യോങ്കേഴ്‌സ് സെന്റ് തോമസ് ഓര്‍ത്തഡോക്‌സ് പള്ളിയിലെ ഈര്‍ഷത്തെ ഹാശാ ആഴ്ച ശുശ്രൂഷകള്‍ മംഗളകരമായി സമാപിച്ചു. മാര്‍ച്ച് 29-ാം തീയതി ഹോശാന ആഘോഷത്തോടുകൂടി ആരംഭിച്ച ശുശ്രൂഷകള്‍ക്ക് വികാരി റവ.ഫാ. ജോബ്‌സണ്‍ കോട്ടപ്പുറം മുഖ്യ കാര്‍മികത്വം വഹിച്ചു.

ഏറ്റവും മംഗളകരമായ ഉയിര്‍പ്പ് പെരുന്നാളോടും, ഈസ്റ്റര്‍ വിരുന്നോടും കൂടി ഹാശാ ആഴ്ച ശുശ്രൂഷകള്‍ പര്യവസാനിച്ചു. സര്‍വ്വീസുകള്‍ ഏറ്റവും ഭംഗിയാക്കിയ ജോബ്‌സണ്‍ അച്ചന്‍, മദ്ബഹായിലെ ശുശ്രൂഷകര്‍ എന്നിവര്‍ക്ക് സെക്രട്ടറി സെലിന്‍ ജഗേശ്വര്‍ നന്ദി പറഞ്ഞു. അതോടൊപ്പം പള്ളിയിലെ ഭരണസമിതി അംഗങ്ങള്‍, ഭക്തസംഘടനകള്‍, ഭക്ഷണ ക്രമീകരണങ്ങള്‍ ചെയ്തവര്‍ എന്നിവര്‍ക്ക് ഇടവക വികാരിയും സെക്രട്ടറിയും സ്‌നേഹാദരവുകള്‍ അറിയിച്ചു.