ഫ്ലു പ്രതിരോധത്തിന്റെ പ്രാധാന്യം

സീസണൽ ഇൻഫ്ലുവൻസ അല്ലെങ്കിൽ ഫ്ലു, എല്ലാ പ്രായക്കാരിലും പെട്ടെന്ന് പകരുന്ന ഒരു ശ്വാസകോശ വൈറസ് രോഗമാണ്. ചിലപ്പോൾ ഇത് ലഘുവായിരിക്കും.  എന്നാൽ കുട്ടികൾ, മുതിർന്നവർ, ഗർഭിണികൾ, ക്രോണിക് രോഗമുള്ളവർ എന്നിവരിൽ ഗുരുതരമായ ആരോഗ്യ പ്രശ്നങ്ങൾ ഉണ്ടാക്കാൻ സാധ്യതയുണ്ട്. വാർഷിക ഫ്ലു വാക്സിനേഷൻ ഫ്ലുവിന്റെ വ്യാപനവും അതിന്റെ ഗുരുതരത്വവും കുറയ്ക്കുന്ന ഏറ്റവും ഫലപ്രദവും ശാസ്ത്രീയമായി തെളിയിച്ച പ്രതിരോധ മാർഗമാണ്.   വർഷത്തിൽ ഒരിക്കൽ വാക്സിൻ സ്വീകരിക്കുന്നത് രോഗം തടയാനും, ആശുപത്രി പ്രവേശനം കുറക്കാനും സഹായിക്കുന്നു. “Prevention is better than cure” — രോഗം സംഭവിക്കുന്നതിന് മുമ്പ് തടയുന്നത്, അതിനുശേഷം ചികിത്സിക്കുന്നതിലേക്കാൾ നന്നായിരിക്കുമെന്ന്  പഴഞ്ചൊല്ല്.   

കുട്ടികളിൽ ഫ്ലുവിന്റെ പ്രത്യാഘാതങ്ങൾ

കുട്ടികളുടെ സ്വാഭാവിക പ്രതിരോധശേഷി കുറവായതിനാൽ, അവർക്ക് പനി, ശ്വാസംമുട്ടൽ, ന്യൂമോണിയ, മദ്ധ്യകാതത്തിലെ അണുബാധ, ഡീഹൈഡ്രേഷൻ തുടങ്ങിയ പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്. പ്രത്യേകിച്ച് 5 വയസ്സിന് താഴെയുള്ള കുട്ടികൾ, 2 വയസ്സിന് താഴെയുള്ളവർക്കു ഭീഷണിയുണ്ട്.  വാർഷിക വാക്സിനേഷൻ നൽകുന്നതിലൂടെ കുട്ടികളിൽ ആശുപത്രി പ്രവേശനം ഗണ്യമായി കുറയുന്നു  

മുതിർന്നവരിലെ അപകടങ്ങൾ

65 വയസ്സിനു മുകളിലുള്ളവർക്ക് ഫ്ലു ഗുരുതരമായ ന്യൂമോണിയ, ഹൃദയസംബന്ധമായ പ്രശ്നങ്ങൾ, ICU പ്രവേശനം തുടങ്ങിയ അപകടങ്ങൾ ഉണ്ടാക്കാൻ കഴിയും. പ്രമേഹം, ഹൃദയരോഗം, ആസ്ത്മ, COPD, കാൻസർ ചികിത്സയിൽ കഴിയുന്നവർക്ക്   ഉയർന്ന അപകടസാധ്യതയുണ്ട്. പഠനങ്ങൾ കാണിക്കുന്നത്, മുതിർന്നവരിൽ ഫ്ലു വാക്സിനേഷൻ ആശുപത്രി പ്രവേശനവും മരണസാധ്യതയും 40–60% വരെ കുറയ്ക്കുന്നു.

ഫ്ലു വാക്സിന്റെ ഫലപ്രാപ്തി

CDC ഡാറ്റ പ്രകാരം, ഫ്ലു വാക്സിൻ ഫ്ലു രോഗ ബാധ 40–60% വരെ കുറയ്ക്കുന്നു. Flannery et al. നടത്തിയ പഠനം 18 വയസിനു താഴെയുള്ള കുട്ടികളിൽ ഫ്ലു-ബന്ധപ്പെട്ട മരണസാധ്യത 65% വരെ കുറയുന്നത് കാണിക്കുന്നു. മുതിർന്നവരിൽ വാക്സിനേഷൻ ഗുരുതര പ്രത്യാഘാതങ്ങൾ ഗണ്യമായി കുറയ്ക്കുന്ന കാര്യം നിരവധി പഠനങ്ങൾ തെളിയിച്ചിട്ടുണ്ട്.

ഫ്ലൂ പകരുന്ന രീതിയും പ്രതിരോധ മാർഗങ്ങളും

ഫ്ലു വൈറസ് ചുമ, തുമ്മൽ, സംസാരിക്കൽ എന്നിവയിൽ നിന്നുള്ള സൂക്ഷ്മ തുള്ളികളിലൂടെ (droplets) പകരുന്നു. ഈ തുള്ളികൾ വായുവിൽ നിലനിൽക്കുകയോ അടുത്തുള്ള ആളുകളുടെ മൂക്ക്, വായ, കണ്ണുകൾ എന്നിവിടങ്ങളിൽ എത്തുകയോ ചെയ്യുമ്പോൾ രോഗം പകരും. വാതിൽക്കൈ, മേശ, മൊബൈൽ ഫോൺ, കംപ്യൂട്ടർ കീബോർഡ് പോലുള്ള ഉപരിതലങ്ങളിലും വൈറസ് ചില മണിക്കൂറുകൾ നിലനിൽക്കുന്നു.
പകർച്ച തടയാൻ വാക്സിനേഷൻ ഏറ്റവും ഫലപ്രദമാണ്. കൂടാതെ, കൈകൾ സോപ്പും വെള്ളവും കൊണ്ട് തുടച്ചുകൊള്ളൽ, മുഖം സ്പർശിക്കുന്നത് ഒഴിവാക്കൽ, രോഗലക്ഷണങ്ങളുള്ളവർ വീട്ടിൽ വിശ്രമിക്കൽ, ചുമയോ തുമ്മലോ വന്നാൽ മുട്ടുകൈയുടെ അകത്ത് മുഖം മൂടൽ എന്നിവ നിർണായകമാണ്. ആരോഗ്യകരമായ ഭക്ഷണം, മിതമായ വ്യായാമം, ശരിയായ ഉറക്കം എന്നിവ പ്രതിരോധശേഷി മെച്ചപ്പെടുത്തും.

ഫ്ലു വാക്സിൻ എവർക്കും വേണോ?

എല്ലാവർക്കും ഫ്ലു വാക്സിൻ ശുപാർശ ചെയ്യപ്പെടുന്നു, പ്രത്യേകിച്ച്:

6 മാസം മുതൽ കുട്ടികൾ
50 വയസ്സിനു മുകളിൽ വരുന്നവർ
ഗർഭിണികൾ
ക്രോണിക് രോഗമുള്ളവർ
ആരോഗ്യപ്രവർത്തകർ

ഫ്ലു വാക്സിൻ എപ്പോൾ എടുക്കണം?

CDC പ്രകാരം, സെപ്റ്റംബർ-ഒക്ടോബർ മാസങ്ങളിൽ വാക്സിൻ എടുക്കുന്നതാണ് ഏറ്റവും നല്ലത്, ഫ്ലു സീസണിന്റെ മുഴുവൻ കാലയളവിലും സംരക്ഷണം ലഭിക്കാൻ. എന്നാൽ പിന്നീട് എടുക്കുന്നതും പ്രയോജനകരമാണ്, ഫ്ലു മാർച്ചിലോ അതിന് ശേഷവും വ്യാപിക്കുന്ന സാഹചര്യങ്ങളിൽ.

സമാപനം

ഫ്ലുവിനെതിരെ വാക്സിനേഷൻ ഏറ്റവും ഫലപ്രദമായ പ്രതിരോധമാകുന്നു. ഇത് വ്യക്തിയെ മാത്രമല്ല, സമുദായത്തെയും സംരക്ഷിക്കുന്നു. വ്യത്യസ്ത പ്രായപരിധിയിലുള്ളവരിലും ആരോഗ്യം വ്യത്യസ്തമായവർക്ക് വാക്സിനേഷൻ അനിവാര്യമാണ്. ആരോഗ്യപ്രവർത്തകരുടെ നിർദ്ദേശവും കുടുംബങ്ങളുടെ സഹകരണവും കൊണ്ട് ഫ്ലുവിന്റെ വ്യാപനം കുറക്കാനാകും. ആധുനിക ശാസ്ത്രീയ തെളിവുകൾ പ്രകാരം, ഫ്ലു വാക്സിനേഷൻ ജീവൻ രക്ഷിക്കുന്ന ഒരു അത്യന്താപേക്ഷിത പ്രതിരോധമാണ്.

വിവരങ്ങൾക്ക്:  CDC Vaccines & Immunizations https://www.cdc.gov/vaccines/
https://www.cdc.gov/flu/prevent/index.html