പകല്മഴയില് പകുതി നനഞ്ഞു ഞാന്
പകര്ത്തിയെഴുതിയിന്നെന് കവിതകള്
ഓര്മ്മകളോളമിട്ടെന്റെയുള്ളിലായ് മേഘപാളികള് പ്രകമ്പനം കൊളളവേ
ആര്ത്തിരമ്പും മഴയുടെ ശീല്ക്കാരം
കാതിലലകളായ് വന്നു പതിച്ചതാ
തേടി വന്നതു പോലൊരാ തെന്നലും
കൂടെയെത്തി കഥകള് പറയുവാന്
മുകിലിന് പാദസ്വരങ്ങളില് മയങ്ങി ഞാന്
എഴുതിവീണ്ടുമെന്നുള്ളിലെ പ്രണയവും
ഒഴുകിയെത്തിയൊന്നൊന്നായ് വിരിഞ്ഞതാ
പരിലസിച്ചക്ഷരപ്പൂക്കളായ് താളിലും
പെയ്തൊഴിയുവാന് വെമ്പലുണ്ടെന്നപോല്
മാനം പൊഴിച്ചവളുടെ കണ്ണുനീര്
ചുട്ടുപൊള്ളിക്കുമോര്മ്മകളുതിര്ത്തവള്
നിര്ത്തി പോകുന്നു വീണ്ടും തിരികെയായ്