സ്ത്രീ
അവളുടെ കണ്ണുകൾ
ആരും കാണാത്തത് കാണും
കാതുകൾ ആരും കേൾക്കാത്തത് കേൾക്കും.
അവളുടെ വഴികൾ മന്ത്രവടികൊണ്ടവൾ തുറക്കും

ദിവസവും വ്യത്യസ്തമായ വേഷത്തിലവളെ കാണാം
മകൾ , കാമുകി , കൂട്ടുകാരി , അമ്മ , വഴികാട്ടി
മുത്തശ്ശി ... അങ്ങനെ പോകുന്നു അവളിലെ അവൾ 

അവളുടെ മനസ്സിനെ പ്രണയിക്കൂ
ആത്മാവിൻ്റെ ഭാഷ അവൾക്കറിയാം
ആ ഭാഷ സംസാരിച്ചവൾ 
കണ്ണുകൾ കൊണ്ടവൾ നിങ്ങളുടെ  ആത്മാവിനെ തൊടും...
സ്നേഹം കൊണ്ടവൾ 
നിങ്ങളെയും മന്ത്രവാദി ആക്കും

അവളിലിൽ നിന്നും പ്രസരിക്കുന്ന ഊർജം 
കൊണ്ടവൾ ചുറ്റുമുള്ളവർക്കും ശക്തി പകരും 
ചാരം മൂടിയ മനസ്സിലേക്ക് തീ ആയി  ആളിക്കത്തുമവൾ 

ഭൂമിയുടെ ഉപ്പാണവൾ , ലോകത്തിന്റെ പ്രകാശവും