട്ട്  നല്ലവരായ മനുഷ്യസ്‌നേഹികളും ഈ പാര്‍ട്ടിയോട് വിട പറഞ്ഞു.

കര്‍ഷകര്‍, കൂട്ടത്തോടെ ആത്മഹത്യ ചെയ്യുമ്പോള്‍ താങ്ങുവില കൊടുത്തു അവരെ സംര്കഷിക്കാന്‍ സര്‍ക്കാര്‍ തയ്യാറാകാത്തതു മൂലം കര്‍ഷകര്‍ മാറി ചിന്തിക്കുന്നു. ആശാവര്‍ക്കര്‍മാര്‍ മൂന്നു മാസം സമരം ചെയ്തപ്പോള്‍ അവരെ കണ്ടില്ലായെന്നു നടിച്ച സര്‍ക്കാരിനോടു അവരും വിട പറഞ്ഞു.

ഒരു ചോദ്യത്തിനു മറുപടി പറയാനോ ഒരു സംവാദത്തിനു തയ്യാറാകാത്ത മുഖ്യമന്ത്രി അമ്പേ പേടിത്തൊണ്ടനായി മാറിയതു കേരളം വീക്ഷിക്കുകയാണ്. സ്വജന പക്ഷപാതവും, പിന്‍വാതില്‍ നിയമനവും ഗുണ്ടാവിളയാട്ടവും, മയക്കുമരുന്നു ലഹരി മാഫിയാ സംഘപ്പിടിയില്‍ അമര്‍ന്നു പോയ കേരളത്തിലെ അഭ്യസ്ഥവിദ്യരായ യുവജനങ്ങളും ഈ സര്‍ക്കാരിനെതിരെ വോട്ടു ചെയ്യു. യു.ഡി.എഫ്. 118 സീറ്റുകളോട ഭരണം പിടിക്കും.

ജയ് ഹിന്ദ്,
ചാരുമൂട് ജോസ്.