കൊല്ലം പ്രവാസി അസ്സോസിയേഷന്‍ ബഹ്റൈനിലെ വിവിധ ഏരിയകളിലായി സംഘടിപ്പിച്ച  കെപിഎ പൊന്നോണം 2025  ഓണാഘോഷങ്ങളുടെ  സമാപനത്തോടനുബന്ധിച്ച് കെ പി എ  സെന്‍ട്രല്‍ - ജില്ലാ കമ്മിറ്റി അംഗങ്ങളെ ഉള്‍പ്പെടുത്തി  അബു സാമി സ്വിമ്മിങ് പൂളില്‍ വെച്ച്  കുടുംബ സംഗമം സംഘടിപ്പിച്ചു.

കെ.പി.എ  പ്രസിഡന്റ്  അനോജ് മാസ്റ്റര്‍  ഉദ്ഘാടനം ചെയ്ത ചടങ്ങില്‍  കെപിഎ ജനറല്‍ സെക്രട്ടറി  പ്രശാന്ത് പ്രബുദ്ധന്‍ സ്വാഗതം  പറഞ്ഞു.വൈസ് പ്രസിഡന്റ്  കോയിവിള  മുഹമ്മദ് കുഞ്ഞ്, കെ പി എ  സെക്രട്ടറിമാരായ  അനില്‍കുമാര്‍, രജീഷ്  പട്ടാഴി ,അസിസ്റ്റന്റ് ട്രഷറര്‍ കൃഷ്ണകുമാര്‍, എന്നിവര്‍ ആശംസകള്‍ അറിയിച്ചു. കെ പി എ  പൊന്നോണം  2025  ന്റെ വിജയത്തിനായി പ്രവര്‍ത്തിച്ച  എല്ലാ ഏരിയ എക്‌സിക്യൂട്ടീവ്  കമ്മിറ്റി  അംഗങ്ങള്‍ക്കും, പ്രവാസി ശ്രീ യ്ക്കും     മൊമെന്റോ നല്‍കി  അനുമോദിച്ചു. അതോടൊപ്പം  കെ പി എ പൊന്നോണം  2025 ല്‍ എല്ലാ ഏരിയകള്‍ക്കും കലാവിരുന്നൊരുക്കിയ കെ പി എ  സൃഷ്ടി  സിംഫണി  ടീമിന് മൊമെന്റോ നല്‍കി  അനുമോദിച്ചു. കെ പി എ പ്രസിഡന്റ്  അനോജ്  മാസ്റ്റര്‍ മൊമെന്റോ  സൃഷ്ടി  ജനറല്‍ കണ്‍വീനര്‍  ജഗത് കൃഷ്ണകുമാറിനും  ടീം  സിംഫണിക്കും കൈമാറി. ട്രഷറര്‍ മനോജ് ജമാല്‍  നന്ദി രേഖപ്പെടുത്തി. പരിപാടിയില്‍   സെന്‍ട്രല്‍ കമ്മറ്റി അംഗങ്ങളും  ജില്ലാ കമ്മിറ്റി അംഗങ്ങളും  പ്രവാസി ശ്രീ  യൂണിറ്റ്  ഹെഡുകളും  അവരുടെ കുടുംബാംഗങ്ങളും   പങ്കെടുത്തു.  കെ പി എ  സിംഫണി  ടീം  അവതരിപ്പിച്ച ഗാനവിരുന്ന്  കുടുംബ സംഗമത്തിന് പകിട്ടേകി.