Image

ഫ്‌ലോറിഡയില്‍ തോക്ക് താഴെയിടാന്‍ വിസമ്മതിച്ച യുവതിയെ ഡെപ്യൂട്ടി വെടിവെച്ചുകൊന്നു.

പി പി ചെറിയാന്‍ Published on 17 November, 2026
ഫ്‌ലോറിഡയില്‍ തോക്ക് താഴെയിടാന്‍ വിസമ്മതിച്ച  യുവതിയെ ഡെപ്യൂട്ടി വെടിവെച്ചുകൊന്നു.

ഫ്‌ലോറിഡ: ഫ്‌ലോറിഡയിലെ ഒരു ബാറിന് പുറത്ത് തോക്കുചൂണ്ടി നിന്ന യുവതിയെ ഡെപ്യൂട്ടി വെടിവെച്ചുകൊന്നു. ശനിയാഴ്ച രാത്രി 10:30-ഓടെ ഒള്‍ഡ് ടൗണിലെ 'സണ്‍ ഓണ്‍ ദി ബീച്ച്' ബാറിലുണ്ടായ സംഘര്‍ഷത്തിനിടയിലാണ് സംഭവം.

ഒസ്‌കിയോള കൗണ്ടിയിലെ ബാറിലാണ് സംഭവം നടന്നത്. ഒരാളുമായി വഴക്കുണ്ടാക്കിയ യുവതി തോക്കുമായി പുറത്തേക്ക് പോവുകയും ഇയാളുടെ നേരെ തോക്ക് ചൂണ്ടുകയും ചെയ്തു.

തോക്ക് താഴെയിടാന്‍ പോലീസ് പലതവണ ആവശ്യപ്പെട്ടെങ്കിലും യുവതി അനുസരിച്ചില്ല. മറ്റുള്ളവരുടെ ജീവന് അപകടമുണ്ടെന്ന് കണ്ട് ഒരു ഡെപ്യൂട്ടി യുവതിക്ക് നേരെ വെടിയുതിര്‍ക്കുകയായിരുന്നു.

ഗുരുതരമായി പരിക്കേറ്റ യുവതിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഏഴ് വര്‍ഷമായി സര്‍വീസിലുള്ള ഡെപ്യൂട്ടിയെ പെയ്ഡ് അഡ്മിനിസ്‌ട്രേറ്റീവ് ലീവിലേക്ക് മാറ്റി. ഫ്‌ലോറിഡ ഡിപ്പാര്‍ട്ട്‌മെന്റ് ഓഫ് ലോ എന്‍ഫോഴ്‌സ്‌മെന്റ് (FDLE) സംഭവത്തില്‍ അന്വേഷണം ആരംഭിച്ചിട്ടുണ്ട്.
 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക