ഇടുക്കി ചാരിറ്റി ഗ്രൂപ്പ് യു കെ നടത്തിയ ക്രിസ്തുമസ് ചാരിറ്റിയിലൂടെ, ലഭിച്ച 1696 പൗണ്ട് (2,03,749 രൂപ) കഞ്ഞിക്കുഴിയിലെ ജോസെഫ് ജോർജിന്റെ വീട്ടിലെത്തി ഇടുക്കി ബ്ലോക്ക് പഞ്ചായത്തു മെമ്പർ എ പി ഉസ്മാൻ  ജോസഫിനു കൈമാറി. സാമൂഹിക പ്രവർത്തകരായ പാറത്തോട് ആൻ്റണി, ബാബു ജോസഫ്  എന്നിവർ സന്നിഹിതരായിരുന്നു .

 ഈ എളിയ പ്രവർത്തനത്തിനു  പിന്തുണ നൽകുന്ന യു കെ മലയാളികൾക്ക്  നന്ദി അറിയിച്ച ഗ്രൂപ്പ് നേതൃത്വം  പങ്കാളികളാകുന്ന എല്ലാവര്ക്കും നന്മ ആശംസിക്കുകയും ചെയ്തു.

ബസ്  കണ്ടക്ടറായി ജോലി നോക്കിയിരുന്ന സമയത്താണ് ജോർജിനു  കിഡ്‌നി രോഗം ബാധിച്ചു ചികിത്സയിൽ ആകുന്നത് . ഉണ്ടായിരുന്നതെല്ലാം വിറ്റു ചികിൽസിച്ചു. ഭാര്യ ജോലി ഉപേക്ഷിച്ചു ഭർത്താവിനെ ശുശ്രുഷിക്കുന്നു. ജോർജിന്റെ  ചികിത്സ മുൻപോട്ടുകൊണ്ടുപോകുന്നതിനു വേണ്ടിയാണു ചാരിറ്റി നടത്തിയത് . ജോസെഫിന്റെ കുടുംബത്തിന്റെ വേദന  തങ്ങളോട് പങ്ക് വച്ച   പൊതുപ്രവർത്തകനും മുൻ ഇടുക്കി ബ്ലോക്ക് പഞ്ചായത്ത്  പ്രസിഡണ്ടു൦ ബ്ലോക്ക് പഞ്ചായത്തു മെമ്പറും ആയ  എ പി ഉസ്മാനോടുള്ള നന്ദിയും നേതൃത്വം അറിയിച്ചു .
.
ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ടപ്പാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്‌മയാണ്‌.   ഈ കൂട്ടായ്‌മ സുതാരൃവും സതൃസന്ധവുമായി ജാതി, മത, വർഗ, വർണ്ണ, സ്ഥല, കാല ഭേതമെന്യേ കേരളത്തിലും, യു കെ യിലും  നടത്തിയ ചാരിറ്റി പ്രവർത്തനത്തിലൂടെ  ഇതുവരെ ഏകദേശം  1,47,00000 (ഒരുകോടി  നാൽപ്പത്തിഏഴു ലക്ഷം) രൂപയുടെ സഹായം  അർഹിക്കുന്നവർക്കു  നൽകുവാൻ  കഴിഞ്ഞിട്ടുണ്ട് .

2004ലെ  സുനാമിക്ക്  പണം പിരിച്ചു അന്നത്തെ മുഖ്യമന്തി ഉമ്മൻ ചാണ്ടിക്കു നൽകിക്കൊണ്ടാണ്   പ്രവർത്തനം ആരംഭിച്ചത്. ഈ എളിയ പ്രവർത്തനത്തിനു തനിനാടൻ യുട്യൂബ്  ചാനൽ ,കേരള കമ്മ്യൂണിറ്റി വിറാൾ, UKKCA (യുണൈറ്റഡ് കിങ്‌ഡം ക്‌നാനായ കത്തോലിക്ക അസോസിയേഷൻ), മലയാളം യു കെ , പത്ര൦ , ലിവർപൂൾ ക്നാനായ കമ്മ്യൂണിറ്റി, പടമുഖം സ്നേഹമന്ദിര൦,  ലിവർപൂൾ മലയാളി അസോസിയേഷൻ (ലിമ) മുതലായവർ അവാർഡ്‌കൾ നൽകി ആദരിച്ചിട്ടുണ്ട് .  

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ്, ടോം ജോസ് തടിയംപാട്, സജി തോമസ്‌ ...എന്നിവരാണ് .   തമ്പി ജോസാണ്‌  രക്ഷാധികാരി .
ദാരിദ്രൃം എന്തെന്നറിഞ്ഞവർക്കെ പാരിൽ  പരക്ലേശവിവേകമുള്ളു."","""യാതോ ധർമ്മ സ്നാതോജയ .""