അമ്മ അറിയാന് (കവിത: ബിന്ദു ടിജി)
Published on 10 May, 2019
ജീവിക്കുന്നവര്ക്ക് അമ്മയുണ്ട്
മരിച്ചവര്ക്കും
നീ ജീവിക്കുന്നവളുടെ അമ്മയാണ്
പ്രണയിക്കുന്നവര്ക്ക് അമ്മയുണ്ട്
നുണയന്മാര്ക്കും
നീ പ്രണയിക്കുന്നവളുടെ അമ്മയാണ്
അവിദ്യയും ജ്ഞാനവും അമ്മയെ തേടുന്നു
ജ്ഞാനം നിന്നെ അമ്മേ എന്ന് വിളിക്കും
നിന്നെ ഞാനും നീ എന്നെയും
തിരഞ്ഞെടുത്തതല്ല
ആദ്യം ഞാന് നിന്നില്
ഇന്ന് നീ എന്നില്
ഒരു നുള്ളും ആര്ക്കും കൊടുക്കാതെ
ഉള്ളില് നിറയെ
ഏറെ ആനന്ദവും ദുഃഖവും
എനിക്കൊരു കവിത നല്കും
ഇന്ന് അത് നീയാണ്
നിന്നെ കുറിച്ചെഴുതുമ്പോള്
വാക്കുകള്
കടലാസ്സില് അര പുറമേ നിറയാവൂ
ബാക്കി ആഴമുള്ള മൗനമാണ്
ധ്യാനമാണ്
പിടി തരാത്ത രഹസ്യവും
നിന്നെ സ്നേഹിക്കുകയെന്നാല്
ഒരു പനിനീര് ചെടിയെ സ്നേഹിക്കും പോലെയാണ്
പുണരുമ്പോള് കോര്ത്ത് വലിക്കും
മുള്ളുകള് കൊണ്ട് മുത്തമിടും
പൂക്കള് കൊണ്ട് തലോടും
അമ്മേ നിന്നെ ഓര്ക്കാനായ്
എനിക്കൊരു ദിവസവും വേണ്ട
മറക്കാന് ഒരു നിമിഷം തരൂ!
(ഒരു മാതൃ ദിനത്തില് ഞങ്ങളെ പിരിഞ്ഞ അമ്മയ്ക്ക്
അമ്മസ്നേഹം നെഞ്ചില് കനലായി പിടയുന്ന മക്കള്ക്ക് )
മരിച്ചവര്ക്കും
നീ ജീവിക്കുന്നവളുടെ അമ്മയാണ്
പ്രണയിക്കുന്നവര്ക്ക് അമ്മയുണ്ട്
നുണയന്മാര്ക്കും
നീ പ്രണയിക്കുന്നവളുടെ അമ്മയാണ്
അവിദ്യയും ജ്ഞാനവും അമ്മയെ തേടുന്നു
ജ്ഞാനം നിന്നെ അമ്മേ എന്ന് വിളിക്കും
നിന്നെ ഞാനും നീ എന്നെയും
തിരഞ്ഞെടുത്തതല്ല
ആദ്യം ഞാന് നിന്നില്
ഇന്ന് നീ എന്നില്
ഒരു നുള്ളും ആര്ക്കും കൊടുക്കാതെ
ഉള്ളില് നിറയെ
ഏറെ ആനന്ദവും ദുഃഖവും
എനിക്കൊരു കവിത നല്കും
ഇന്ന് അത് നീയാണ്
നിന്നെ കുറിച്ചെഴുതുമ്പോള്
വാക്കുകള്
കടലാസ്സില് അര പുറമേ നിറയാവൂ
ബാക്കി ആഴമുള്ള മൗനമാണ്
ധ്യാനമാണ്
പിടി തരാത്ത രഹസ്യവും
നിന്നെ സ്നേഹിക്കുകയെന്നാല്
ഒരു പനിനീര് ചെടിയെ സ്നേഹിക്കും പോലെയാണ്
പുണരുമ്പോള് കോര്ത്ത് വലിക്കും
മുള്ളുകള് കൊണ്ട് മുത്തമിടും
പൂക്കള് കൊണ്ട് തലോടും
അമ്മേ നിന്നെ ഓര്ക്കാനായ്
എനിക്കൊരു ദിവസവും വേണ്ട
മറക്കാന് ഒരു നിമിഷം തരൂ!
(ഒരു മാതൃ ദിനത്തില് ഞങ്ങളെ പിരിഞ്ഞ അമ്മയ്ക്ക്
അമ്മസ്നേഹം നെഞ്ചില് കനലായി പിടയുന്ന മക്കള്ക്ക് )
Facebook Comments
Comments
P R Girish Nair 2019-05-11 00:00:49
അമ്മയുടെ ഓർമ്മകൾ വിളിച്ചോതുന്ന കവിത.
Congrats Mrs.Bindu
Rajeev 2019-05-16 19:38:44
വാക്കുകളില്ല ബിന്ദു .... മനോഹരമായി..
അമ്മ അറിയാനുള്ള ഈ സ്നേഹക്കുറിപ്പ് .
Leave A Reply
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala