കുട്ടികളില്‍ മാധ്യമ പ്രവര്‍ത്തനം പ്രോത്സാഹിപ്പിക്കുന്നതിന്റെ ഭാഗമായി കുട്ടികള്‍ അവതാരകരായി കൊല്ലം പ്രവാസി അസ്സോസിയേഷന്റെ ചില്‍ഡ്രന്‍സ് വിംഗായ ചില്‍ഡ്രന്‍സ് പാര്‍ലമെന്റ് ന്യുസ് റൂമിന്റെ പ്രവര്‍ത്തനം തുടങ്ങി. ബസ്സി ബീ ന്യുസ് എന്ന പേരില്‍ ജനുവരി 26നു സംപ്രേഷണം ആരംഭിക്കുന്ന ന്യുസ് റൂമിന്റെ ലോഗോ പ്രകാശനം കഴിഞ്ഞ ദിവസം ക്രിസ്റ്റല്‍ പാലസ് ഹോട്ടലില്‍ നടന്ന ചടങ്ങില്‍ പ്രവാസി ഭാരതീയ സമ്മാന്‍ ജേതാവ് കെ.ജി. ബാബുരാജ് നിര്‍വഹിച്ചു.

 കെപിഎ പ്രസിഡന്റ് അനോജ് മാസ്റ്റര്‍, ജനറല്‍സെക്രട്ടറി പ്രശാന്ത് പ്രബുദ്ധന്‍, കെ.പി.എ ട്രെഷറര്‍ മനോജ് ജമാല്‍ ചില്‍ഡ്രന്‍സ് വിംഗ് കണ്‍വീനര്‍ നിസാ4 കൊല്ലം, കോ-ഓര്‍ഡിനേറ്റര്‍മാരായ അനൂപ് തങ്കച്ചന്‍, ജോസ് മങ്ങാട്, ഇന്ത്യന്‍ സ്‌കൂള്‍ ബഹ്റൈന്‍  പ്രിന്‍സിപ്പല്‍  പളനിസ്വാമി, ന്യൂ ഇന്ത്യന്‍ സ്‌കൂള്‍  പ്രിന്‍സിപ്പാള്‍ ഡോ: ഗോപിനാഥ് മേനോന്‍, ചില്‍ഡ്രന്‍സ് പാര്‍ലമെന്റ് അംഗങ്ങളായ ജെസ്സിക പ്രിന്‍സ്, നിവേദ്യ വിനോദ്, കെ.പി.എ വൈ.പ്രസിഡന്റ് കോയിവിള  മുഹമ്മദ്, സെക്രട്ടറി അനില്‍ കുമാര്‍, സെക്രട്ടറി റെജീഷ് പട്ടാഴി, അസി. ട്രെഷറര്‍ കൃഷ്ണകുമാര്‍  എന്നിവര്‍ സന്നിഹിതരായിരുന്നു.