❤️ചുവന്ന നിറം ചാർത്തി,
മനസ്സിൽ താളമിട്ട് മൃദുസ്പന്ദനം
ജീവന്റെ ആദ്യ സൂര്യോദയം
അത് സ്നേഹഭരിത ഹൃദയം.

നിശ്ശബ്ദ രാവിന്റെ മടിയിൽ മുഴങ്ങും
മൃദുലമായ വീണാനാദം,
സ്വപ്നങ്ങളുടെ തീരം തേടി
താളമിട്ട് ഒഴുകും തിരമാലകൾ.

ദിനരാത്രങ്ങൾ വീണ മീട്ടുമ്പോൾ
സ്വപ്നങ്ങളെ ചിറകിൽ ചേർത്ത്
സന്തോഷസ്നേഹങ്ങളുടെ ശോഭയിൽ
പ്രതീക്ഷകൾ  വിരിയുന്ന ഹൃദയം        

ചിരി ഇവിടെ പൂവായി വിരിയുന്നു,
വേദന ഇവിടെ നിശ്ശബ്ദമായി ഒളിക്കുന്നു
എല്ലാ തുടക്കങ്ങളും താളമിടുന്ന ഇടം,
രഹസ്യങ്ങളുടെ അനന്തലോകം.

ഈ ഹൃദയമാസത്തിൽ,
സ്നേഹവും കരുതലും ഹൃദയത്തിൽ വിതറാം
ആരോഗ്യത്തോടെ ഹൃദയം സൂക്ഷിക്കാം
ഹൃദയം ശക്തമെങ്കിൽ ജീവിതം ശക്തം.