EMALAYALEE SPECIAL

ഇള പറഞ്ഞ കഥകള്‍ (ആറ്): താമരച്ചേരിലെ ശൗചാലയങ്ങള്‍ (ജിഷ യു.സി)

ജിഷ യു.സി

Published

on

പാല്‍ക്കാരന്‍ പുളവയെ അന്വേഷിച്ച് ആരെങ്കിലും വന്നാല്‍ കുഞ്ചാ ണന് വിഷമമാവും. അത് അസൂയ കൊണ്ടൊന്നുമല്ല മറിച്ച് വൈദ്യന്‍ കുഞ്ചാണന്റെ മകന്‍ പാല്‍ക്കാരന്‍ പുളവയായതിലെ വിഷമം.

 അത് കുഞ്ചാണന്‍  മറച്ചു വച്ചില്ല . ഇടക്കിടെ കുഞ്ചീരിയോട് പരിഭവം പറഞ്ഞു .

'ഓന് പ്പൊ ഈ ആടുമാടോളെ കച്ചോടം ചെയ്ത്, പാലു വിറ്റ് നടക്കണ്ട വല്ല ആവി ശോം ണ്ടോ ?'

'ബടെ  ന്റടുത്ത് വൈദ്യം നോക്കി നിന്നാ പോരെ ?'

'ഈ വയസാംകാലത്ത് നാ ഒരു സഗായം ആയി നീം'

സന്തത സഹചാരി വറീതിനോടും ആത്മ സുഹൃത്ത് ചെറുങ്ങോരനോടും ഇതു തന്നെ  പറഞ്ഞ് കുഞ്ചാണന്‍ കണ്ണുനിറക്കും.

'എടാ ..'
'ഇജ്ജ് പ്പൊ അന്റെ വൈദ്യം കൊണ്ട് ണ്ടാക്കീത് എന്താ ?'
'ഓന്‍ കച്ചോടം കൊണ്ട് കിട്ടിയ കായി കൊണ്ട്  പ്പൊ ന്തൊക്കെ ചെയ്തു?'

'ജ്ജ് അത് ആലോയിക്ക് ചങ്ങായേ '

ചെറുങ്ങോരന്‍ സമാധാനിപ്പിക്കും

'കായി  ആണോ  വല്ത് ഒരു പാരമ്പര്യം ള്ള കുടുമ്മം .'
'അത് നെല നിര്‍ത്താനിനി ആരാള്ളത് ? അത് പറയ് ജ്ജ് ചെറ്‌ങ്ങോരാ'
കുഞ്ചാണന്‍ കരുതുന്നത് അതാണ്. പണ്ടുമുതലേയുള്ള വൈദ്യ പാരമ്പര്യം തുടരാന്‍ ആളില്ലാതായല്ലോ എന്ന്കുഞ്ചീരി പുറമെ വിഷമം നടിച്ചെങ്കിലും ഉള്ളാലെ സന്തോഷിച്ചു.

കയ്യില്‍ കാശു വരുമ്പോഴേ സൗകര്യങ്ങള്‍ വേണമെന്നു തോന്നു .
അവര്‍ക്ക് പുതിയ സൗകര്യങ്ങള്‍ മകന്‍ ചെയ്തു കൊടുക്കുമ്പോള്‍ ആ അമ്മക്ക് അത് പ്രകടിപ്പിക്കാതെ വയ്യെന്നാവും.

എങ്കിലും ഭര്‍ത്താവിന്റെ വിഷമം കണ്ടില്ലെന്നു നടിക്കാനും വയ്യ.

പുളവ വീടു പുതുക്കിപ്പണിതു.
ഉന്തും മുഴയുമായി നിന്നിരുന്ന ചാണകം മെഴുകിയ നിലം തിളങ്ങുന്ന സിമന്റ് തറയാക്കി .
ജനാലകള്‍ നിറം പൂശി.
പൂക്കള്‍ തുന്നിയ ജനാലകര്‍ട്ടനുകള്‍ വച്ചു.
താമരക്കായലിലേക്ക് തുറക്കുന്ന ജനലിലൂടെ ഒഴുകി വരുന്ന കാറ്റില്‍ അവ നൃത്തം വച്ചു.

അതിലുമപ്പുറം താമരച്ചേരില്‍ ഒരു വിപ്ലവത്തിന് അയാള്‍ തിരിയിട്ടു.

എന്താണെന്നോ ?

വീട്ടിനുള്ളില്‍ വൃത്തിയുള്ള ഒരു കക്കൂസും, കുളിമുറിയും  ഉണ്ടാക്കി.

വെള്ള നിറത്തില്‍ തിളങ്ങുന്ന, ഉള്ളില്‍ വെള്ളം നിറഞ്ഞ ,അടച്ച മുറിക്കുള്ളിലെ  ഈ സൗകര്യം   താമരച്ചേര് ആദ്യം കാണുകയാണ്. അത് അവരെ അത്ഭുതപ്പെടുത്തി.

ഏറെ അത്ഭുതത്തോടെ അത് കാണാന്‍ താമരച്ചേര് മുഴുക്കെ കുഞ്ചാണഭവനത്തിലേക്ക്  ഒഴുകി  എത്തി.

കായല്‍ക്കരയില്‍ ഓല മറച്ചുകെട്ടിയ  ,കക്കൂസ് സ്വന്തമായുള്ളവര്‍  പരിഷ്‌ക്കാരത്തിന് മോഹിച്ചു .

കായലില്‍ തുറന്ന സ്ഥലത്ത് തമ്മില്‍ത്തമ്മില്‍ പുറംതേച്ചു കൊടുത്തും താളിയുരച്ചും കുളിച്ചിരുന്ന പെണ്ണുങ്ങള്‍ക്ക് പിന്നെപ്പിന്നെ അത് ഒരു കുറച്ചിലായി   തോന്നിത്തുടങ്ങി.

പെണ്ണുങ്ങള്‍ ആണുങ്ങളെ പുളവയുമായി താരതമ്യം ചെയ്തു പറഞ്ഞു തുടങ്ങി.
അവരോരുത്തരും വീട്ടില്‍ സൗകര്യങ്ങള്‍ക്കായി കൊതിച്ചു.

 വയസ്സായവര്‍ പക്ഷേ

'അകത്ത് തൂറണ മുറി'

ഐശ്വര്യക്കേടായി വിലയിരുത്തി.

'കലികാലവൈഭവം'
എന്ന് പിറുപിറുത്തു.

കാര്യമെന്തായാലും താമരച്ചേര് മാറുകയായിരുന്നു.

പതിയെപ്പതിയെ വീടിനുള്ളിലോ വീടിനോട് ചേര്‍ന്നോ അടച്ചുറപ്പുള്ള ശൗചാലയങ്ങള്‍ താമരച്ചേരില്‍ പൊങ്ങിത്തുടങ്ങി..

 പൊതുവെ പരിഷ്‌ക്കാരങ്ങള്‍ എത്തിനോക്കാന്‍ മടിച്ചതാമരച്ചേരില്‍
ഒരു പരിഷ്‌ക്കാരമായി ഈ ശൗചാലയങ്ങള്‍ സ്ഥാനം പിടിച്ചു
--------------------------------------------

കഴിഞ്ഞ ഭാഗങ്ങള്‍ വായിക്കുവാന്‍ 
------------------------------

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ചുരുളി ഗ്രാമക്കാര്‍ നീതി തേടുമ്പോള്‍ .... (ഉയരുന്ന ശബ്ദം-43: ജോളി അടിമത്ര)

കൊറോണ വൈറസിന്റെ പുതിയ വ്യതിയാനമായ ഒമിക്രോണിന്റെ ഭീകരത വര്‍ദ്ധിക്കുന്നു (കോര ചെറിയാന്‍)

കുരുക്കിലകപ്പെട്ട സ്ത്രീയുടെ കുതറി മാറൽ - മഞ്ഞിൽ ഒരുവൾ - നിർമ്മല : ഡോ. കുഞ്ഞമ്മ ജോർജ്ജ്

ടെക് കമ്പനികളിൽ ഇന്ത്യൻ സിഇഒമാരുടെ തേരോട്ടം തുടരുന്നു (ശ്രീകുമാർ ഉണ്ണിത്താൻ)

മരക്കാർ : മലയാള സിനിമയിൽ വീണ്ടും മണി കിലുക്കം (രഞ്ജിത് നായർ)

അനിലാലും സബ്രീനയും (ഡോ.നന്ദകുമാര്‍ ചാണയില്‍)

'എന്തുകൊണ്ട് ദൈവമേ എന്തുകൊണ്ട് ഇങ്ങനെ?'

മായ ബാലകൃഷ്ണന്റെ "മായ" (ഡോ.ടി പങ്കജ് )

Nights and Days in Ujjaini - Vishnu Narayanan Namboodiri (Translated by Dr.M.N. Namboodiri)

ഹംപി കാഴ്ചകള്‍ 5: (സംഗീതമുണര്‍ത്തുന്ന കല്‍മണ്ഡപങ്ങളും ആയിരം രാമന്‍മാരും: മിനി വിശ്വനാഥന്‍)

ആരാണ് ദൈവം, എന്താണ് ദൈവം . (ലേഖനം ഭാഗം : 3- ജയന്‍ വര്‍ഗീസ് )

ബിറ്റ്‌കോയിനും ഒമൈക്രോണും, കൂടെ രണ്ടു നായ്ക്കുട്ടികളും (ഡോ. മാത്യു ജോയിസ് ലാസ്‌വേഗാസ്)

അയല്‍ക്കാരിയുടെ മേല്‍ കരുണ ചൊരിയേണമേ! (നര്‍മം: ജോണ്‍ ഇളമത)

എല്ലാം മക്കള്‍ക്കുവേണ്ടി (പുസ്തക പരിചയം : എ.സി.ജോര്‍ജ്)

ഒന്നര മാസത്തിനിടയില്‍ മൂന്നു കൊലപാതകങ്ങള്‍ക്ക് മലയാളികള്‍ ഇരയായി

ഏഴു സ്വരങ്ങളും തഴുകിവന്ന ദേവഗാനങ്ങള്‍ (സന്തോഷ് പിള്ള)

വാക്സിൻ-വാക്കുകളിലെ മിന്നും താരം; ജനം ഏറ്റവും തെരഞ്ഞ  വാക്ക്  

മാറുന്ന സിനിമാലോകം, മാറ്റപ്പെടുന്ന സിനിമാ ജീവിതവും (ബ്ലെസന്‍ ഹ്യൂസ്റ്റന്‍)

The Village of Valady and Dr. A.K.B. Pillai (P.G. Panikker)

നേരിന്റെ മഷി തൊട്ട വരകള്‍ ( മൃദുമൊഴി-33: മൃദുല രാമചന്ദ്രന്‍)

നാടിനുവേണ്ടിയുള്ള ചുവടുകൾ (വിജയ്.സി.എച്ച്)

ഇത്തിരിനേരം ഒരു ചിരിയിൽ ഒത്തിരി കാര്യം (ഫിലിപ്പ് മാരേട്ട്)

കളിഗെമിനാറിലെ കുറ്റവാളികളും ചുരുളിയും ( ഭദ്ര വേണുഗോപാൽ)

വിശ്വാസം, അതല്ലേ എല്ലാം... (ജെയിംസ് കുരീക്കാട്ടിൽ)

പാറേക്കാട്ട് കുടുംബത്തിൽ നൂറിലേറെ കന്യാസ്ത്രീകൾ; മുപ്പതിലേറെ വൈദികർ (കുര്യൻ പാമ്പാടി)

റിബെക്ക - ഒരു മിന്നാമിനുങ്ങിന്റെ നക്ഷത്രത്തിളക്കം (വാല്‍ക്കണ്ണാടി - കോരസണ്‍)

'എന്തുകൊണ്ട് ദൈവമേ എന്തുകൊണ്ട് ഇങ്ങനെ?' (പി.പി.ചെറിയാന്‍)

പ്രധാനമന്ത്രിയുടെ വിശ്വാസ്യത വിചാരണ ചെയ്യപ്പെടുന്നു (ദല്‍ഹികത്ത് : പി.വി.തോമസ്)

ക്രിപ്റ്റോകറൻസികൾക്കു ഇന്ത്യൻ ശത്രുസംഹാരപൂജ ? ( മാത്യു ജോയിസ്, ലാസ് വേഗാസ്)

മിഴിയോരം നനഞ്ഞൊഴുകും….. (നീലീശ്വരം സദാശിവൻകുഞ്ഞി)

View More