ഹൂസ്റ്റൺ: ഗ്രേറ്റർ ഹൂസ്റ്റൺ മലയാളി അസോസിയേഷന്റെ (MAGH) 2026-ലേക്കുള്ള ഭരണസമിതി തിരഞ്ഞെടുപ്പിൽ, 'ടീം യുണൈറ്റഡ്' പാനലിൽ നിന്ന് പ്രമുഖ യുവജന നേതാവ് ജീവൻ സൈമൺ മത്സരിക്കുന്നു.

2007 മുതൽ ബെൻ ടോബ് (Ben Taub) ഹോസ്പിറ്റലിൽ നഴ്സായി സേവനമനുഷ്ഠിക്കുന്ന ജീവൻ, 2024-ലെ നഴ്സിംഗ് എക്സലൻസ് - ഗുഡ് സമരിറ്റൻ അവാർഡ് ജേതാവാണ്. സംഘടനാ രംഗത്ത് നീണ്ടകാലത്തെ അനുഭവസമ്പത്തുള്ള അദ്ദേഹം, 2003-ൽ മാന്നാനം കെ.സി.എം (KCM) ആർട്സ് ക്ലബ്ബ് സെക്രട്ടറിയായും, 2009-2011 കാലഘട്ടത്തിൽ കെ.സി.സി.എൻ.എ (KCCNA) യൂത്ത് റെപ്രസെന്റേറ്റീവായും പ്രവർത്തിച്ചിട്ടുണ്ട്.

ഹൂസ്റ്റൺ ക്നാനായ യുവജനവേദി (2010), മല്ലു ബൈക്കേഴ്സ് (2015) എന്നിവയുടെ സ്ഥാപക നേതാവായ ജീവൻ, 2019-ൽ മാഗ് ബോർഡ് ഓഫ് ഡയറക്ടറായും പ്രവർത്തിച്ചു. ദീർഘവീക്ഷണമുള്ള (Visionary), തീരുമാനങ്ങൾ എടുക്കാൻ കഴിവുള്ള (Decisive), സഹകരണ മനോഭാവമുള്ള (Collaborative) ജീവൻ സൈമണിന്റെ സ്ഥാനാർത്ഥിത്വം ടീമിന് കരുത്തുപകരുന്നു.

2025 ഡിസംബർ 13-ന് ശനിയാഴ്ച സ്റ്റാഫോർഡ് സെന്റ് തോമസ് ഓർത്തഡോക്സ് ചർച്ച് ഹാളിൽ (2411 5th St, Stafford, TX 77477) വെച്ചാണ് തിരഞ്ഞെടുപ്പ് നടക്കുന്നത്.