Madhaparam

സെന്റ് തോമസ് ഇടവക മൗണ്ട് ഒലിവിലേക്ക്

രാജന്‍ വാഴപ്പള്ളില്‍

Published

on

മൗണ്ട് ഒലീവ് (ന്യൂജേഴ്‌സി): തീപിടുത്തത്തില്‍ കാര്യമായ നാശനഷ്ടങ്ങളുണ്ടായ ഡോവര്‍ സെന്റ് തോമസ് ഓര്‍ത്തഡോക്‌സ് ഇടവകക്ക് പുതിയ പള്ളിക്കെട്ടിടമായി. ഡോവറില്‍ നിന്നും 10 മൈല്‍ ദൂരത്തായി മൗണ്ട് ഒലീവ് ടൗണ്‍ഷിപ്പിലാണ് പുതിയ പള്ളിക്കെട്ടിടം.

പുതിയ പള്ളിക്കെട്ടിടത്തിന്റെ താത്ക്കാലിക കൂദാശ ഭദ്രാസന അധ്യക്ഷന്‍ സഖറിയ മാര്‍ നിക്കോളോവോസ് മെത്രാപ്പോലീത്ത മാര്‍ച്ച് 23, ശനിയാഴ്ച നിര്‍വഹിച്ചു. കാതോലിക്ക പതാക ഉയര്‍ത്തിയായിരുന്നു പരിപാടികളുടെ തുടക്കം. തുടര്‍ന്ന് മെത്രാപ്പോലീത്തയെ ഭക്തസമൂഹം ദേവാലയത്തിലേക്ക് ആനയിച്ചു. സന്ധ്യാ നമസ്ക്കാരത്തിനു ശേഷം താത്ക്കാലിക കൂദാശ നടന്നു. പിന്നീട് നടന്ന ഹൃസ്വമായ സമ്മേളനത്തില്‍ വികാരി ഫാ. ഷിബു ഡാനിയല്‍ സ്വാഗത പ്രസംഗം നടത്തി. അധ്യക്ഷപ്രസംഗത്തില്‍ മാര്‍ നിക്കോളോവോസ്, സെന്റ് തോമസ് ഇടവകയ്ക്ക് ദൈവം ചെയ്ത കൃപകളെ അനുസ്മരിച്ചു. ദൈവത്തോട് അടുത്തു നില്‍ക്കുന്ന ഒരു സമൂഹത്തെ ദൈവം ഒരിക്കലും കൈവിടില്ല എന്നതിന്റെ തെളിവാണ് തീ പിടിച്ച്, നൂറാം ദിവസം മൗണ്ട് ഒലീവിലെ പുതിയ ദേവാലയം കൂദാശ ചെയ്യപ്പെട്ടതിലൂടെ വെളിവാകുന്നതെന്ന് മാര്‍ നിക്കോളോവോസ് പറഞ്ഞു. കൗണ്‍സില്‍ അംഗം സജി എം. പോത്തന്‍, ഇടവക ട്രസ്റ്റി ഫിലിപ്പ് തങ്കച്ചന്‍ എന്നിവര്‍ സംസാരിച്ചു. സെക്രട്ടറി ജോര്‍ജ് തുമ്പയില്‍ കൃതജ്ഞത പറഞ്ഞു.

ഭദ്രാസന കൗണ്‍സില്‍ അംഗങ്ങളായ സജി എം. പോത്തന്‍, സന്തോഷ് മത്തായി, മുന്‍ മാനേജിങ് കമ്മിറ്റി അംഗങ്ങളായ ഫിലിപ്പോസ് ഫിലിപ്പ്, പോള്‍ കറുകപ്പള്ളില്‍, ഫാമിലി കോണ്‍ഫറന്‍സ് ഭാരവാഹികളായ സണ്ണി വറുഗീസ്, സാജന്‍ പോത്തന്‍, മുന്‍ വികാരി ഫാ. കെ. കെ. ജോണ്‍, ന്യൂജേഴ്‌സിയിലെ സഹോദര ഇടവക വികാരിമാരായ ഫാ. സണ്ണി ജോസഫ്, ഫാ. ഷിനോജ് തോമസ്, ഡീക്കന്‍ ബോബി വറുഗീസ് തുടങ്ങി ഒട്ടേറെ പേര്‍ പങ്കെടുത്തു.

മാര്‍ച്ച് 14ന് റിയല്‍ എസ്റ്റേറ്റ് അറ്റോര്‍ണിയുടെ ഓഫീസില്‍ നടന്ന ക്‌ളോസിങ്ങിലാണ് ഹോളി ബാപ്റ്റിസ്റ്റ് ചര്‍ച്ച് ഭാരവാഹികളില്‍ നിന്ന് സെന്റ് തോമസ് ഇടവക വികാരി, ഭാരവാഹികള്‍, അംഗങ്ങള്‍ എന്നിവര്‍ ചേര്‍ന്ന് പള്ളിക്കെട്ടിടം എഴുതി വാങ്ങിയത്.

പിറ്റേന്നു വൈകുന്നേരം പുതിയ പള്ളിക്കെട്ടിടത്തില്‍ നടന്ന പ്രാര്‍ത്ഥനയോഗത്തിന് ഭദ്രാസന ചാന്‍സലര്‍ ഫാ. തോമസ് പോള്‍, ഫാ. എല്‍ദോ ഏലിയാസ് എന്നിവര്‍ നേതൃത്വം നല്‍കി. പുതിയ പള്ളിക്കെട്ടിടം വാങ്ങുന്നതിനു ഇടവക ജനങ്ങള്‍ കാണിച്ച താത്പര്യത്തിനും ഉത്സാഹത്തിനും ഫാ. തോമസ് പോള്‍ അഭിനന്ദനം രേഖപ്പെടുത്തി. ബൈബിളിലെ പ്രസക്തഭാഗങ്ങള്‍ ഉദ്ധരിച്ചു കൊണ്ട് പ്രോത്സാഹജനകമായ വാക്കുകളാണ് ഫാ. തോമസ് പോള്‍ ഉപയോഗിച്ചത്.

പുതിയ ദേവാലയത്തില്‍ മാര്‍ച്ച് 24ന് വി. കുര്‍ബാനയ്ക്ക് മുന്‍ വികാരി ഫാ. കെ.കെ. ജോണ്‍ മുഖ്യ കാര്‍മ്മികനായിരുന്നു. വികാരി ഫാ. ഷിബു ഡാനിയല്‍ സഹ കാര്‍മ്മികനായിരുന്നു. വി. കുര്‍ബാനയ്ക്ക് ശേഷം നടത്തിയ പ്രസംഗത്തില്‍ ഫാ. കെ. കെ. ജോണ്‍ ഇടവക അംഗങ്ങള്‍ക്ക് മേല്‍ പ്രശംസകള്‍ ചൊരിഞ്ഞു. റോബിന്‍സണ്‍ ക്രൂസോയുടെ കഥ ഉദ്ധരിച്ചു കൊണ്ട്, ഏകാന്തമായ ആ ദ്വീപില്‍ ഉണ്ടായ തീയാണ് റോബിന്‍സണ്‍ ക്രൂസോയുടെ മോചനത്തിനു കാരണമായതെന്ന് ജോണ്‍ അച്ചന്‍ സൂചിപ്പിച്ചു. ഡോവറില്‍ ഉണ്ടായ തീപിടുത്തം ദൗര്‍ഭാഗ്യകരമാണെങ്കിലും അതു ദൈവത്തിന്റെ പദ്ധതിയായി കാണേണ്ടതുണ്ടെന്നും ഇടവക ജനങ്ങള്‍ ദൈവഹിതം തിരിച്ചറിഞ്ഞ് ദൈവത്തോട് നന്ദിയുള്ളവരായി തീരണമെന്നും കൂട്ടിച്ചേര്‍ത്തു.

1990ല്‍ വെസ്റ്റ് ഓറഞ്ചില്‍ ഇന്‍കോര്‍പ്പറേറ്റ് ചെയ്യപ്പെട്ട ഇടവകയാണ് സെന്റ് തോമസ് ഓര്‍ത്തഡോക്‌സ് ഇടവക. 2000ലാണ് ഡോവറില്‍ പള്ളിക്കെട്ടിടം വാങ്ങി മാറിയത്. ഇടവകാംഗങ്ങള്‍ കൂടി വന്ന പശ്ചാത്തലത്തില്‍ കെട്ടിടം വിപുലീകരിക്കാന്‍ പദ്ധതി തയ്യാറാക്കി വരവെയാണ് ദൗര്‍ഭാഗ്യകരമായ തീപിടുത്തം 2008 ഡിസംബര്‍ 13ന് ഉണ്ടായത്. അത്ഭുതകരമായ രീതിയില്‍ അന്നേക്ക് അഞ്ചാം ദിവസമാണ് മൗണ്ട് ഒലീവിലെ ഹോളി ബാപ്റ്റിസ്റ്റ് ചര്‍ച്ച് വില്‍പ്പനയ്ക്ക് എത്തിയത്. മുപ്പതാം ദിവസം കോണ്‍ട്രാക്ട് ചെയ്യപ്പെടുന്നു. മൂന്നു മാസം തികഞ്ഞ ദിവസം റിയല്‍ എസ്റ്റേറ്റ് ക്ലോസിങ് ചെയ്യപ്പെടുന്നു. 100ാം ദിവസം കൂദാശ ചെയ്യപ്പെടുന്നു. 101ാം ദിവസം ആദ്യ വി. കുര്‍ബ്ബാന അര്‍പ്പിക്കപ്പെടുന്നു ഇടവക വികാരി ഫാ. ഷിബു ഡാനിയലിന്റേതാണ് ഈ വാക്കുകള്‍. ഫാ. ഷിബു ഡാനിയേലിനൊപ്പം ട്രസ്റ്റി ഫിലിപ്പ് തങ്കച്ചന്‍, സെക്രട്ടറി ജോര്‍ജ് തുമ്പയില്‍, കമ്മിറ്റിയംഗങ്ങളായ തോമസ് കുട്ടി ഡാനിയല്‍ (ജോയിന്റ് ട്രസ്റ്റി), ജോളി കുരുവിള (ജോയിന്റ ് സെക്രട്ടറി), സുനോജ് തമ്പി, ജോസ് വിളയില്‍, മാത്യു സി. മാത്യു, ബെനോ ജോഷ്വാ, റൂബി എബ്രഹാം, ഡോ. മാത്യു ഏലിയാസ് എന്നിവരും പ്രവര്‍ത്തിക്കുന്നു. ബില്‍ഡിംഗ് റീ മോഡലിങ് കമ്മിറ്റിയില്‍ വികാരി, ട്രസ്റ്റി, സെക്രട്ടറി എന്നിവരോടൊപ്പം ഷാജി വറുഗീസ്, ബെനോ ജോഷ്വാ, സന്തോഷ് തോമസ്, ജോസ് വിളയില്‍, തോമസ് കുട്ടി ഡാനിയല്‍ പ്രത്യേക ക്ഷണിതാവായി സഭാ മാനേജിങ് കമ്മിറ്റിയംഗം ജോസഫ് ഏബ്രഹാം എന്നിവരും പ്രവര്‍ത്തിക്കുന്നു.

തീപിടുത്തത്തെ തുടര്‍ന്ന് വിഷമത്തിലായിരുന്ന ഇടവക ജനങ്ങള്‍ക്ക് പുത്തനുണര്‍വ്വ് കിട്ടിയത് ഭദ്രാസന അസംബ്ലി അംഗം കൂടിയായ ഷാജി വറുഗീസ് മൗണ്ട് ഒലീവിലെ പള്ളിക്കെട്ടിടം വില്‍പ്പനക്കുണ്ട് എന്നറിയിച്ചതിലൂടെയാണ്. തുടര്‍ന്നെല്ലാം ധൃതഗതിയിലായിരുന്നു. ഭദ്രാസന അധ്യക്ഷന്‍ മാര്‍ നിക്കോളോവോസ് മെത്രാപ്പോലീത്തയുടെ അനുമതിയോടെ ഇടവക ജനങ്ങള്‍ വികാരി ഫാ. ഷിബു ഡാനിയേലിന്റെ നേതൃത്വത്തില്‍ ഭദ്രാസനത്തിലെ മറ്റ് ഇടവകകളില്‍ സഹായ അഭ്യര്‍ത്ഥനയുമായെത്തി. ഏറ്റവും മികച്ച സഹകരണമാണ് മറ്റു ഇടവകകളില്‍ നിന്നും കൂടാതെ മറ്റ് പല അഭ്യുദയാകാംക്ഷികളില്‍ നിന്നും ലഭിച്ചതെന്ന് ഫാ. ഷിബു ഡാനിയല്‍ ചൂണ്ടിക്കാട്ടി. ഇടവക ജനങ്ങളും ആത്മാര്‍ത്ഥമായി സഹകരിച്ചു. സംഭാവനയായും വായ്പയുമായും എല്ലാവരും ഒത്തുചേര്‍ന്നു.

ഇപ്പോള്‍ മലങ്കര ഓര്‍ത്തഡോക്‌സ് സഭ അനുശാസിക്കുന്ന വിധത്തില്‍ മദ്ബഹാ ക്രമീകരിക്കുവാനും മറ്റ് അത്യാവശ്യ അറ്റകുറ്റപ്പണികളും നടത്തുവാനുള്ള തയ്യാറെടുപ്പിലാണ് ഇടവക ഭാരവാഹികള്‍. സഭാ മാനേജിങ് കമ്മിറ്റി അംഗം കൂടിയായ എന്‍ജിനീയര്‍ ജോസഫ് എബ്രഹാമിന്റെ മേല്‍നോട്ടത്തില്‍ കൃത്യമായ പ്ലാനിങ്ങോടു കൂടിയാണ് കാര്യങ്ങള്‍ മുന്നോട്ട് പോകുന്നതെന്ന് വികാരി ഷിബു ഡാനിയല്‍ അറിയിച്ചു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സോമർസെറ്റ്‌ സെൻറ്‌ തോമസ് ഫൊറോനാ ദേവാലയത്തിൽ വിശുദ്ധ തോമാശ്ലീഹായുടെയും വിശുദ്ധ അൽഫോൻസാമ്മയുടെയും സംയുക്ത തിരുനാൾ ജൂലൈ 2- മുതൽ 11 -വരെ

മാര്‍ പുളിക്കല്‍ കാഞ്ഞിരപ്പള്ളി രൂപതാ മെത്രാന്‍; ഫാ. പീറ്റര്‍ കൊച്ചുപുരയ്ക്കല്‍ പാലക്കാട് സഹായമെത്രാന്‍

ഡാളസ് സൗഹൃദവേദി ക്രിസ്തുമസ് ആഘോഷം ഡിസംബര്‍ 28 -ന് ശനിയാഴ്ച

പി.സി.എന്‍.എ.കെ 2020 പ്രമോഷണല്‍ മീറ്റിംഗും ആരാധനാ സന്ധ്യയും

കെ എച് എന്‍ എകണ്‍വെന്‍ഷന് ന്യൂ ജേഴ്‌സിയില്‍ ഉജ്വല തുടക്കം

കുമ്പനാട് സംഗമം മയാമിയില്‍ ജൂലൈ 6ന്

സഭയില്‍ സമാധാന അന്തരീക്ഷം സംജാതമാകണം

ന്യൂജേഴ്‌സി സെന്റ് ജോര്‍ജ് ഓര്‍ത്തഡോക്‌സ് പള്ളി പെരുന്നാള്‍ ശനി, ഞായര്‍ തീയതികളില്‍

ഫിലാഡല്‍ഫിയയില്‍ ഉയിര്‍പ്പുതിരുനാള്‍ ഭക്തിപൂര്‍വം ആഘോഷിച്ചു

എംജിഒസിഎസ്എം ഒസിവൈഎം അലുമ്‌നൈ മീറ്റിങ് ന്യൂജഴ്‌സിയില്‍

കാതോലിക്കാ ദിനാഘോഷവും അഭി. ഐറേനിയോസ് മെത്രാപ്പോലീത്തയ്ക്ക് സ്വീകരണവും

മാര്‍ത്തോമ്മാ സഭ സൗത്ത് വെസ്റ്റ് റീജിയണല്‍ കോണ്‍ഫറന്‍സ് വെള്ളിയാഴ്ച മുതല്‍.

മാര്‍ത്തോമാ യുവജനസഖ്യം ഭദ്രാസന കോണ്‍ഫറന്‍സ് റാഫിള്‍ കിക്കോഫ് നടത്തി

കന്യാസ്ത്രിക്ക് പൂര്‍ണ പോലീസ്‌ സുരക്ഷ നല്‍കാന്‍ കോടതി ഉത്തരവ്

ഫ്രാന്‍സിസ് മാര്‍പാപ്പായുടെ യുഎഇ സന്ദര്‍ശനം ഞായറാഴ്ച അരംഭിക്കും

ഫാമിലി കോണ്‍ഫറന്‍സ്; ഇടവക സന്ദര്‍ശനങ്ങള്‍ തുടരുന്നു

മകരവിളക്കിന്‌ മണിക്കൂറുകള്‍: സന്നിധാനം ഭക്തിസാന്ദ്രം

മകരവിളക്കിനായി ശബരിമല ഇന്ന് നടതുറക്കും

ക്‌നാനായ റീജിയണ്‍ പ്രീ മാര്യേജ് കോഴ്‌സ് ന്യുജേഴ്‌സിയില്‍ നടത്തപ്പെട്ടു

ഫില്‍ഡല്‍ഫിയായില്‍ എക്യൂമെനിക്കല്‍ ക്രിസ്തുമസ് പുതുവത്സരാഘോഷം ഡിസംബര്‍ 8ന്

ഫാ. അഗസ്റ്റിന്‍ വട്ടോളിയും കെ.സി.ആര്‍.എം.എന്‍.എ ടെലികോണ്‍ഫറന്‍സും (ചാക്കോ കളരിക്കല്‍)

സാന്‍ഫ്രാന്‍സിസ്‌കോയില്‍ സീറോ മലബാര്‍ കണ്‍വന്‍ഷന്‍ കിക്കോഫ്

കേരള സമൂഹത്തില്‍ വിടവ് സൃഷ്ടിക്കാന്‍ രാഷ്ട്രീയ അജണ്ട- മാര്‍ പൗലോസ്

താമ്പാ സേക്രട്ട് ഹാര്‍ട്ട് ഇടവകയിലെ സെമിനാരി ഫണ്ട് ഉദ്ഘാടനം നടത്തപ്പെട്ടു.

ബിഷപ്പ്‌ ഫ്രാങ്കോയ്‌ക്ക്‌ ജലന്ധറില്‍ രാജകീയ സ്വീകരണം

താമ്പ സേക്രഡ് ഹാര്‍ട്ട് ദേവാലയത്തില്‍ ഏലക്ക മാല ലേലം നടത്തപ്പെട്ടു

ന്യൂയോര്‍ക്ക് ക്‌നാനായ ഫൊറോനാ ബൈബിള്‍ കലോത്സവം നവംബര്‍ മൂന്നിന് ന്യൂജേഴ്‌സിയില്‍

കൂദാശകളൊന്നും വിലപറയാന്‍ ഉപയോഗിക്കപ്പെടേണ്ടതമല്ല

കന്യാസ്‌ത്രീ പീഡനം: ബിഷപ്പ്‌ ഫ്രാങ്കോ മുളയ്‌ക്കല്‍ അറസ്റ്റില്‍

നിരണം സെന്റ് തോമസ് ബിലീവേഴ്‌സ് ഈസ്റ്റേണ്‍ ചര്‍ച്ച് ദേവാലയ കൂദാശ ശനിയാഴ്ച

View More