കൊല്ലം പ്രവാസി അസോസിയേഷന്‍ റിഫാ  ഏരിയ കമ്മിറ്റിയുടെ ആഭിമുഖ്യത്തില്‍ ബഹ്റൈന്‍ ദേശീയ ദിനത്തോട് അനുബന്ധിച്ചു റിഫാ  ഐഎംസി മെഡിക്കല്‍ സെന്ററില്‍ വെച്ച് സംഘടിപ്പിച്ച  സൗജന്യ മെഡിക്കല്‍ ക്യാമ്പ്  ശ്രദ്ധേയമായി. 100-ഓളം പ്രവാസികള്‍ പ്രയോജനപ്പെടുത്തിയ സൗജന്യ മെഡിക്കല്‍ ക്യാമ്പ് കെ പി എ പ്രസിഡന്റ് അനോജ് മാസ്റ്റര്‍ ഉദ്ഘാടനം ചെയ്തു.  കെ പി എ  രക്ഷാധികാരിയും  മുന്‍  ലോക കേരള സഭ അംഗവും സാമൂഹ്യ പ്രവര്‍ത്തകനുമായ  ബിജു മലയില്‍  മുഖ്യാതിഥിയായി പങ്കെടുത്തു. 

കെ. പി. എ  റിഫാ  ഏരിയ പ്രസിഡന്റ്  സുരേഷ് ഉണ്ണിത്താന്‍ അധ്യക്ഷനായ ചടങ്ങില്‍ റിഫാ ഏരിയ സെക്രട്ടറി സാജന്‍ നായര്‍  സ്വാഗതവും ഏരിയ ജോയിന്റ് സെക്രട്ടറി സുബിന്‍ നന്ദിയും പറഞ്ഞു. ഐ എം സി മെഡിക്കല്‍  സെന്റര്‍ പ്രതിനിധി നിഷയ്ക്ക് കെ.പി.എ പ്രസിഡന്റ്  മൊമെന്റോ നല്‍കി. കെ പി എ ജനറല്‍ സെക്രട്ടറി പ്രശാന്ത് പ്രബുദ്ധന്‍, കെ പി എ വൈസ് പ്രസിഡന്റ്  കോയിവിള മുഹമ്മദ് കുഞ്ഞ്, കെ പി എ ട്രഷറര്‍  മനോജ് ജമാല്‍  കെ പി എ സെക്രട്ടറിമാരായ  അനില്‍കുമാര്‍, രജീഷ് പട്ടാഴി,  റിഫാ ഏരിയ കോഡിനേറ്റര്‍  മജു വര്‍ഗീസ്,  കെ പി എ സ്ഥാപക  ജനറല്‍  സെക്രട്ടറി ജഗത് കൃഷ്ണകുമാര്‍ എന്നിവര്‍ ആശംസകള്‍ അറിയിച്ചു. ഏരിയ വൈസ് പ്രസിഡന്റ്  ജമാല്‍ കോയിവിള,ഏരിയ ട്രഷറര്‍  അനന്തു ശങ്കര്‍, എന്നിവര്‍  ക്യാമ്പിന് നേതൃത്വം നല്‍കി.  ചടങ്ങില്‍ കെ.പി.എ സെന്‍ട്രല്‍ കമ്മിറ്റി, ഡിസ്ട്രിക് കമ്മിറ്റി,  പ്രവാസി ശ്രീ കമ്മിറ്റി, ഏരിയ മെംബേര്‍സ് എന്നിവര്‍ സംബന്ധിച്ചു.