ഹ്യൂസ്റ്റൻ: ഡമോക്രാറ്റിക് പാർട്ടി വിട്ട്   റിപ്പബ്ലിക്കൻ സ്ഥാനാർഗിയായി മത്സരിച്ച ഫോർട്ട് ബെൻഡ് കൗണ്ടി ജഡ്‌ജി കെ.പി. ജോർജ് പ്രൈമറിയിൽ പരാജയപ്പെട്ടു. ഷുഗർലാൻഡ് കൗണ്സിലറായിരുന്ന ഡാനിയൽ വോംഗ് വിജയിച്ചു.

ഡമോക്രാടിക് പ്രൈമറിയിൽ ആർക്കും 50 ശതമാനം വോട്ട് കിട്ടാത്തതിനാൽ റൺ ഓഫ് ഇലക്ഷൻ നടക്കും

ജഡ്ജ് ജൂലി മാത്യു, മാത്യു വൈരമൺ  എന്നിവരും പരാജയപ്പെട്ടു. ജഡ്ജ് സുരേന്ദ്രൻ പട്ടേലിന് (240 ഡിസ്ട്രിക്ട് കോർട്ട്)  എതിരില്ലായിരുന്നു. ഡമോക്രാറ്റായയ അദ്ദേഹം നവംബറിൽ  റിപ്പബ്ലിക്കൻ സ്ഥാനാർഥി ആശാ റെഡ്ഢിയെ നേരിടും . 

2018 ലും 2022 ലും ഡെമോക്രാറ്റായി തിരഞ്ഞെടുക്കപ്പെട്ട ജോർജ്,  ക്രിമിനൽ കേസുകളെത്തുടർന്ന്   പാർട്ടി  മാറുകയും   റിപ്പബ്ലിക്കൻ പാർട്ടിയിൽ ചേരുകയും ചെയ്തു. കള്ളപ്പണം വെളുപ്പിക്കൽ, മുൻ സ്റ്റാഫുമായി ചേർന്ന് സ്വന്തം പ്രചാരണത്തിനെതിരെ വംശീയ ആക്രമണങ്ങൾ വ്യാജമായി നടത്തുക എന്നീ കുറ്റങ്ങൾ ചുമത്തി കൗണ്ടി പ്രോസിക്യൂട്ടർമാർ അദ്ദേഹത്തിനെതിരെ കേസെടുത്തു.

ചൊവ്വാഴ്ച രാത്രി പുറത്തിറങ്ങിയ ആദ്യ ഫലങ്ങൾ അനുസരിച്ച്, അഞ്ച് സ്ഥാനാർത്ഥികളുള്ള റിപ്പബ്ലിക്കൻ പ്രൈമറിയിൽ ജോർജിന് 8% ഏർലി വോട്ട് ലഭിച്ചു, അതേസമയം മുൻ ഷുഗർ ലാൻഡ് സിറ്റി കൗൺസിൽ അംഗം ഡാനിയേൽ വോങ് ഏർലി വോട്ടിന്റെ 57% നേടി മുന്നിലായിരുന്നു, അക്കൗണ്ടന്റ് കെന്നത്ത് ഒമോറുയി 12.8% നേടി രണ്ടാം സ്ഥാനത്തെത്തി.  

ഡെമോക്രാറ്റിക് പ്രൈമറിയിൽ, ഫോർട്ട് ബെൻഡ് കൗണ്ടി കമ്മീഷണർ ഡെക്‌സ്റ്റർ മക്കോയ് കൗണ്ടി ജഡ്ജി മത്സരത്തിൽ 43.4% വോട്ടുകൾ നേടി മുന്നിലായിരുന്നു. അഞ്ച് സ്ഥാനാർത്ഥികളുള്ള മത്സരത്തിൽ ഷുഗർ ലാൻഡ് മുനിസിപ്പൽ കോടതി അസോസിയേറ്റ് ജഡ്ജി റാഷൽ കാർട്ടർ 17.9% വോട്ടുകൾ നേടി രണ്ടാം സ്ഥാനത്തെത്തിയപ്പോൾ, ക്രിസ്റ്റ്യൻ ബെസെറ 16.8% വോട്ടുകൾ നേടി മൂന്നാം സ്ഥാനത്തെത്തി.

FORT BEND CO. JUDGE REPUBLICAN PRIMARY

DANIEL WONG 27,495 -54%

DARYL AARON 6,483 -13%

KENNETH OMORUYI 6,367 -13%

MELISSA WILSON 6,232 -12%

KP GEORGE 4,283- 8%