യുഎസ്-ഇന്ത്യ വ്യാപാരകരാർ പ്രഖ്യാപിച്ചതിനു പിന്നാലെ, മൂന്നു ദിവസത്തെ യുഎസ് സന്ദർശനത്തിനായി ഇന്ത്യൻ വിദേശകാര്യ മന്ത്രി എസ്. ജയ്‌ശങ്കർ തിങ്കളാഴ്ച്ച ന്യൂ യോർക്കിൽ എത്തി. തന്ത്രപ്രധാനമായ ധാതുക്കൾ ഉൾപ്പെടെയുള്ള വിഷയങ്ങൾ അദ്ദേഹം ട്രംപ് ഭരണകൂടവുമായി ചർച്ച ചെയ്യും.

വാഷിംഗ്ടണിൽ സെക്രട്ടറി ഓഫ് സ്റ്റേറ്റ് മാർക്കോ റുബിയോയും ചർച്ചയിൽ ചേരും. വൈസ് പ്രസിഡന്റ് ജെ ഡി വാൻസ്‌ യോഗത്തിൽ സംസാരിക്കും.

അത്യാധുനിക ഉത്പാദന രംഗങ്ങളിൽ ഈ ധാതുക്കൾ അത്യാവശ്യമാണ്. ചൈനയാണ് ഇപ്പോൾ മുഖ്യ വിൽപ്പനക്കാരൻ എന്നതു കൊണ്ട് ബദൽ ഉറവിടങ്ങൾ അന്വേഷിക്കയാണ് യുഎസ്.

ജയ്‌ശങ്കർ ചൊവാഴ്ച്ച റുബിയോയുമായി വേറിട്ട ചർച്ചയും നടത്തും. ഭരണകൂടത്തിലെ മറ്റു ചില അംഗങ്ങളെയും കാണും.

Jaishankar arrives in US for strategic minerals talks