പുതിയ ഓർഡറുകളും ശക്തമായ ഉൽപാദനവും പിന്തുണയായി, ഇന്ത്യയുടെ മാനുഫാക്ചറിംഗ് പർച്ചേസിംഗ് മാനേജേഴ്സ് ഇൻഡക്സ് (PMI) ഓഗസ്റ്റിൽ വീണ്ടും ഉയർന്ന് 59.3 ആയി. ജൂലൈയിൽ ഇത് 59.1 ആയിരുന്നു. എച്ച്എസ്ബിസി (HSBC) പുറത്തുവിട്ട റിപ്പോർട്ടിലാണ് ഈ വിവരം.

എസ്&പി ഗ്ലോബൽ (S&P Global) ഡാറ്റ പ്രകാരം, ഓഗസ്റ്റിലെ പിഎംഐ വായന കഴിഞ്ഞ 17 വർഷം 6 മാസത്തിനിടയിലെ ഏറ്റവും വേഗത്തിലുള്ള പ്രവർത്തന സാഹചര്യ മെച്ചപ്പെടുത്തലാണ് സൂചിപ്പിക്കുന്നത്. ഇതിന് പ്രധാന പിന്തുണ ആഭ്യന്തര ഉപഭോക്താക്കളിൽ നിന്നാണ്, പ്രത്യേകിച്ച് വിജയകരമായ പരസ്യ ക്യാമ്പെയ്‌നുകൾ വഴി.

പ്രധാന ഹൈലൈറ്റുകൾ : ഇന്റർമീഡിയറ്റ് ഗുഡ്സ് വിഭാഗം (intermediate goods) വിൽപ്പനയും ഉൽപാദനവും ഏറ്റവും ശക്തം. തുടർന്ന് ക്യാപിറ്റൽ ഗുഡ്സ് (capital goods), കൺസ്യൂമർ ഗുഡ്സ് (consumer goods). ഒമ്പത് മാസത്തിനിടെ ആദ്യമായി ഫിനിഷ്ഡ് ഉൽപ്പന്നങ്ങളുടെ സ്റ്റോക്ക് കൂടി.
അന്തർദേശീയ ഓർഡറുകൾ ചെറിയ തോതിൽ വർധിച്ചു. കമ്പനികൾ കൂടുതൽ അസംസ്കൃത വസ്തുക്കൾ വാങ്ങുകയും തൊഴിൽ വർധിപ്പിക്കുകയും ചെയ്തു. ഓഗസ്റ്റിൽ തുടർച്ചയായ 18-ാം മാസവും തൊഴിൽ വർധനവ് രേഖപ്പെടുത്തി.

എച്ച്എസ്ബിസി-യുടെ ഇന്ത്യ ചീഫ് ഇക്കണോമിസ്റ്റ് പ്രഞ്ജുൽ ഭണ്ഡാരി പറഞ്ഞു: “ഓഗസ്റ്റിൽ ഇന്ത്യയുടെ മാൻഫാക്ചറിംഗ്  വീണ്ടും റെക്കോർഡ് ഉയർച്ചയിൽ. അതിന് പിന്നിലെ പ്രധാന കാരണമാണ് ഉൽപാദനത്തിലെ വേഗത്തിലുള്ള വിപുലീകരണം.”

ബിസിനസ് ആത്മവിശ്വാസം : നിർമ്മാതാക്കൾക്ക് അടുത്ത 12 മാസത്തേക്കുള്ള ഉൽപാദനത്തെക്കുറിച്ചുള്ള ആത്മവിശ്വാസം വർധിച്ചു. ജൂലൈയിലെ മൂന്ന് വർഷത്തെ ഏറ്റവും കുറഞ്ഞ ആത്മവിശ്വാസ നിരക്കിൽ നിന്ന് തിരിച്ചുവരവ് രേഖപ്പെടുത്തി.

റിപ്പോർട്ടിൽ ചൂണ്ടിക്കാണിക്കുന്നത്, ഉൽപാദന വോളിയത്തിലെ വളർച്ച വേഗതയാണ് 
പിഎംഐ ഉയരാൻ പ്രധാന കാരണമായത്. കഴിഞ്ഞ അഞ്ച് വർഷത്തിനിടയിലെ ഏറ്റവും വേഗത്തിലുള്ള വിപുലീകരണ നിരക്കാണിത്.

India’s manufacturing PMI hits another new high in August driven by robust production