'തുടരും' എന്ന സൂപ്പര്‍ ഹിറ്റ് ചിത്രത്തിനു ശേഷം മെഗാസ്റ്റാര്‍ മോഹന്‍ലാലിനെ നായകനാക്കി തരുണ്‍ മൂര്‍ത്തി സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം തൊടുപുഴയില്‍ ആരംഭിച്ചു. കലൂര്‍ ഒപ്പ് മെമ്മോറിയല്‍ സ്‌ക്കൂളില്‍ വെച്ച് നടന്ന ചടങ്ങില്‍ ആഷിഖ് ഉസ്മാന്റെ പിതാവ് ഉസ്മാന്‍ മുഹമ്മദ് ഇബ്രാഹിം സ്വിച്ചോണ്‍ കര്‍മ്മം നിര്‍വഹിച്ചപ്പോള്‍, തരുണ്‍ മൂര്‍ത്തിയുടെ പിതാവ് മധു മൂര്‍ത്തി ഫസ്റ്റ് ക്ലാപ്പടിച്ചു.ചടങ്ങില്‍ ചലച്ചിത്ര രംഗത്തെ പ്രമുഖര്‍ പങ്കെടുത്തു.

ഒരു ഇടവേളക്കു ശേഷം മോഹന്‍ലാല്‍ പൊലീസ് കഥാപാത്രത്ത അവതരിപ്പിക്കുന്ന ഈ ചിത്രത്തില്‍ മീരാ ജാസ്മിന്‍ നായികയാവുന്നു.

ആഷിക്ക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക്ക് ഉസ്മാന്‍ നിര്‍മ്മിക്കുന്ന ഈ ചിത്രത്തില്‍
മനോജ്.കെ. ജയന്‍, ജഗദീഷ്, ഇര്‍ഷാദ്, വിഷ്ണു.ജി. വാര്യര്‍, പ്രമോദ് വെളിയനാട്, കിരണ്‍ പീതാംബരന്‍, വിജി വിശ്വനാഥ്, ഭാമ അരുണ്‍, പ്രാര്‍ത്ഥന, സജീവന്‍ തുടങ്ങിയ പ്രമുഖരും അഭിനയിക്കുന്നു.

ആഷിക്ക് ഉസ്മാന്‍ പ്രൊഡക്ഷന്‍സിന്റെ ഇരുപത്തി ഒന്നാമത്തെ ചിത്രം കൂടിയാണിത്.

ഇഷ്‌ക്ക് , ആലപ്പുഴ ജിംഖാന, മഹാറാണി എന്നീ ചിത്രങ്ങളിലൂടെ ശ്രദ്ധേയനായ രതീഷ് രവി തിരക്കഥ സംഭാഷണമെഴുതുന്നു.

ഷാജി കുമാര്‍ ഛായാഗ്രഹണം നിര്‍വ്വഹിക്കുന്നു.

വിനായക് ശശികുമാര്‍ എഴുതിയ വരികള്‍ക്ക് ജെയ്ക്ക് ബിജോയ്‌സ് സംഗീതം പകരുന്നു.

കോ-ഡയറക്ഷന്‍ -ബിനു പപ്പു,എഡിറ്റിങ്- വിവേക്ഹര്‍ഷന്‍,
പ്രൊഡക്ഷന്‍ കണ്‍ട്രോളര്‍-സുധര്‍മ്മന്‍ വള്ളിക്കുന്ന്,
പ്രൊഡക്ഷന്‍ ഡിസൈനര്‍-ഗോകുല്‍ ദാസ്, 

വസ്ത്രാലങ്കാരം-മഷര്‍ ഹംസ,

മേക്കപ്പ്- റോണക്‌സ് സേവ്യര്‍.
സ്റ്റില്‍സ്-അമല്‍ സി സദര്‍,

ശബ്ദസംവിധാനം -വിഷ്ണു ഗോവിന്ദ്,
ചീഫ് അസ്സോസ്സിയേറ്റ് ഡയറക്ടര്‍-മിറാഷ് ഖാന്‍,

 അസ്സോസ്സിയേറ്റ് ഡയറക്ടര്‍-അനസ് വി,

പ്രൊഡക്ഷന്‍ മാനേജര്‍-ജോമോന്‍ ജോയ് ചാലക്കുടി,
പ്രൊഡക്ഷന്‍ എക്‌സിക്കുട്ടീവ്-എസ്സാ കെ എസ്തപ്പാന്‍,
ലോക്കേഷന്‍സ്-തൊടുപുഴ,ശബരിമല, ഹൈദ്രാബാദ്, 

വിതരണം-സെന്‍ട്രല്‍ പിക്ചേഴ്സ്.

ഒരു റിയലിസ്റ്റിക്ക് ഇമോഷണല്‍ ത്രില്ലര്‍ ഡ്രാമ ജോണറില്‍ ഒരുക്കുന്ന ഈ ചിത്രത്തില്‍ ഒരു സബ്ബ് ഇന്‍സ്പക്ടറുടെ 
ജീവിതത്തിലെ സംഭവബഹുലമായ സംഘര്‍ഷഭരിതമായ മുഹൂര്‍ത്തങ്ങള്‍ ദൃശ്യവല്‍ക്കരിക്കുന്നു.

പി ആര്‍ ഒ-എ എസ് ദിനേശ്.