ഗ്രേറ്റർ ഷിക്കാഗോ മലയാളി അസോസിയേഷൻ (GCMA) സംഘടിപ്പിക്കുന്ന വിപുലമായ യുവജനോത്സവം 'സർഗോത്സവം 2026' ഏപ്രിൽ 11-ന് നടക്കും. 3 വയസ്സു മുതൽ 18 വയസ്സു വരെയുള്ള കുട്ടികൾക്കായി വിവിധ വിഭാഗങ്ങളിലായാണ് മത്സരങ്ങൾ ക്രമീകരിച്ചിരിക്കുന്നത്. ഷിക്കാഗോയിലെയും പരിസരപ്രദേശങ്ങളിലെയും പ്രതിഭകളായ കുട്ടികൾക്കും യുവാക്കൾക്കും തങ്ങളുടെ കലാവൈഭവം പ്രകടിപ്പിക്കാനുള്ള മികച്ച വേദിയായി സർഗോത്സവം മാറും.

മത്സരങ്ങളിൽ പങ്കെടുക്കാൻ താല്പര്യമുള്ളവർ ഏപ്രിൽ 6-ന് മുൻപായി പേരുകൾ രജിസ്റ്റർ ചെയ്യേണ്ടതാണ്.

വാദ്യോപകരണ വിഭാഗത്തിലെ മത്സരങ്ങൾ ഓൺലൈൻ പ്ലാറ്റ്‌ഫോമിലായിരിക്കും നടക്കുക. ഏപ്രിൽ 6, 7 തീയതികളിൽ വൈകുന്നേരം 6 മണിക്ക് ശേഷമാണ് ഈ സെഷനുകൾ ക്രമീകരിച്ചിരിക്കുന്നത്.

ഏപ്രിൽ 11-ന് രാവിലെ 7 മണി മുതൽ ചെക്ക്-ഇൻ നടപടികൾ ആരംഭിക്കും. അവസാന നിമിഷത്തെ തിരക്ക് ഒഴിവാക്കാൻ മത്സരാർത്ഥികൾ നേരത്തെ തന്നെ എത്തണമെന്ന് സംഘാടകർ അറിയിച്ചു.

കുട്ടികളുടെ പ്രായത്തിനനുസരിച്ച് നാല് പ്രധാന വിഭാഗങ്ങളായാണ് മത്സരങ്ങൾ നടക്കുന്നത്:

• അണ്ടർ 5 (കിഡ്‌സ്): കഥ പറയൽ (Story Telling), സൂപ്പർ കിഡ് (Super Kid) മത്സരങ്ങൾ.

• സബ് ജൂനിയർ: 1 മുതൽ 4 വരെ ഗ്രേഡ് വിദ്യാർത്ഥികൾ.

• ജൂനിയർ: 5 മുതൽ 9 വരെ ഗ്രേഡ് വിദ്യാർത്ഥികൾ.

• സീനിയർ: 9 മുതൽ 12 വരെ ഗ്രേഡ് വിദ്യാർത്ഥികൾ.

മത്സര ഇനങ്ങൾ

1. സംഗീതം (Vocal Music): ഇന്ത്യൻ ക്ലാസിക്കൽ (സോളോ), മലയാളം ലളിതഗാനം (സോളോ), സിനിമാ ഗാനങ്ങൾ (കരോക്കെയോടു കൂടിയും അല്ലാതെയും), ഇംഗ്ലീഷ് ഗാനങ്ങൾ (സോളോ), നാടൻ പാട്ടുകൾ/ലളിതഗാനങ്ങൾ (ഗ്രൂപ്പ്), സിനിമാ ഗാനങ്ങൾ (ഗ്രൂപ്പ്).

2. വാദ്യോപകരണങ്ങൾ (Instrumental - Online): വിൻഡ് (Wind), ഡ്രംസ് (Drums), സ്ട്രിംഗ് (String), കീബോർഡ് (Keyboard) എന്നിങ്ങനെ നാല് വിഭാഗങ്ങളിലായി ഓൺലൈൻ വഴിയാണ് ഈ മത്സരങ്ങൾ നടക്കുക. ഏപ്രിൽ 6, 7 തീയതികളിൽ വൈകുന്നേരം 6 മണിക്ക് മത്സരങ്ങൾ ആരംഭിക്കും. കൂടുതൽ മത്സരാർത്ഥികളുണ്ടെങ്കിൽ ഏപ്രിൽ 8-നും മത്സരങ്ങൾ തുടരുന്നതാണ്.

3. നൃത്തം (Dance):

• സോളോ: ഭരതനാട്യം, മോഹിനിയാട്ടം, വെസ്റ്റേൺ ഡാൻസ്, ഫോക്ക് ഡാൻസ്, സിനിമാറ്റിക് ഡാൻസ്.

• ഗ്രൂപ്പ്: ഭരതനാട്യം, മാർഗ്ഗംകളി, വെസ്റ്റേൺ ഡാൻസ്, ഫോക്ക് ഡാൻസ്. (ശ്രദ്ധിക്കുക: വെസ്റ്റേൺ ഡാൻസ് വിഭാഗത്തിൽ ഇംഗ്ലീഷ് ഗാനങ്ങൾ മാത്രമേ അനുവദിക്കൂ)

4. പ്രസംഗം & രചന (Speech & Arts): മലയാളം, ഇംഗ്ലീഷ് പ്രസംഗമത്സരങ്ങൾ (Elocution), ഫാൻസി ഡ്രസ്സ്, പെൻസിൽ ഡ്രോയിംഗ്, വാട്ടർ കളർ പെയിന്റിംഗ്.

5. സ്പോട്ട്ലൈറ്റ് ഇവന്റുകൾ (Spotlight Events): കാലിഗ്രാഫി (മികച്ച കൈയക്ഷരം), സ്പെല്ലിംഗ് ബീ (Spelling Bee), കൂടാതെ അമേരിക്കയിൽ മാത്രം വിദ്യാഭ്യാസം നേടിയ കുട്ടികൾക്കായി പ്രത്യേക 'മലയാളം വായനാ മത്സരം' എന്നിവയും ഉൾപ്പെടുത്തിയിട്ടുണ്ട്.

രജിസ്ട്രേഷൻ വിവരങ്ങൾ

ഏപ്രിൽ 6-ന് മുൻപായി പേര് രജിസ്റ്റർ ചെയ്യേണ്ടതാണ്. ഏപ്രിൽ 11-ന് രാവിലെ 7 മണിക്ക് ചെക്ക്-ഇൻ ആരംഭിക്കും. 50 അംഗ സംഘാടക സമിതി പരിപാടിയുടെ വിജയത്തിനായി അഹോരാത്രം പരിശ്രമിക്കുന്നു.

GCMA പ്രസിഡന്റ് ജിതേഷ് ചുങ്കത്തിന്റെ നേതൃത്വത്തിലുള്ള എക്സിക്യൂട്ടീവ് കമ്മിറ്റിയും 50 അംഗ സംഘാടക സമിതിയുമാണ് പരിപാടികൾക്ക് ചുക്കാൻ പിടിക്കുന്നത്.

• ഇവന്റ് കോർഡിനേറ്റർമാർ: ജിജു എബ്രഹാം, രഞ്ജിത്ത് ചെറുവള്ളി, സന്തോഷ് കാട്ടൂക്കാരൻ

• ഐ.ടി കോർഡിനേറ്റർ: സുജിത്ത് കെനോത്ത്. അനീഷ് ആന്റോ

• ജഡ്ജിംഗ് & ഓൺലൈൻ ഇവന്റ് കോർഡിനേറ്റർമാർ: റോഷ്നി ബിജു, അനുജ് ഗോപാൽ, സുബാഷ് ജോർജ്

സർഗോത്സവത്തിന്റെ സമാപന അവസരത്തിൽ ഫൊക്കാന പ്രസിഡന്റ് സജിമോൻ ആന്റണി മുഖ്യ അഥിതി ആയിരിക്കും . ഫൊക്കാന വൈസ് പ്രസിഡന്റ് പ്രവീൺ തോമസ് , ഫോമാ റീജിണൽ വൈസ് പ്രസിഡന്റ് ജോൺസൻ കണ്ണൂക്കാടൻ , ഫൊക്കാന റീജിണൽ വൈസ് പ്രസിഡന്റ് സന്തോഷ് നായർ  എന്നിവരും ഗ്രെയ്റ്റർ ചിക്കാഗോ  ഏരിയയിലെ വിവിധ സംഘടന , ക്ലബ്  നേതാക്കളും പങ്കെടുക്കുന്നതായിരിരിക്കും .

ഈ വിജ്ഞാന-കലാ സന്ധ്യയിലേക്ക് ഷിക്കാഗോയിലെ എല്ലാ മലയാളി കുടുംബങ്ങളെയും സ്വാഗതം ചെയ്യുന്നതായി പ്രസിഡന്റ് ജിതേഷ് ചുങ്കത്തും ,സംഘാടക സമിതിയും അറിയിച്ചു. കൂടുതൽ വിവരങ്ങൾക്കും രജിസ്ട്രേഷനുമായി സന്ദർശിക്കുക:  greatercma.org