EMALAYALEE SPECIAL

കേശവിശേഷം കേൾക്കേണ്ടേ ? (ഏഷ്യയിൽ നിന്ന് ആഫ്രിക്കയിലേക്ക് 13: ജിഷ.യു.സി)

Published

on

ഞങ്ങൾ ലൊബാട്സെ  ട്രിപ്പ്  പ്ലാൻ ചെയ്ത ദിവസമായിരുന്നു  അന്ന്
അനിയത്തി ജോലി ചെയ്യുന്ന ഓഫീസിൽ നിന്ന് ഒരു മെസ്സേജ്
സഹപ്രവർത്തകയുടെ യാണ്

"ഐ വോണ്ട് ബി ഇൻ ടുമാറൊ,ഗോയിങ് ടു വാഷ് മൈ ഹെയർ"

(നാളെ ഞാൻ ലീവാണ്
എൻ്റെ തലമുടി ഒന്നു കഴുകണം)

ചിരി വന്നോ നിങ്ങൾക്ക് ?

തെറ്റിപ്പറഞ്ഞതല്ല കെട്ടോ
അങ്ങനെ ലീവ് എടുക്കുന്നവർ ധാരാളം
അവർ അത് മാസത്തിലോ മറ്റോ ചെയ്യുന്ന ഏറെ പ്രധാനപ്പെട്ട കാര്യമാണ്"

എന്ത് ?
കുളി ?...

അതെ .. കാരണം ഉണ്ട്
അവരുടെ തലയിൽക്കാണുന്നത് യഥാർത്ഥ തലമുടിയല്ല
അത് ഒരു തുന്നിച്ചേർക്കൽ വഴി ചെയ്തതാണ്.

മാർക്കറ്റിൽ നിന്നും വാങ്ങിക്കുന്ന  തലമുടി പാക്കറ്റുകളിലെ മുടി ഇവരുടെ യഥാർത്ഥ സ്പ്രിംഗ്  മുടിയോട് ചേർത്ത്   പ്രത്യേക രീതിയിൽ  തുന്നി വക്കുന്നു .

ഏറെ ശ്രമകരമായ പ്രക്രിയയാണ്  ഇത് .
ഒരു തല ഇങ്ങനെ  ഹെയർ ഡ്രസ്സിംഗ് ചെയ്യാൻ  രണ്ടു മൂന്നു മണിക്കൂറുകളെങ്കിലും വേണമത്രെ.

വളരെ സൂക്ഷ്മമായി സമയമെടുത്ത്  ചെയ്യേണ്ട ഒരു പണിയാണത്രെ  ഈ വെപ്പു തലമുടി വയ്ക്കൽ
പ്രക്രിയ
ഓരോ ഇഴകളായി നമ്മൾ പിന്നിയിടും പോലെ ഒരു പ്രത്യേക രീതിയിൽ അവരുടെ യഥാർത്ഥ മുടിയോട് ചേർത്തു വയ്ക്കും .

.ചിലതരം നൂലുകൾ ,നാരുകൾ ഇവ കൃത്രിമ  തല മുടിക്കായി ഉപയോഗിക്കുന്നു
പല വർണ മുടികൾ  വിപണിയിൽ ഉണ്ട്
നീണ്ടതും ,ചുരുണ്ടതും രൂപത്തിൽ ,പല നീളത്തിൽ ഇവ കിട്ടും

കിട്ടുന്ന ശമ്പളത്തിൽ പകുതിയിലേറെ ഇവർ കേശാലങ്കാരത്തിനായി ചെലവാക്കുന്നു എന്ന് പറഞ്ഞാൽ ഒട്ടും അതിശയോക്തിയാവില്ല .

ഏതാണ്ട് 300 പുലക്കും നും500 പുലക്കും ഇടയിൽ ഇതിനായി  ചെലവാക്കുമത്രെ  ഇവർ

യഥാർത്ഥത്തിൽ ഇവർക്ക് ചകിരി നാരു പോലെ പര പരയായ കുഞ്ഞിമുടികളാണ് .സ്പ്രിങ് ഒട്ടിച്ചു വച്ച പോലെ തലയിൽ അവിടവിടെയായിട്ടേ ഇവർക്ക് മുടി ഉള്ളൂ

അധികം പേരും തലയിൽ നമ്മുടെ തെരിക വച്ച മാതിരി മുടി തുന്നി വച്ചിരിക്കും .ഞങ്ങൾ ആദ്യം കരുതിയത് വിഗ്ഗ് ആണെന്നാ .പിന്നെ അടുത്തു കണ്ടപ്പോഴാണ് ഈ കേശ രഹസ്യം പിടികിട്ടിയത് .

മറ്റൊരു കാര്യം ഞങ്ങൾ ശ്രദ്ധിച്ചത് ,ഈ കേശാലങ്കാരത്തിനനുസൃതമായി ഇവരുടെ മുഖഛായാ മാറ്റം ആണ് നീണ്ടമുടിയുള്ള മാസം ഒരു മുഖം ,പിന്നിയിട്ട സമയം മറ്റൊരു മുഖം ..
ശരിക്കുള്ള ഛായ ഏതാണെന്ന് അറിയാൻ ഈ തുന്നിക്കെട്ട് മുഴുവനായും കളയേണ്ടി വരില്ലേ ?

ഈ തലമുടി സംഭവത്തിനൊപ്പം
ഒരനുഭവം പങ്കുവയ്ക്കട്ടെ

ഞങ്ങളുടെ സിംബാബ് വെ യാത്രക്ക് ഏതാണ്ട്   പത്തു  ദിവസം മുൻപ്..

സിംബാബ്‌വെയിലേക്ക് കടക്കണമെങ്കിൽ മഞ്ഞപ്പനി (Yellow fever) വാക്സിൻ നിർബന്ധമാണ്
ഞങ്ങൾ അതിനുള്ള തയ്യാറെടുപ്പിൽ  ഒരു ക്ലിനിക്കിൽ  എത്തി.

സുസ്മേര വദനനായി അറ്റൻ്റർ  ഞങ്ങളെ സ്വാഗതം ചെയ്തു .
അവിടം ഒരു ഹോസ്പിറ്റൽ അന്തരീക്ഷം  ആയി തോന്നിയില്ല.  എന്നതത്ഭുതം. ചിത്രം വരച്ച ചുമരുകളും ,നല്ല ഒതുക്കത്തിൽ രണ്ടു മൂന്ന് സോഫ സെറ്റുകളും അടങ്ങിയ ,  ഇൻഡോർ പ്ലാൻ്റ്സ്   ഭംഗിയിൽ ഒതുക്കിയ  ഒരിടം

നമ്മുടെ നാട്ടിലെപ്പോലെ ഡെറ്റോളിൻ്റെയും  മരുന്നു കളുടെയും മനം മടുപ്പിക്കുന്ന  ഗന്ധമില്ല. തിക്കും തിരക്കുമില്ല.
ആംബുലൻസിൻ്റെ പേടിപ്പെടുത്തുന്ന ശബ്ദമില്ല. ആളുകൾ തീർത്തും  നിശ്ശബ്ദർ

അങ്ങനെ  വളരെ  ശാന്തമായ വൃത്തിയുമുള്ള  പരിസരം

ഞങ്ങൾ ഊഴമനുസരിച്ച് വാക്സിനായി കാത്തിരിക്കുകയായിരുന്നു അധികം തിരക്കില്ല .

എൻ്റെ ചെയറിനു പിന്നിൽ വന്ന് നിന്ന് ഒരു നേഴ്സ് എൻ്റെ തലമുടി മെല്ലെയൊന്ന് വലിച്ചു നോക്കി .
ആദ്യം ഞാൻ അത്ര ശ്രദ്ധിച്ചില്ല .
വീണ്ടും അത്യാവശ്യം ശക്തിയിൽ ഒരു വലി

വേദനിച്ച് ഞാൻ തിരിഞ്ഞു നോക്കിയപ്പോൾ വിടർന്നു ചിരിച്ച്, അത്ഭുതമൂറുന്ന ശബ്ദത്തിൽ ചോദിച്ചു

"ഈസ് ദിസ് ഒറിജിനൽ "?

"വാട്ട്.. ? "
ഞാൻ

"ഈസ് യുവർ ഹെയർ ഒറിജിനൽ ?"

പിന്നിയിട്ട മുടി കയ്യിലെടുത്ത് അവർ ചിരിച്ചു കൊണ്ട് വീണ്ടും

അനിയത്തി വീണ്ടും രക്ഷക്കെത്തി

"യെസ് മാഡം
ദിസീസ് ഹെർ ഒറിജിനൽ ഹെയർ"

"വൗ ..വണ്ടർഫുൾ!!"

"സച്ച് എ ലോംഗ് ഷെയർ"

"ഡു യു വാണ്ട് ടു സെൽ ഇറ്റ് ?"

ഏ ?

മുടി വിൽക്കുന്നോ എന്നോ ?

ഞാൻ വീണ്ടും കണ്ണു തള്ളി

:ചേച്ചീ .. ഇവിടെ അങ്ങനെയാണ് എന്നോടും ധാരാളം പേർ ചോദിച്ചിട്ടുണ്ട് .പേടിക്കണ്ട
ഇവർക്ക് തലമുടിയില്ലല്ലോ
അവർക്ക് മുടി എന്നു വച്ചാൽ സഹിക്കില്ല .വലിയ ആഗ്രഹമാണത്രെ ."

"അതാണ് വെപ്പുമുടിക്കായി നമ്മുടെ മുടി ചോദിക്കുന്നത്"

അയ്യോ പാവം അല്ലെ ?

എന്തൊരത്ഭുതം  ഈ
 തലമുടി വിശേഷം അല്ലെ ?

നാട്ടിൽ  പെണ്ണുങ്ങൾ മുടി മുറിച്ച് കഴുത്തിനൊപ്പമാക്കുന്നു ,ചില സെലിബ്രെറ്റികൾ അടക്കം മുടി വരണ്ടി മൊട്ടയടിക്കുന്നു ...

ഇവിടെ ഒരു കൂട്ടർ മുടിക്കായി മോഹിച്ച്, വേദന സഹിച്ച്  തലയിൽ മുടി തുന്നിച്ചേർക്കുന്നു വക്കുന്നു

ബഹുജനം പലവിധം
അല്ലെ ?

കേശവിശേഷം മോശമല്ലല്ലോ ?

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ചുവപ്പുനാടകൾ (അമേരിക്കൻ കുടിയേറ്റ കുറിപ്പുകൾ -ഭാഗം 4: ഷാജു ജോൺ)

ഒന്നു തൊടാതെ പോയി വിരൽത്തുമ്പിനാൽ (മൃദുമൊഴി 18: മൃദുല രാമചന്ദ്രൻ)

പ്രാചീന മലയാള സാഹിത്യം (ബീന ബിനിൽ, തൃശൂർ)

രുചിഭേദങ്ങള്‍: പരിപ്പുപായസവും കൊഞ്ചുതീയലും (ലേഖനം: സാം നിലമ്പള്ളില്‍)

രാമായണ ചിന്തകള്‍ 7: 'ലോകരേ വെടിയുക അഹമ്മതി, അധികാരമോഹവും'(ജിഷ യു.സി)

മുംബെയിലെ പ്രവാസം; എഴുത്തിലെ സൗന്ദര്യം (ഇ-മലയാളി അവാര്‍ഡ്-പോപ്പുലര്‍ റൈറ്റര്‍)

പെഗസസ്: എന്തുകൊണ്ട് മോദി-ഷാമാരുടെ വാട്ടര്‍ഗേറ്റ്? (ദല്‍ഹികത്ത് : പി.വി.തോമസ്)

ഓര്‍മ്മകള്‍ ചേരുന്നത് തന്നെയാണ് ജീവിതം: ജോസ് ചെരിപുറം (അഭിമുഖം)

ടോക്യോ--206 രാഷ്ട്രങ്ങൾ, 11,000 താരങ്ങൾ, അവരുടെ ജീവിത സ്വപ്‌നങ്ങൾ (കുര്യൻ പാമ്പാടി)

കുട്ടികള്‍ക്ക് വാക്‌സിന്‍ എപ്പോള്‍ ലഭിക്കും? (ജോര്‍ജ് തുമ്പയില്‍)

മാറ്റങ്ങൾക്കു വിധേയമാവാൻ തയ്യാറാവാതെ സമൂഹത്തിൽ മാറ്റങ്ങൾ പ്രതീക്ഷിക്കരുത്: ജഡ്ജ് കെ.പി ജോർജ്ജ്

എഴുത്തുകാരൻ, ഗുരു, ശാസ്ത്രഞ്ജൻ: ഇ-മലയാളി പയനിയർ അവാർഡ് ജേതാവ് ഡോ. എ.കെ.ബി പിള്ളയുമായി  അഭിമുഖം

കൗസല്യ: ധർമിഷ്ഠയായ സ്ത്രീയുടെ പ്രതീകം (ഡോ.എസ്.രമ,  രാമായണ ചിന്തകൾ - 5) 

രാമായണം - 2 മര്യാദരാമന്‍ (വാസുദേവ് പുളിക്കല്‍)

അഗ്നിശുദ്ധി സീതായനത്തിലൂടെ (ഉമശ്രീ, രാമായണ ചിന്തകൾ -4)

വേണോ ഒരു അമേരിക്കൻ മലയാള സാഹിത്യം? (ഭാഗം – 3**) സുധീർ പണിക്കവീട്ടിൽ

That Black Mole on His Tongue (Sreedevi Krishnan)

പാവക്കൂത്തമ്മാവന്‍ (മിന്നാമിന്നികള്‍ 7: അംബിക മേനോന്‍)

ആരും നിസ്സാരരല്ല (ജോബി ബേബി, കുവൈറ്റ്, രാമായണ ചിന്തകൾ -3)

ഇവിടത്തെ കാറ്റാണ് കാറ്റ്: ഇടുക്കിയിൽ റോഷിയുടെ സുഗന്ധ കൃഷി (കുര്യൻ പാമ്പാടി)

ഹൃദയ പാഥേയം (മൃദുമൊഴി 17: മൃദുല രാമചന്ദ്രൻ)

രാമായണസന്ദേശം (ബീന ബിനിൽ , തൃശൂർ, രാമായണ ചിന്തകൾ -2)

സിബി മാത്യൂസിന്റെ ആത്മകഥയിലെ ഐ.എസ്.ആര്‍.ഒ ചാരക്കേസ്

കിറ്റക്സിന്റെ പ്രശ്നം രാഷ്ട്രീയമാണ്? (ശ്രീകുമാർ ഉണ്ണിത്താൻ)

പരസ്പര ബഹുമാനം (എഴുതാപ്പുറങ്ങള്‍-87: ജ്യോതിലക്ഷ്മി നമ്പ്യാര്‍, മുംബൈ)

ബൊഹീമിയൻ ഡയറി- പ്രാഗിന്റയും വിയന്നയുടെയുടെയും ചരിത്ര വഴികളിലൂടെ(ഡോ. സലീമ ഹമീദ് )

പിന്നിട്ട കടമ്പകൾ (അമേരിക്കൻ കുടിയേറ്റ കുറിപ്പുകൾ -3: ഷാജു ജോൺ)

സംക്രാന്തിയും രാമായണ മാസവും (ഗിരിജ ഉദയൻ)

രാമായണം രാമന്റെ യാത്രയാണ് (രാമായണ ചിന്തകൾ 1, മിനി വിശ്വനാഥൻ)

യുഗപുരുഷനു പ്രണാമം, ദീപ്തസ്മരണയില്‍ പരി. കാതോലിക്ക ബാവ (ജോര്‍ജ് തുമ്പയില്‍)

View More