ദുബൈ: യു എ  ഇ യുടെ 54-ാം ദേശീയ ദിനത്തോടനുബന്ധിച്ച് ഒരു ശ്രദ്ധേയ നേട്ടവുമായി ദുബൈയിൽ താമസിക്കുന്ന മലയാളി ടെക് വിദഗ്ധൻ- “Website Man,” എന്നറിയപ്പെടുന്ന  മൊഹമ്മദ് സബിർ  രംഗത്തെത്തി. 

8 മണിക്കൂർ 30 മിനിറ്റിനുള്ളിൽ 54 വിദ്യാഭ്യാസ വെബ്സൈറ്റുകൾ പൂർണമായി സൃഷ്ടിക്കുന്ന അതുല്യ നേട്ടമാണ് അദ്ദേഹം കൈവരിച്ചത്.

UAEയുടെ 54 വർഷത്തെ വളർച്ചയെ പ്രതിനിധീകരിക്കുന്നതിനായി ഓരോ വർഷത്തിനും ഒരു വെബ്സൈറ്റ് എന്ന ആശയത്തിലാണ് ഈ സാങ്കേതിക പ്രോജക്റ്റ്. വെബ്സൈറ്റുകൾ യുഎഇയുടെ ചരിത്രം, സംസ്കാരം, പൈതൃകം, വിദ്യാഭ്യാസ ഉള്ളടക്കം എന്നിവയെ ആസ്പദമാക്കിയുള്ളതാണ്.

“UAE പുതുമക്കും ഡിജിറ്റൽ മുന്നേറ്റത്തിനും ലോകത്ത് മാതൃകയാണ്. ദേശീയ ദിനത്തിന് ഒരു അർത്ഥപൂർണ്ണ പ്രോജക്റ്റ് ചെയ്യണമെന്ന് ആഗ്രഹിച്ചു. 54 വെബ്സൈറ്റുകൾ 54 വർഷങ്ങൾക്കുള്ള ആദരവാണ്.”സബിർ പറഞ്ഞു.

8.5 മണിക്കൂറിനുള്ളിൽ 54 വെബ്സൈറ്റുകൾ പൂർത്തിയാക്കിയ പ്രക്രിയ മുഴുവൻ തത്സമയ വീഡിയോ, സ്‌ക്രീൻ റെക്കോർഡിംഗ്, ടൈമർ തെളിവുകൾ എന്നിവയോടുകൂടി രേഖപ്പെടുത്തിയിട്ടുണ്ട്.

ഈ നേട്ടം വിവിധ അന്താരാഷ്ട്ര റെക്കോർഡ് ബുക്കുകളിൽ സമർപ്പിച്ചതായും അദ്ദേഹം അറിയിച്ചു. വിദ്യാഭ്യാസ രംഗത്തെ ഡിജിറ്റൽ വളർച്ചക്കും അറിവിലേക്കുള്ള ആക്സസിനും സഹായകരമായ ഒരു വലിയ വിഭവമാണ് ഈ പ്രോജക്റ്റ്. UAEയിൽ പുതുമയുള്ള ആശയങ്ങൾക്കും യുവാക്കളുടെ കഴിവുകളിനും നൽകുന്ന പ്രോത്സാഹനത്തിന് ഒരു ഉദാഹരണമാണ് സബീറിന്റെ ഈ നേട്ടം.