news-updates

വാര്‍ത്തകള്‍ ഒറ്റ നോട്ടത്തില്‍ - വെള്ളിയാഴ്ച (ജോബിന്‍സ്)

ജോബിന്‍സ്

Published

on

മലയാള ചലച്ചിത്ര ഗാന രംഗത്ത് സൂപ്പര്‍ ഹിറ്റുകളുടെ പെരുമഴ തീര്‍ത്ത അനശ്വ ഗാനങ്ങളുടെ തമ്പുരാന്‍ ഗാനരചയിതാവ് ബിച്ചു തിരുമല അന്തരിച്ചു. 79 വയസ്സായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. വാര്‍ധക്യ സഹജമായ അസുഖത്തെ തുടര്‍ന്ന് ചികിത്സയിലിരിക്കെയാണ് അന്ത്യം. നാല് ദിവസങ്ങള്‍ക്ക് മുമ്പായിരുന്നു അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
*********************************
മോഫിയ പര്‍വീണ്‍ ആത്മഹത്യ കേസില്‍ സിഐ സുധീറിന് സസ്പെന്‍ഷന്‍. മുഖ്യമന്ത്രിയുടെ നിര്‍ദ്ദേശ പ്രകാരമാണ് ഡിജിപിയുടെ നടപടി. മുഖ്യമന്ത്രി മോഫിയയുടെ കുടുംബാംഗങ്ങളുമായി ഇന്ന് സംസാരിച്ചിരുന്നു ഇതിന് പിന്നാലെയാണ് സിഐ സുധീറിനെ സസ്പെന്‍ഡ് ചെയ്തുകൊണ്ട് ഡിജിപി ഉത്തരവിറക്കിയത്. 
**********************************
ഭരണഘടനാ ദിനത്തോടനുബന്ധിച്ച് നടത്തിയ പ്രസംഗത്തില്‍ കോണ്‍ഗ്രസ് പാര്‍ട്ടിയിലെ കുടുംബവാഴ്ചയെ പരോക്ഷമായി വിമര്‍ശിച്ച് പ്രധാനമന്ത്രി നരേന്ദ്രമോദി. പാര്‍ലമെന്റില്‍ വച്ചു നടന്ന ഭരണഘടനാദിനാഘോഷ ചടങ്ങില്‍ പങ്കെടുത്ത് സംസാരിക്കുമ്പോള്‍ ആണ് പ്രധാനമന്ത്രി ഇന്ത്യന്‍ രാഷ്ട്രീയത്തില്‍ കുടുംബാധിപത്യത്തിനെതിരെ രൂക്ഷവിമര്‍ശനം ഉയര്‍ത്തിയത്. 
*************************************
സംസ്ഥാനത്തെ റോഡുകളുടെ ശോചനീയാവസ്ഥയില്‍ ജല വിഭവ വകുപ്പിനെതിരെ വിമര്‍ശനവുമായി പൊതുമരാമത്ത് വകുപ്പ് മന്ത്രി മുഹമ്മദ് റിയാസ്. കുടിവെള്ള പദ്ധതിക്കായി പൊളിക്കുന്ന റോഡുകള്‍ പഴയപടിയാക്കുന്നില്ല. റോഡുകളിലെ അറ്റകുറ്റപ്പണികള്‍ തീര്‍ത്ത് പൂര്‍വ്വസ്ഥിതിയിലാക്കാനുള്ള ബാധ്യത ജല അതോറിറ്റിക്കാണെന്ന് മന്ത്രി പറഞ്ഞു. അതേസമയം മുഹമ്മദ് റിയാസിന്റെ വിമര്‍ശനത്തെ ഗൗരവമായി തന്നെ കാണുന്നുവെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍ പറഞ്ഞു.
************************************
മഹാരാഷ്ട്ര മുന്‍ പോലീസ് കമ്മീഷണര്‍ പരംബീര്‍ സിംഗിനെതിരെ ഗുരുതര ആരോപണം. നിര്‍ണായക വിവരങ്ങള്‍ അടങ്ങിയ അജ്മല്‍ കസബിന്റെ മൊബൈല്‍ ഫോണ്‍ പരംബീര്‍ സിംഗ് നശിപ്പിച്ചു എന്നാരോപിച്ച് റിട്ട.അസിസ്റ്റന്റ് പോലീസ് കമ്മീഷണര്‍ ശംഷേര്‍ സിംഗ് പഠാന്‍ ആണ് രംഗത്ത് എത്തിയിരിക്കുന്നത്. മുംബൈ ഭീകരാക്രമണ കേസില്‍ സൈന്യം പിടികൂടിയ പാക് ഭീകരന്‍ അജ്മല്‍ കസബിന്റെ മൊബൈല്‍ ഫോണ്‍ പരംബീര്‍ സിംഗ് നശിപ്പിച്ചുവെന്നാണ് ആരോപണം. 2008 ല്‍ നടന്ന ഭീകരാക്രമണത്തിലെ നിര്‍ണ്ണായക വിവരങ്ങള്‍ മൊബൈല്‍ ഫോണില്‍ അടങ്ങിയിട്ടുണ്ടാകാമെന്നും ശംഷേര്‍ പഠാന്‍ പറഞ്ഞു.
***************************
കുഞ്ഞിനെ തിരികെ ലഭിച്ചെങ്കിലും സമരം തുടരുമെന്ന് അനുപമ. മനുഷ്യാവകാശദിനമായ ഡിസംബര്‍ 10 മുതല്‍ സെക്രട്ടേറിയേറ്റിന് മുന്നില്‍ സമരം തുടരുമെന്ന് അനുപമ പറഞ്ഞു. കുറ്റവാളികള്‍അനുപമ ഐ.എ.എസ് നല്‍കിയ അന്വേഷണ റിപ്പോര്‍ട്ട് സി.ഡബ്ല്യൂ.സിയെയും ശിശുക്ഷേമസമിതിയെയും സംരക്ഷിക്കുന്ന തരത്തിലുള്ളതാവാനാണ് സാധ്യതയെന്ന് അനുപമ പറഞ്ഞു ശിക്ഷിക്കപ്പെടുന്നതുവരെ സമരം തുടരുമെന്ന് അനുപമ വ്യക്തമാക്കി.
************************************
സംസ്ഥാനത്ത് വീണ്ടും സിക വൈറസ് സ്ഥിരീകരിച്ചു. കോഴിക്കോട് കോവൂര്‍ സ്വദേശിയായ 29കാരിക്കാണ് രോഗം സ്ഥിരീകരിച്ചിരിക്കുന്നത്. പതിനേഴാം തീയതി കോഴിക്കോട്ടെ സ്വകാര്യ ആശുപത്രിയില്‍ രോഗലക്ഷണങ്ങളുമായി ചികിത്സയിലായിരുന്നു യുവതി. ആലപ്പുഴ, പൂനെ വൈറോളജി ഇന്‍സ്റ്റിറ്റ്യൂട്ടുകളില്‍ നിന്നുള്ള പരിശോധന ഫലങ്ങള്‍ പോസിറ്റീവാണെന്നാണ് റിപ്പോര്‍ട്ടുകള്‍.
************************************
അട്ടപ്പാടിയില്‍ നവജാത ശിശു മരിച്ചു. മണ്ണാര്‍ക്കാട് താലൂക്ക് ആശുപത്രിയിലാണ് സംഭവം. ഗീതു- സുനീഷ് ദമ്പതികളുടെ മൂന്ന് ദിവസം മാത്രം പ്രായമായ ആണ്‍ കുഞ്ഞാണ് മരിച്ചത്. ഒരാഴ്ചയ്ക്കിടെ അട്ടപ്പാടിയിലെ മൂന്നാമത്തെ ശിശുമരണമാണ് റിപ്പോര്‍ട്ട് ചെയ്തിരിക്കുന്നത്. ഈ വര്‍ഷത്തെ പത്താമത്തെ മരണവും.
************************************
മരം മുറി വിഷയത്തില്‍ പുതിയ അപേക്ഷയുമായി തമിഴ്‌നാട് സുപ്രീംകോടതിയെ സമീപിച്ചു. മരം മുറിക്ക് നല്‍കിയ അനുമതി പുനസ്ഥാപിക്കാന്‍ നിര്‍ദേശം നല്‍കണമെന്നാണ് തമിഴ്‌നാടിന്റെ ആവശ്യം. മരം മുറി അനുമതി റദ്ദാക്കിയത് കോടതി അലക്ഷ്യമാണെന്നും ഹര്‍ജിയില്‍ പറയുന്നു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ക്രിസ്മസ് - പുതുവത്സര ബമ്പര്‍ ഒന്നാം സമ്മാനം ലഭിച്ചത് കുടയംപടി ഒളിപ്പറമ്പില്‍ സദന്.

സിനഡാന്തര സര്‍ക്കുലര്‍ കേവലം സമ്മര്‍ദ്ദതന്ത്രം മാത്രമെന്ന് എറണാകുളം അതിരൂപതാ സംരക്ഷണ സമിതി 

വാര്‍ത്തകള്‍ ഒറ്റനോട്ടത്തില്‍  - ഞായറാഴ്ച (ജോബിന്‍സ്)

മമ്മൂട്ടി കോവിഡ് പോസിറ്റിവ് ; സിബിഐ 5 ചിത്രീകരണം നിര്‍ത്തിവച്ചു

കെ. റെയില്‍ ഡിപിആര്‍ അന്തിമമല്ലെന്ന് മന്ത്രി എം.വി. ഗോവിന്ദന്‍

സിപിഎമ്മുകാര്‍ മരണത്തിന്റെ വ്യാപാരികളാണെന്ന് വി.ഡി. സതീശന്‍

മുന്‍ എംപി എ. സമ്പത്ത് സിപിഎം തിരുവനന്തപുരം ജില്ലാ കമ്മിറ്റിയില്‍ നിന്നും പുറത്ത് 

പ്രധാനമന്ത്രി പദത്തെക്കുറിച്ച് ഇപ്പോള്‍ ചര്‍ച്ച ചെയ്താല്‍ മറ്റുള്ളവര്‍ പരിഹസിക്കുമെന്ന് സിപിഎം

കിറ്റക്‌സിനെതിരെ പുതിയ ആരോപണം ; പെരിയാര്‍വാലി കനാല്‍ തുരന്ന് അനധികൃതമായി വെള്ളമെടുക്കുന്നു

ചൈനയെ പ്രകീര്‍ത്തിച്ച് കോടിയേരി ; താലിബാന്‍ അനുകൂല നിലപാട് അതിര്‍ത്തിയുമായി ബന്ധപ്പെട്ടത്

ലോ കോളജിലെ എസ്എഫ്‌ഐ കൊടിമരം തകര്‍ത്തു; കോണ്‍ഗ്രസ് കൗണ്‍സിലറും പ്രവര്‍ത്തകരും അറസ്റ്റില്‍

നിയന്ത്രണങ്ങളെ വെല്ലുവിളിച്ച് തൃശൂരിലും സിപിഎമ്മിന്റെ മെഗാ തിരുവാതിര

അയല്‍വാസിയെ കൊന്ന കേസില്‍ പിടിയിലായ അമ്മയും മകനും മുമ്പ് പീഡനം മറയ്ക്കാനും കൊലപാതകം നടത്തി

മാർ ജോസഫ് പാംപ്ലാനി തലശേരി ആർച്ച് ബിഷപ്പ് 

വിരാട് കോലി ടെസ്റ്റ് ക്രിക്കറ്റ് ടീം ക്യാപ്റ്റന്‍ സ്ഥാനം രാജിവെച്ചു

ബിഷപ്പ് ഫ്രാങ്കോ കേസ് ; വിധി അസംബന്ധവും അബദ്ധവുമെന്ന് ഹരീഷ് വാസുദേവന്‍

ബിഷപ്പ് ഫ്രാങ്കോയെ കുറ്റവിമുക്തനാക്കിയ വിധിന്യായത്തിലെ പ്രസക്തഭാഗങ്ങള്‍

വാര്‍ത്തകള്‍ ഒറ്റനോട്ടത്തില്‍ - ശനിയാഴ്ച (ജോബിന്‍സ്)

ബിഷപ്പ് ഫ്രാങ്കോ കേസ് ; അതിവേഗ അപ്പീലിന് പോലീസ് ; സ്വന്തം നിലയില്‍ അപ്പീല്‍ പോകാന്‍ കന്യാസ്ത്രിയും

സസ്‌പെന്‍സ് നീളുന്നു ; വിഐപി മെഹബൂബാണെന്ന് താന്‍ പറഞ്ഞിട്ടില്ലെന്ന് ബാലചന്ദ്ര കുമാര്‍

മൃതദേഹത്തില്‍ പൂവ് പേണ്ടെന്ന് പി.ടി. നഗരസഭ വെച്ചത് ഒന്നേകാല്‍ ലക്ഷത്തിന്റെ പൂവ് ; അഴിമതി ആരോപണം

പഞ്ചാബ് മുഖ്യമന്ത്രി സ്ഥാനാര്‍ത്ഥി ; ആം ആദ്മിക്ക് ലഭിച്ചത് എട്ട് ലക്ഷം പ്രതികരണങ്ങള്‍

അത്ഭുതമായി കോവിഡ് വാക്‌സിന്‍ ; കിടപ്പിലായിരുന്ന ആള്‍ എണീറ്റ് നടന്നു

യോഗി ആദിത്യനാഥ് ഇത്തവണ അയോധ്യയിലേയ്ക്കില്ല ;  ഗോരഖ്പൂരില്‍ മത്സരിക്കും

ആ വിഐപി താനല്ലെന്ന് കോട്ടയം സ്വദേശിയായ വ്യവസായി മെഹബൂബ്

പി.സി ജോര്‍ജിനെ സന്ദര്‍ശിച്ച്  നന്ദി അറിയിച്ച് ബിഷപ്പ് ഫ്രാങ്കോ മുളയ്ക്കല്‍

തന്‍റെ മനസ് കല്ലല്ല, ധീരജിന്‍റെ മരണത്തില്‍ ദുഃഖിച്ചില്ലെന്ന് പറയുന്നത് ക്രൂരമെന്ന് കെ. സുധാകരന്‍

ദിലീപ് കേസ്; റിപ്പോര്‍ട്ടര്‍ ചാനലിനും പൊലീസിനും എതിരെ മനുഷ്യാവകാശ കമ്മീഷന്‍ 

ജനുവരി 16 ദേശീയ സ്റ്റാര്‍ട്ടപ്പ് ദിനമായി ആചരിക്കും : പ്രധാനമന്ത്രി

ടി പി വധക്കേസില്‍ ശിക്ഷിക്കപ്പെട്ട കെ സി രാമചന്ദ്രന്റെ വീടാക്രമിച്ച എല്ലാ പ്രതികളെയും വെറുതെ വിട്ട് കോടതി

View More