അമേരിക്കയിലെ മലയാളി സംഘടനകളുടെ പ്രധാന കൂട്ടായ്മയായ *ഫോമാ (Federation of Malayalee Associations of Americas)*യുടെ വൈസ് പ്രസിഡന്റ് ഷാലു പുന്നൂസ് സംസ്ഥാന നിയമസഭാ തെരഞ്ഞെടുപ്പിൽ യുവജനങ്ങൾക്ക് കൂടുതൽ അവസരം നൽകണമെന്ന് ആവശ്യപ്പെട്ടു.

രാജ്യത്തിന്റെ പുരോഗതിക്കും സാമൂഹിക മാറ്റങ്ങൾക്കും യുവജനങ്ങളുടെ പങ്കാളിത്തം നിർണായകമാണെന്ന് അദ്ദേഹം പറഞ്ഞു. പുതിയ ആശയങ്ങളും സാങ്കേതിക അറിവും സമൂഹത്തോടുള്ള ഉത്തരവാദിത്വബോധവും യുവജനങ്ങളിൽ കൂടുതലായതിനാൽ രാഷ്ട്രീയ രംഗത്തും ഭരണ സംവിധാനത്തിലും അവരുടെ സാന്നിധ്യം വർധിക്കേണ്ടത് കാലത്തിന്റെ ആവശ്യമാണ് എന്നും അദ്ദേഹം കൂട്ടിച്ചേർത്തു.

ജനങ്ങളുടെ പ്രശ്നങ്ങൾ അടുത്തറിഞ്ഞ് പരിഹാര മാർഗങ്ങൾ കണ്ടെത്താൻ യുവജനങ്ങൾക്കുള്ള കഴിവ് രാഷ്ട്രീയ പാർട്ടികൾ അംഗീകരിക്കണമെന്നും, അടുത്ത നിയമസഭാ തെരഞ്ഞെടുപ്പിൽ കൂടുതൽ യുവ സ്ഥാനാർത്ഥികളെ മുന്നോട്ട് കൊണ്ടുവരണമെന്നും ഷാലു പുന്നൂസ് അഭിപ്രായപ്പെട്ടു.

ലോകത്തിന്റെ വിവിധ ഭാഗങ്ങളിൽ പ്രവർത്തിക്കുന്ന മലയാളി യുവജനങ്ങൾ സമൂഹസേവനത്തിലും നേതൃപാടവത്തിലും മികച്ച മാതൃകകൾ സൃഷ്ടിക്കുന്നുണ്ടെന്നും, അതുപോലെ തന്നെ കേരള രാഷ്ട്രീയത്തിലും യുവത്വത്തിന്റെ ശക്തി പ്രകടമാകണമെന്ന് അദ്ദേഹം പറഞ്ഞു.

യുവത്വത്തിന്റെ പ്രതീകമായ ഷാലു പുന്നൂസ് യുവജനങ്ങളുടെ ശബ്ദം രാഷ്ട്രീയത്തിൽ ശക്തമായി പ്രതിഫലിക്കേണ്ട സമയമാണിതെന്ന് അദ്ദേഹം വ്യക്തമാക്കി.

വരാനിരിക്കുന്ന നിയമസഭാ തെരഞ്ഞെടുപ്പിൽ യുവജനങ്ങൾക്ക് കൂടുതൽ പ്രാതിനിധ്യം നൽകുന്നതിലൂടെ ജനാധിപത്യ സംവിധാനം കൂടുതൽ ശക്തിപ്പെടുമെന്നും അദ്ദേഹം അഭിപ്രായപ്പെട്ടു.