10, 12 ക്ളാസ്സുകളില്‍ വിജയം നേടുന്ന കൊല്ലം പ്രവാസി അസ്സോസിയേഷന്‍ ബഹ്റൈന്‍ അംഗങ്ങളുടെ കുട്ടികള്‍ക്കായി എല്ലാ വര്‍ഷവും നല്‍കിവരുന്ന കെ.പി.എ എഡ്യൂക്കേഷന്‍ എക്‌സലന്‍സ് അവാര്‍ഡുകള്‍ സമ്മാനിച്ചു.  ബഹ്റൈനിലും, കേരളത്തിലും പഠിച്ച 32 കുട്ടികളാണ്  2025 ലെ  കെ.പി.എ എഡ്യൂക്കേഷന്‍ എക്‌സലന്‍സ് അവാര്‍ഡിന് അര്‍ഹരായത്.  ബഹ്റൈനില്‍ പഠിച്ച കുട്ടികള്‍ നേരിട്ടും, നാട്ടില്‍ പഠിച്ച കുട്ടികളുടെ  രക്ഷിതാക്കളും ബഹ്റൈന്‍ ക്രിസ്റ്റല്‍ പാലസ് ഹോട്ടലില്‍ വച്ച് സംഘടിപ്പിച്ച അവാര്‍ഡ് ദാന ചടങ്ങില്‍ വച്ച് വിശിഷ്ടാഥികളില്‍ നിന്നും അവാര്‍ഡുകള്‍ ഏറ്റു വാങ്ങി. 

കെ.പി.എ പ്രസിഡന്റ് അനോജ് മാസ്റ്റര്‍  അദ്ധ്യക്ഷനായ ചടങ്ങ്  പ്രവാസി ഭാരതീയ  സമ്മാന്‍  ജേതാവ്  കെ ജി ബാബുരാജന്‍   ഉദ്ഘാടനം ചെയ്തു.  ഇന്ത്യന്‍ സ്‌കൂള്‍ ബഹ്റൈന്‍  പ്രിന്‍സിപ്പല്‍  പളനിസ്വാമി, ന്യൂ ഇന്ത്യന്‍ സ്‌കൂള്‍  പ്രിന്‍സിപ്പാള്‍ ഗോപിനാഥന്‍ മേനോന്‍  എന്നിവര്‍ വിശിഷ്ടാതിഥികളായും പങ്കെടുത്തു.  കെ.പി.എ ജനറല്‍ സെക്രട്ടറി പ്രശാന്ത് പ്രബുദ്ധന്‍  സ്വാഗതവും, കെ.പി.എ ട്രെഷറര്‍ മനോജ് ജമാല്‍ നന്ദിയും അറിയിച്ചു. അവാര്‍ഡ് കമ്മിറ്റി  കണ്‍വീനറായ  അനില്‍ കുമാര്‍  ആമുഖ പ്രസംഗം നടത്തി. കെ.പി.എ വൈ.പ്രസിഡന്റ് കോയിവിള  മുഹമ്മദ്, സെക്രട്ടറി റെജീഷ് പട്ടാഴി, അസി. ട്രെഷറര്‍ കൃഷ്ണകുമാര്‍ എന്നിവര്‍ സന്നിഹിതരായിരുന്നു. ചില്‍ഡ്രന്‍സ് പാര്‍ലമെന്റ് അംഗങ്ങളായ കുമാരി നിവേദ്യ വിനോദ്, കുമാരി ജെസീക്ക  പ്രിന്‍സ് എന്നിവര്‍ ചടങ്ങുകള്‍ നിയന്ത്രിച്ചു. 

അവാര്‍ഡ് കമ്മിറ്റി അംഗങ്ങളായ കെ പി എ ചില്‍ഡ്രന്‍സ് വിംഗ് കണ്‍വീനര്‍  നിസാര്‍ കൊല്ലം , കെ പി എ  സൃഷ്ടി  ജനറല്‍ കണ്‍വീനര്‍ ജഗത് കൃഷ്ണകുമാര്‍, സൃഷ്ടി  സാഹിത്യ വിഭാഗം  കണ്‍വീനര്‍ വിനു ക്രിസ്റ്റി, ചില്‍ഡ്രന്‍സ് കോഡിനേറ്റര്‍മാരായ  ജോസ് മങ്ങാട്', അനൂപ് തങ്കച്ചന്‍, വോളണ്ടിയര്‍ കോഡിനേറ്റര്‍ മാരായ മജു വര്ഗീസ്,  ബിജു ആര്‍ പിള്ള , പ്രവാസശ്രീ കോഡിനേറ്റര്‍ രഞ്ജിത് ആര്‍ പിള്ള, ചില്‍ഡ്രന്‍സ് പാര്‍ലമെന്റ് മെംബേര്‍സ്, പ്രവാസി ശ്രീ ഭാരവാഹികള്‍, യൂണിറ്റ് ഹെഡുകള്‍  എന്നിവര്‍ പരിപാടിക്ക് നേതൃത്വം നല്‍കി.