അമേരിക്കയിൽ മാർച്ച് മാസം ദേശീയ വായനാമാസമായി ആഘോഷിക്കുന്നു. മലയാളഭാഷയുടെ വളർച്ചയും പുരോഗതിയും ലക്ഷ്യമാക്കുന്ന ഇ-മലയാളി മാർച്ച്  മാസത്തെ അവസാന വാരം വായനാവാരമായി ആദരിക്കാൻ ഉദ്ദേശിക്കുന്നു. ലോകമെമ്പാടുമുള്ള എല്ലാ എഴുത്തുകാർക്കും പങ്കെടുക്കാവുന്നതാണ്. ഏറ്റവും നല്ല രചനകൾ സമർപ്പിക്കുന്നവരെ അംഗീകരിക്കുകയും ആദരിക്കുകയും ചെയ്യുന്നതാണ് എല്ലാവരുടെയും സഹായസഹകരണങ്ങൾ പ്രതീക്ഷിക്കുന്നു. അതിനോടനുബന്ധിച്ച് ഒരു ചോദ്യാവലി തയ്യാറാക്കിയിരിക്കുന്നു  അത് പൂരിപ്പിച്ച് അയക്കുക - mag@emalayaleecom. /phone 917-324-4907.

1 .  ഇവിടത്തെ എഴുത്തുകാരേക്കാൾ നാട്ടിലെ എഴുത്തുകാരുടെ രചനകൾ വായിക്കാൻ എന്തുകൊണ്ട് അമേരിക്കൻ മലയാളികൾ ഇഷ്ടപ്പെടുന്നു.

2 . ഇ- മലയാളി ഇപ്പോൾ ഉൾപ്പെടുത്തുന്ന പംക്തികൾ കൂടാതെ നിങ്ങൾ ആഗ്രഹിക്കുന്ന പംക്തികൾ ഏതെല്ലാം. കഥകളോ, കവിതകളോ, ലേഖനങ്ങളോ, നർമ്മങ്ങളോ കൂടുതൽ താൽപ്പര്യം.  

3 . അമേരിക്കയിൽ മലയാള സാഹിത്യം പുതു തലമുറയിലേക്കും വളരാൻ പത്രമെന്ന നിലയിൽ ഇ-മലയാളി എന്ത് ചെയ്യണം.? എഴുത്തുകാർ എന്ത് ചെയ്യണം.?

4 .ഇവിടത്തെ എഴുത്തുകാരുടെ നല്ല രചനകളെ തിരഞ്ഞെടുക്കാൻ നിങ്ങൾക്ക് കഴിയുമോ?

5 . അങ്ങനെ തിരഞ്ഞെടുത്ത കൃതികളെക്കുറിച്ച് ഒരു തുറന്ന ചർച്ച ഇ മലയാളിയിൽ നടത്തുന്നതിനെക്കുറിച്ച് നിങ്ങളുടെ അഭിപ്രായം.

6 . മതങ്ങൾക്ക് സംഭാവന  ചെയ്യുന്നപോലെ എന്തുകൊണ്ട് ഭാഷക്ക് സംഭാവന ചെയ്യാൻ അമേരിക്കൻ മലയാളികൾ മടിക്കുന്നത്.

7 . ഇവിടത്തെ എഴുത്തുകാർ പ്രതിഫലം ഇല്ലാതെ എഴുതുമ്പോൾ അവരെ അംഗീകരിക്കാൻ ഇ-മലയാളി പ്രതിവർഷം അവാർഡുകൾ നൽകുന്നെങ്കിലും അവർക്ക് ക്യാഷ് അവാർഡുകൾ കൊടുക്കാൻ ധനികരായ ഭാഷ പ്രേമികളായ ആളുകൾ മുന്നോട്ട് വരുമോ?

8. നിങ്ങൾ ഇയ്യിടെ ഇ-മലയാളിയിൽ വായിച്ച നിങ്ങൾക്ക് ഇഷ്ടപ്പെട്ട രചന.