ന്യൂയോര്‍ക്ക്:   വേൾഡ് മലയാളീ കൗൺസിൽ  ന്യൂയോർക് പ്രൊവിൻസിന്റെ  ഓണാഘോഷം  സെപ്റ്റംബർ  പതിനേഴ്  ഞായറാഴ്ച്ച  ഫ്ലോറൽ  പാർക്കിലുള്ള  ടൈസൺ  സെന്ററിൽ  അരങ്ങേറി. മഹാബലി  ഉദ്ഘാടനം   നിർവഹിച്ച ആഘോഷ  ചടങ്ങിൽ  പ്രൊവിൻസ് പ്രസിഡന്റ്  ജോർജ് കെ . ജോൺ അധ്യക്ഷത വഹിച്ചു. പ്രൊവിൻസ് സെക്രട്ടറി പ്രൊഫ. സാം മണ്ണിക്കരോട്ട് എല്ലാവരെയും സ്വാഗതം  ചെയ്തു. മുഖ്യ അതിഥി സുപ്രസിദ്ധ ചലച്ചിത്ര താരം  ജോസ്  കുരിയൻ  തിരുവോണ സന്ദേശം  നല്കി.   WMC  അമേരിക്കൻ റീജിയൻ  ചെയർമാൻ  ചാക്കോ കോയ്ക്കേലേത് , പയനിയർ  ക്ലബ്  പ്രസിഡന്റ്  ജോണി സക്കറിയ , KCANA  പ്രസിഡന്റ് രാജു ഏ ബ്രഹാം , ഇന്ത്യൻ ഓവർസീസ് കേരള ചാപ്റ്റർ പ്രസിഡന്റ്  ലീല മാരേട്ട് എന്നിവർ ആശംസാ പ്രസംഗ ങ്ങൾ  നടത്തി. പ്രൊവിൻസ് ജോയിന്റ് സെക്രട്ടറി ഡോളമ്മ പണിക്കർ നന്ദി പ്രകാശനം നടത്തി .

ഡോ.  അന്ന ജോർജിൻ്റെ  നേതൃത്വത്തിൽ അരങ്ങേറിയ തിരുവാതിരയും , ജയ മണ്ണൂരംപറമ്പിലിന്റെ മേൽ നോട്ടത്തിൽ  നടന്ന കുട്ടികളുടെ സംഘ നൃത്തവും  റയാൻ ജേക്കബ് , കാർത്തി മണ്ണിക്കരോട്ട്  എന്നിവരുടെ നൃത്തങ്ങളും നയന ശ്രവണ  സുന്ദരമായിരുന്നു. ഗ്രേസ് ജോൺ , ഡോ. മോഹൻ ഏബ്രഹാം , ഹീര പോൾ . ടോബിൻ  സണ്ണി എന്നിവരുടെ ഗാനങ്ങളും , നക്ഷത്ര ജുബി വെട്ടത്തിന്റെ കീ ബോർഡിൻറെ അകമ്പടിയോടു കൂടിയ ഓണപ്പാട്ടും ആസ്വാദ്യകരമായിരുന്നു.
 പ്രൊവിൻസ് വൈസ് പ്രസിഡന്റ്  മോൻസി വര്ഗീസിന്റെ നേതൃത്വത്തിൽ റാഫിൾ  ടിക്കറ്റ്  വിതരണവും നറുക്കെടുപ്പും നടത്തി.

WMC  അമേരിക്കൻ റീജിയൻ  വിമൻസ് ഫോറം വൈസ് പ്രസിഡന്റ് ലിസി മോൻസി , അമേരിക്കൻ റീജിയൻ വൈസ് പ്രസിഡന്റ്  ജോൺ കെ. ജോർജ്, പ്രൊവിൻസ് ജോയിന്റ്  ട്രഷ റർ  ഏലിയാമ്മ മാത്യു , കമ്മറ്റി അംഗങ്ങളായ  റേച്ചൽ ഡേവിഡ്, കെ.കെ . കുര്യാക്കോസ് ,ജെയിംസ് മാത്യു, മാത്യു ഈപ്പൻ, ഉമ്മൻ  ജോൺ  (ഫുഡ്  കോഓർഡിനേറ്റർ ) എന്നിവർക്ക് പുറമെ  ന്യൂയോർക്കിലെ  പ്രമുഖ  സാംസ്കാരിക സംഘടന പ്രധിനിധികളും  പ്രവർത്തകരും  ഈ ആഘോഷത്തിൽ  ഭാഗഭാക്കായി . മാവേലിയായി അരങ്ങത്തെത്തിയ  അപ്പുക്കുട്ടൻ പിള്ള   പ്രത്യേക  അഭിനന്ദനം  അർഹിക്കുന്നു . എംസി യായി  കാർത്തി മണ്ണിക്കരോട്ട്  മികച്ച  പ്രകടനം  കാഴ്ച വെച്ചു.