ഈ മഞ്ഞുപെയ്യുന്ന രാവും 
മങ്ങാതെ നിൽക്കും നിലാവും 
സ്വപ്നങ്ങളേന്തുന്ന പൂന്തിങ്കളും 
മണിമഞ്ചലിൽ ചേലുള്ളൊരോമലാളും !

പാതിരാക്കാറ്റിന്റെ ഈണങ്ങളും 
മനം തുള്ളിത്തുളുമ്പുന്ന മോഹങ്ങളും 
കുളിർതെന്നലിൽ കൊഞ്ചുന്ന സൗരഭ്യവും 
മണിത്തമ്പുരു മീട്ടുന്നൊരാവേശവും.

കെട്ടഴിഞ്ഞോമലിൻ  കാർകൂന്തലും 
തിരുനെറ്റിയിൽ മാഞ്ഞൊരു സിന്ദൂരവും 
മെയ്യോട് മെയ് ചേർന്ന  ധന്യമുഹൂർത്തങ്ങൾ 
നിർവൃതി കൊള്ളുന്ന മന്ത്രങ്ങളും .

പുൽക്കൊടിത്തുമ്പിലെ ഹിമബിന്ദുവും 
കരൾതേട്ടി തുളുമ്പുന്നൊരനുഭൂതിയും 
പുലരാതിരിക്കട്ടെ ഈ രാവുകൾ 
ക്ഷിതി സ്വർഗ്ഗമാക്കും രതിദേവതകൾ .

(ഒരു പഴയ മഞ്ഞുകാല ഭാവഗീതം)

ശുഭം