നൂറു വർഷങ്ങൾക്കു മുൻപ്

ഞാനുണ്ടായിരുന്നില്ല.

1400 കോടി  കൊല്ലങ്ങൾക്കു മുൻപ്

പ്രപഞ്ചവും ഉണ്ടായിരുന്നില്ല.

ഉണ്ടായിരുന്നത്

ഉണ്ടാവുന്നതിനുള്ള

സാഹചര്യങ്ങളായിരുന്നു.  സാഹചര്യങ്ങളിൽ നിന്നു

ഞാനും ,

സാഹചര്യങ്ങളിൽ നിന്നു തന്നെ പ്രപഞ്ചവും

ഉടലെടുക്കുകയായിരുന്നു ! ഉണ്ടായതും ഉള്ളതും

ഉണ്ടാവാനിരിക്കുന്നതുമായ

സർവ്വത്തിനും

‘ മുൻ ‘ എന്ന്‌

അടയാളപ്പെടുത്താവുന്ന

ഒരവസ്ഥയുണ്ട് എന്നതിനാൽ

അതാണല്ലോ അതിന്റെ ആദി ? ആദി വസ്തുവോ പ്രതിഭാസമോ അല്ലാത്തതും ,

ലബോറട്ടറി വിശകലനങ്ങൾക്കു വിധേയമാവാത്ത  ബോധാവസ്ഥയുടെ ആത്മ പ്രകാശനമായ

ചിന്ത എന്ന യാഥാർഥ്യമാവുന്നു !.

ഇതിനെത്തന്നെയാവണം

‘പ്ലാങ്ക് എറാ ‘ എന്ന സംജ്ഞയിൽ ശാസ്ത്രം അടയാളപ്പെടുത്തുന്നത് .

ഇത് സിങ്കുലാരിറ്റിയിൽ സംഭവിച്ചു എന്നതിനാൽ ,

അതേ സിങ്കുലാരിറ്റി തന്നെയാവണം

ആദിമ ബോധാവസ്ഥ എന്ന ഊർജ്ജ സ്രോതസ്സ്. !

അത് കൊണ്ടാണ് ഞാൻ പറയുന്നത്

ദ്രവ്യവും ഊർജ്ജവും

സമയവും ഒത്തുചേർന്നപ്പോൾ അനാഥമായി സംഭവിച്ച യാദൃശ്ചികതയല്ല,

പകരം

ആദിചിന്തയുടെ ആത്മാവ്

ശരീരം ധരിച്ചതാണ്

പ്രപഞ്ചം എന്ന് !