എഴുതിയ വരികൾക്കിടയിൽ എഴുതാത്ത വരികൾ ഒളിപ്പിച്ചു വച്ചിട്ടുള്ള ഈ കവിത ദാർശനികതയുടെ ആഴങ്ങളിൽ നിന്ന് മുത്തും പവിഴവും വാരിയെടുക്കുന്നു. കവിക്ക് അഭിവാദനങ്ങൾ ! ജയൻ വർഗീസ്.

ശ്രീമാൻ ജയൻ സർ, ഹൃദയം തുറന്നെഴുതിയ ആസ്വാദനത്തിനു ഹൃദയം നിറഞ്ഞ നന്ദി! ഓർമ്മച്ചെപ്പിൽ സൂക്ഷിക്കാൻ പറ്റിയ പ്രചോദനാത്മകമായ ആസ്വാദനം! സ്നേഹപൂർവ്വം, തൊടുപുഴ കെ ശങ്കർ മുംബൈ thdupuzhakshankar@gmail.com

മനോഹരവും ചിന്തോദ്ദീപകവുമായ വരികൾ! ഗുണപാഠം നിറഞ്ഞ ഒരു കൊച്ചു കഥ പോലെ ലളിതമായി താങ്കൾ ഈ കവിത അവതരിപ്പിച്ചിരിക്കുന്നു. ​അർഹതയില്ലാത്തവരുടെ കൈകളിൽ വിലപ്പെട്ടത് എത്തിപ്പെട്ടാലുള്ള അവസ്ഥയെ താങ്കൾ മനോഹരമായി ആവിഷ്കരിച്ചിരിക്കുന്നു.

ഗിരീഷ് നായർ താങ്കൾ എഴുതിയപോലെ അർഹതയില്ലാത്തവരുടെ കയ്യിൽ വിലപ്പെട്ടത് എത്തിയാലുള്ള അവസ്ഥ വ്യത്യസ്തമായിരിക്കും. ശരി. പക്ഷെ ഇവിടെ ശങ്കർ ജി കുരങ്ങന് പഴമോ, അതേപോലെ തീറ്റസാധനങ്ങളോ കൊടുത്തിരുന്നെങ്കിൽ കുരങ്ങൻ തിന്നു ശങ്കർ ജി യെ നോക്കി പല്ലിളിച്ച് വാലും പൊക്കി ഓടിയേനെ. കുരങ്ങന് ആവശ്യമുള്ളത് കൊടുക്കുക. എഴുത്തുകാരുടെ ലോകത്ത് ഇതേപോലെ തന്നെ അർഹതിയില്ലാത്തവർ എന്ത് കൊടുത്തിട്ടായാലും പുസ്തകം എഴുതിക്കുന്നു അവാർഡ് വാങ്ങിക്കുന്നു. നമുക്കത് കാണുമ്പോൾ കുരങ്ങൻ മാലയിട്ടു നിൽക്കുന്നപോലെ തോന്നും. ശങ്കർ ജി ചുറ്റിലും കാണുന്ന സംഭവങ്ങളെ പരിഹസിച്ചതാകാം. ഗിരീഷ് നായർ താങ്കൾ പതിവുപോലെ commendable comment ചെയ്തു.

കുരങ്ങന് പഴം കൊടുത്താൽ തീരുന്ന പ്രശ്നമേ ഇവിടെ ഉണ്ടായിരുന്നുള്ളൂ. പക്ഷേ കൊടുത്തത് പൂമാല. അവിടെയാണ് കളി തുടങ്ങിയത്. ​Mr. Vayanakaaran പറഞ്ഞത് എത്ര ശരിയാണ്! നമ്മുടെ സാഹിത്യലോകത്തും ഇതിന് സമാനമായ കാഴ്ചകൾ ധാരാളമുണ്ട്. ​ചിലർക്ക് അവാർഡ് കിട്ടുന്നത് കാണുമ്പോൾ, കഴുത്തിൽ മാല വീണ ആ കുരങ്ങൻ്റെ അതേ ഭാവമാണ്. ഇതെന്താ സാധനം? എന്ന് കുരങ്ങനും, ഇയാൾക്കെന്തിനാ ഇത് കൊടുത്തത്?' എന്ന് വായനക്കാരും ഒരുപോലെ അന്തംവിട്ടു നിൽക്കും! ​കുരങ്ങൻ ആ മാല കടിച്ചു നോക്കും, വലിച്ചു പൊട്ടിക്കും, ഒടുവിൽ ദേഷ്യം വന്നാൽ ദൂരെക്കളയും. അർഹതയില്ലാത്തവന് എഴുത്തും അവാർഡും കിട്ടിയാലും ഇതുതന്നെ അവസ്ഥ. കുരങ്ങൻ പല്ലിളിക്കുന്നത് സന്തോഷം കൊണ്ടാണോ അതോ നമ്മളെ കളിയാക്കാനാണോ എന്ന് ആർക്കറിയാം? അതുപോലെയാണ് പണം കൊടുത്തു പുസ്തകം ഇറക്കുന്നവരും. പാവം വായനക്കാരൻ വായനശാലയുടെ മൂലയിൽ ഇരുന്നു തല ചൊറിയുന്നുണ്ടാകും. കുരങ്ങന് വേണ്ടത് കൊടുത്താൽ അവൻ തിന്നും, വേണ്ടാത്തത് കൊടുത്താൽ അവൻ നമ്മളെ തീറ്റിക്കും. എന്ന ഒരു വലിയ സത്യമാണ്. ശങ്കർ ജി കവിതയിൽ വിവരിച്ച ആ കുരങ്ങൻ ഇന്നും പല രൂപത്തിൽ നമുക്കിടയിൽ വിലസുന്നുണ്ടെന്ന് മാത്രം.