ശശി:  നിനക്കറിയോ ? ശശി എന്ന് പറഞ്ഞാല്‍  പ്രകാശം പരത്തുന്നവനാണ്,  ചന്ദ്രന്‍ എന്നാണ് ശശിയുടെ അര്‍ത്ഥം. 

സുഹാസിനി:  ചന്ദ്രന്‍ രാത്രിയല്ലേ പ്രകാശം തരൂ,  സുഹാസിനി എന്നാല്‍  ഫുള്‍ടൈം പുഞ്ചിരിച്ച്  പ്രകാശം പരത്തുന്നവളാ.

ശശി:  എഴുത്തുകാര്‍ ഇരുട്ടിലേക്ക് വെളിച്ചം തെളിക്കുന്നവരാണ്. 

സുഹാസിനി:  നിങ്ങള്‍ക്ക് പേരിടുമ്പോഴേ വീട്ടുകാര്‍ക്ക് അറിയാമായിരുന്നോ എഴുത്തുകാരനാകും എന്ന്

ശശി:   ഞാനൊരു സത്യം പറയട്ടെ. ഞാന്‍ ജനിച്ചപ്പോള്‍ ഗ്രാമത്തിലെ തെരുവില്‍ ഒരു കനല്‍ വെളിച്ചം തെളിഞ്ഞുവത്രേ. ..

സുഹാസിനി:  ഓഹോ ?  എന്നിട്ട് ?

ശശി:  ആ വെളിച്ചത്തെ പിന്തുടര്‍ന്ന്  നാട്ടുകാരൊക്കെ നടന്നു, അവരൊക്കെ എത്തിച്ചേര്‍ന്നത് എന്റെ വീട്ടു മുറ്റത്ത് ആയിരുന്നുവത്രെ, അറിയാമോ  ആ വെളിച്ചം എന്തായിരുന്നു എന്ന് ?

സുഹാസിനി:  അറിയാം, കള്ളുഷാപ്പ് പൂട്ടി വീട്ടില്‍ പോയിരുന്ന നിങ്ങടെ അയല്‍വാസി ചന്ദ്രേട്ടന്റെ  ചുണ്ടിലെ ബീഡിക്കുറ്റിയല്ലേ ആ വെളിച്ചം, അല്ല പിന്നെ !