ഭരണകൂടത്തെ മുട്ടുകുത്തിക്കാമെന്നത് വെറും വ്യാമോഹവും മൗഢ്യവും!

ജനങ്ങളുടെ നികുതിപ്പണം കൊണ്ട് ആർഭാടം നയിക്കുകയും, സർക്കാർ നൽകുന്ന സൗകര്യങ്ങൾ അനുഭവിച്ച് ആശുപത്രികളെ കൈക്കൂലി വാങ്ങാനുള്ള 'കശാപ്പുശാലകളാക്കി' മാറ്റുകയും ചെയ്ത ഒരുകൂട്ടം ഡോക്ടർമാർ സംഘടനയുടെ മറവിൽ സർക്കാരിനെ ഭയപ്പെടുത്താൻ നോക്കുകയാണ്. മെഡിക്കൽ കോളേജുകളിൽ പഠിക്കുമ്പോൾ നിങ്ങൾ തൊട്ടു ചൊല്ലിയ ആ 'ഹിപ്പോക്രാറ്റിക് ഓത്ത്' (Hippocratic Oath) വെറും വായ്ത്താരിയായിരുന്നോ? രോഗിയുടെ ജീവനേക്കാൾ പണത്തിനും സ്വാർത്ഥതയ്ക്കും വില കൽപ്പിക്കുന്ന നിങ്ങൾ ആ വിശുദ്ധമായ സത്യപ്രതിജ്ഞയെ പച്ചയായി വഞ്ചിച്ചിരിക്കുന്നു. ഇത് ജനങ്ങളെ സേവിക്കാനുള്ള വിശുദ്ധമായ സർവീസാണ്, അല്ലാതെ തെരുവിൽ ലേലം വിളിച്ചു വിൽക്കാനും രോഗികളെ പിഴിഞ്ഞു കാശാക്കാനുമുള്ള കച്ചവടമല്ലെന്ന് ആവർത്തിച്ചു പറയേണ്ടി വരുന്നത് ഈ സമൂഹത്തിന് തന്നെ ലജ്ജാകരമാണ്. നിങ്ങൾ പഠിച്ച വിദ്യ പാവപ്പെട്ടവന്റെ കണ്ണീരൊപ്പാനാണെന്ന് ഓരോ നിമിഷവും ഓർമ്മിപ്പിക്കുന്നു.

കൊലക്കളമാകുന്ന ആശുപത്രികൾ: അനാസ്ഥയുടെ കണക്കുകൾ പറയണം

ഇന്ത്യയിൽ ഓരോ വർഷവും വൈദ്യശാസ്ത്രപരമായ അനാസ്ഥ (Medical Negligence) മൂലം ലക്ഷക്കണക്കിന് ആളുകൾ മരിക്കുന്നുണ്ടെന്നാണ് വിവിധ പഠനങ്ങളും കണക്കുകളും സൂചിപ്പിക്കുന്നത്. ഇതിന്റെ ഏറ്റവും ക്രൂരമായ ഉദാഹരണമാണ് പാലക്കാട് പല്ലശ്ശന സ്വദേശിനിയായ നാലാം ക്ലാസ്സുകാരി വിനോദിനിയുടെ അനുഭവം. കളിച്ചുകൊണ്ടിരിക്കെ വീണ് കൈ ഒടിഞ്ഞ് ചികിത്സ തേടി പാലക്കാട് ജില്ലാ ആശുപത്രിയിലെത്തിയ ആ കുഞ്ഞിന് ഡോക്ടർമാരുടെ കൈപ്പിഴ മൂലം സ്വന്തം വലതുകൈ തന്നെ മുറിച്ചു മാറ്റേണ്ടി വന്നു. പ്ലാസ്റ്ററിട്ടതിലെ അശാസ്ത്രീയതയും അനാസ്ഥയും കാരണം അണുബാധയുണ്ടായി കൈ നഷ്ടപ്പെട്ട ആ പെൺകുട്ടി ആറു മാസമാണ് സ്‌കൂളിൽ പോകാനാകാതെ കണ്ണീരോടെ കഴിഞ്ഞത്. ചികിത്സാപിഴവില്‍ കൈ നഷ്ടമായ വിനോദിനി വീണ്ടും സ്കൂളിലേക്ക്‌; 21 വയസ്സുവരെ സൗജന്യ വിദ്യാഭ്യാസവും ചികിത്സയും നല്‍കാൻ ഹൈക്കോടതി ഉത്തരവ്. എന്തൊരു കോടതിയാണ്.അവിടെയും ജനത്തിന്റെ നികുതിപ്പണമാണ്. എന്തുകൊണ്ട് തെറ്റ് ചെയ്തവരുടെ സ്വത്തിൽ നിന്നും സമ്പത്ത് വാങ്ങി നൽകാൻ കോടതി തയാറാകുന്നില്ല.?

പാവപ്പെട്ടവന്റെ മക്കൾക്ക് നീതി കിട്ടാത്ത ഈ അവസ്ഥയ്ക്ക് കാരണം ഡോക്ടർമാർ സംഘടനയുടെ പേരിൽ നടത്തുന്ന ഗുണ്ടായിസമാണ്. തെറ്റ് ചെയ്യുന്ന ഡോക്ടർക്കെതിരെ നടപടിയെടുക്കാൻ ശ്രമിക്കുമ്പോൾ രോഗികളെ ബന്ദികളാക്കി സമരം ചെയ്യുന്നതും, തങ്ങളുടെ 'അവകാശങ്ങൾക്ക്' വേണ്ടി ചികിത്സ നിഷേധിച്ച് ഭീഷണി മുഴക്കുന്നതും ഈ സമൂഹത്തോടുള്ള വെല്ലുവിളിയാണ്. കൃത്യസമയത്ത് ശരിയായ ചികിത്സ നൽകാതെയും, പണത്തോടുള്ള ആർത്തി മൂലം ശസ്ത്രക്രിയകൾ പിഴപ്പിച്ചും നിങ്ങൾ കൊന്നൊടുക്കുന്നത് പാവപ്പെട്ടവന്റെ സ്വപ്നങ്ങളെയും പ്രതീക്ഷകളെയുമാണ്. ഡോ. ബിന്ദുവിനെപ്പോലെയുള്ള ഉദ്യോഗസ്ഥരെ സംരക്ഷിക്കാൻ ഇറങ്ങിത്തിരിച്ചവർ യഥാർത്ഥത്തിൽ അഴിമതിയുടെയും അനാസ്ഥയുടെയും ഒരു വലിയ മാഫിയയെയാണ് വെള്ളപൂശാൻ ശ്രമിക്കുന്നത്.

ഭരണകൂടത്തിനു ഇച്ഛാശക്തി ഗുണ്ടാകണം; ജയലളിതയുടെ ആർജ്ജവം സർക്കാർ കാണിക്കണം
ഭരണാധികാരികൾക്ക് ഇച്ഛാശക്തിയുണ്ടെങ്കിൽ ഈ വെള്ളക്കുപ്പായമിട്ട ഗുണ്ടകളെ നിലയ്ക്കു നിർത്താൻ നിമിഷനേരം മതി. മുൻപ് തമിഴ്‌നാട്ടിൽ ജയലളിത ചെയ്തതുപോലെ, സമരത്തിന്റെയും അവകാശത്തിന്റെയും പേരിൽ ജനങ്ങളെ കൊലയ്ക്ക് കൊടുക്കുന്ന ഒരൊറ്റ ഡോക്ടറെയും സർവീസിൽ ബാക്കി വെക്കരുത്. ചികിൽസ നിഷേധിക്കുന്ന ഓരോരുത്തരെയും ഉടനടി ഡിസ്മിസ് ചെയ്യുക. പകരം പുതിയ ഉദ്യോഗാർത്ഥികളെ നിയമിക്കാൻ സർക്കാർ തയ്യാറാകുകയും വേണം. ജനങ്ങളുടെ ജീവൻ വെച്ച് പന്താടാൻ ആരെയും അനുവദിക്കില്ലെന്ന് പ്രഖ്യാപിക്കാൻ ഭരണകൂടം ആർജ്ജവം കാണിക്കണം. ആശുപത്രി പടിക്കൽ ചികിത്സ കിട്ടാതെ മരിച്ചു വീഴുന്ന ഓരോ മനുഷ്യനും നിങ്ങളുടെ ഭരണ പരാജയത്തിന്റെ അടയാളമായി മാറാതിരിക്കാൻ ഈ മാഫിയയെ വേരോടെ പിഴുതെറിയണം.

അഴിമതിയും കൈക്കൂലിയും: സംഘടനയുടെ മറവിലെ സംരക്ഷണം

രോഗിയുടെ നിസ്സഹായാവസ്ഥയെ മുതലെടുത്ത് പണം തട്ടുന്ന കൈക്കൂലി മാഫിയയുടെ വക്താക്കളായി ഈ സംഘടനകൾ മാറിയിരിക്കുന്നു. അഴിമതി പിടിക്കപ്പെടുമ്പോൾ 'സംഘടനാശക്തി' കാണിച്ച് സർക്കാരിനെ ബ്ലാക്ക് മെയിൽ ചെയ്യാമെന്നത് വെറും കിനാശ്ശേരിയാണ്. ഗവൺമെന്റ് ഹോസ്പിറ്റലുകളെ സ്വന്തം തറവാട് സ്വത്തായി കണ്ട്, അവിടെ വരുന്ന പാവപ്പെട്ടവനെ പീഡിപ്പിക്കുകയും പുറമെ പ്രൈവറ്റ് പ്രാക്ടീസ് നടത്തി കീശ വീർപ്പിക്കുകയും ചെയ്യുന്ന ഇത്തരക്കാരെ ജയിലിലടക്കുകയാണ് വേണ്ടത്. ഇവരുടെ ആസ്തികളെക്കുറിച്ച് സമഗ്രമായ വിജിലൻസ് അന്വേഷണം നടത്തണം. ചികിത്സ എന്നത് കച്ചവടച്ചരക്കാക്കിയ ഇവർ മാപ്പർഹിക്കാത്ത കുറ്റമാണ് ചെയ്യുന്നത്. വിനോദിനിയെപ്പോലെയുള്ള കുട്ടികളുടെ സങ്കടം വാർത്തയായപ്പോൾ മാത്രമാണ് പ്രതിപക്ഷ നേതാവ് വി.ഡി. സതീശൻ ഇടപെട്ട് കൃത്രിമ കൈ വെച്ചു നൽകിയത്. ഇത്തരം കാരുണ്യപ്രവൃത്തികൾക്ക് രാഷ്ട്രീയക്കാർ ഇറങ്ങേണ്ടി വരുന്നത് തന്നെ ഇവിടുത്തെ മെഡിക്കൽ സംവിധാനത്തിന്റെ പരാജയമാണ്.

നിയമത്തിന്റെ വാൾ ഓങ്ങണം: കഠിന ശിക്ഷ ഉറപ്പാക്കുക

ഇത്തരം ക്രിമിനലുകളെ നേരിടാൻ ശക്തമായ നിയമങ്ങൾ രാജ്യത്ത് നിലവിലുണ്ട്. ഭാരതീയ ന്യായ സംഹിതയിലെയും (മുൻപ് IPC 304A) മറ്റു പ്രത്യേക നിയമങ്ങളിലെയും വകുപ്പുകൾ പ്രകാരം ചികിത്സാ പിഴവ് മരണത്തിനോ അംഗഭംഗത്തിനോ കാരണമായാൽ കടുത്ത ജയിൽ ശിക്ഷയും ലൈസൻസ് റദ്ദാക്കലും ലഭിക്കാം. കൂടാതെ, അത്യാവശ്യ സേവന നിയമം (ESMA) ലംഘിക്കുന്നവർക്കെതിരെ കർശന നടപടി സ്വീകരിച്ച് അവരെ സർവീസിൽ നിന്നും നീക്കം ചെയ്യണം. ചികിത്സാ നിഷേധം എന്നത് ഒരു മനുഷ്യത്വവിരുദ്ധ കുറ്റകൃത്യമായി പരിഗണിച്ച് ഇവർക്കെതിരെ കൊലക്കുറ്റത്തിന് സമാനമായ കേസെടുക്കാൻ നിയമവകുപ്പ് തയ്യാറാകണം.

👉 ആനുകൂല്യങ്ങൾ റദ്ദാക്കുക: 
സമരക്കാർക്ക് ഇനി ഒരു രൂപ പോലും പെൻഷനോ ഗ്രാറ്റുവിറ്റിയോ നൽകില്ലെന്ന് ഉത്തരവിടണം.
👉 മാപ്പപേക്ഷ എഴുതി വാങ്ങുക: തിരികെ വരണമെങ്കിൽ "ഇനി ജന്മത്ത് സമരം ചെയ്യില്ല" എന്ന് മുദ്രപ്പത്രത്തിൽ എഴുതി വാങ്ങിയ ആ പഴയ തമിഴ്നാട് മാതൃക ഇവിടെയും നടപ്പിലാക്കണം.
👉 ജനകീയ വിചാരണ: സർക്കാർ കടുത്ത നടപടി എടുക്കുന്നില്ലങ്കിൽ ജനകീയ വിചാരണയും കടുത്ത നടപടികളുമായി പൊതുജനം ഇറങ്ങണം.
👉 അത്യാവശ്യ സർവീസ്: Essential Services-നെ പുല്ലുപോലെ കരുതുന്ന ഇവർക്ക് നിയമം അതിന്റെ വഴിക്ക് പോകുമെന്ന് കരുതിയാൽ തെറ്റി.
👉 കൊള്ള ലാഭം: മരുന്നു കമ്പനികളിൽ നിന്നും രോഗികളിൽ നിന്നും കൈക്കൂലി വാങ്ങി കൊഴുക്കുന്ന ഇവർക്ക് എന്ത് ധാർമ്മികതയാണ് പറയാനുള്ളത്?
👉 രോഗി ഒരു ഇരയല്ല: ഡോക്ടർക്ക് മുന്നിൽ കൈകൂപ്പി നിൽക്കുന്ന രോഗി നിങ്ങളുടേ ഇരയല്ല, മറിച്ച് നിങ്ങളെ പോറ്റുന്ന യജമാനനാണ്. ആ യജമാനനെ ചവിട്ടി പുറത്താക്കുന്ന സേവകർക്ക് ഈ മണ്ണിൽ സ്ഥാനമില്ല.
👉 ജനം നേരിടണം: റോഡിലും ആശുപത്രി മുറ്റത്തും സമരപ്പന്തലിലും ഇവർക്ക് ജനകീയ ശിക്ഷ ഉറപ്പാക്കണം. ഇവരുടെ അഹങ്കാരം തീർക്കാൻ ജനങ്ങൾ തെരുവിലിറങ്ങുന്ന സാഹചര്യം ഉണ്ടായാൽ അതിന്റെ ഉത്തരവാദിത്തം ഈ ഡോക്ടർമാർക്ക് മാത്രമായിരിക്കും.
ഭരണകൂടമേ, നിങ്ങളുടെ മൗനം ഈ ക്രിമിനലുകൾക്കുള്ള ലൈസൻസാണ്. ഈ മാഫിയയെ അടിച്ചമർത്തുക. ഇവർക്ക് ശിക്ഷ ലഭിക്കുന്നത് വരെ ജനകീയ രോഷം അടങ്ങില്ല. ഓരോ ജീവന്റെയും വില ഈ സംഘടിത കൊള്ളക്കാർ നൽകേണ്ടി വരും.

Read More: https://www.emalayalee.com/writer/317