ചുവക്കുന്ന നീലാകാശം  

ചുരത്തുന്ന രക്തം പോലെ

പരക്കുന്നു പച്ചപ്പിൻമേൽ

അഗ്നി മേഘങ്ങൾ

മനുഷ്യനാം ശിശുവിനെ

കിടത്തുവാൻ കാലം തീർത്ത

മൃദു വായു കുമിളയിൽ

തുള വീഴ്ത്തുന്നു.

അതിരുകൾ വരയ്ക്കുമ്പോൾ

അതുവരെ സഹോദരൻ

അറിയാത്ത രിപുവായി

അന്യനാകുന്നു ?

അപരന്റെ തല വെട്ടി

അതും കൊണ്ട് ചെന്നീടേണം

പെരുമുല പെണ്ണായ് വാഴും

ഹൂറിയെക്കാണാൻ

മനസ്സിന് മതിൽ കെട്ടി

മനുഷ്യനെ തരം തിരി -

ചിറച്ചിയായ്  വിൽക്കുന്നുണ്ടീ

മത കശാപ്പുകാർ

മനസ്സിന് മതിലില്ലാ

മനുഷ്യനായ് വരവേല്ക്കൂ

പുതു യുഗ പുലരിപ്പൂ

സുപ്രഭാതങ്ങൾ  !