ശ്വാസകോശത്തിൽ നിന്നു മുഴ നീക്കം ചെയ്യാനുള്ള ശസ്ത്രക്രിയക്കു വിധേയനായ ലിയോ പതിന്നാലാമൻ മാർപാപ്പ വേഗം സുഖം പ്രാപിക്കട്ടെയെന്നു പ്രധാനമന്ത്രി നരേന്ദ്ര മോദി ആശംസിച്ചു. "ലിയോ പതിന്നാലാമൻ മാർപാപ്പയുടെ ശസ്ത്രക്രിയ വിജയകരമായിരുന്നു എന്നറിയുന്നതിൽ സന്തോഷമുണ്ട്," മോദി എക്‌സിൽ കുറിച്ചു. "അദ്ദേഹം വേഗത്തിൽ പൂർണമായി സുഖം പ്രാപിക്കട്ടെയെന്നു ആശംസിക്കുന്നു. തുടർന്നും നല്ല ആരോഗ്യം ഉണ്ടാവട്ടെ."

ചൊവാഴ്ച്ച റോമിലെ ജെമെല്ലി ഹോസ്പിറ്റലിൽ ശസ്ത്രക്രിയക്കു വിധേയനായ മാർപാപ്പയ്ക്ക് കാൻസർ ബാധിച്ചിട്ടുണ്ടെന്നു ഡോക്ടർമാർ അറിയിച്ചു. അഡിനോകാർസിനോമ എന്നാണ് നിർണയം.

ഒന്നര മണിക്കൂർ നീണ്ട സർജറിക്കു മുൻപായിരുന്നു ടെസ്റ്റുകൾ നടത്തിയത്. കൂടുതൽ ടെസ്റ്റുകൾ പിന്നീട് നടത്തും. ശസ്ത്രക്രിയ വിജയകരമായിരുന്നു എന്നും പ്രശ്നങ്ങൾ ഒന്നുമില്ലെന്നും ഡോക്ടർമാർ പറഞ്ഞു.

Modi wishes speedy recovery to Pope Leo XIV