കൊല്ലം പ്രവാസി അസോസിയേഷന്‍ 2025-ലെ പൊന്നോണം ആഘോഷങ്ങളുടെ ഭാഗമായി ഹിദ്ദ് ഏരിയ  കമ്മിറ്റിയുടെ നേതൃത്വത്തില്‍ ക്രിസ്റ്റല്‍ പാലസില്‍ ഹോട്ടലില്‍  വച്ച്   കെ പി എ  അംഗങ്ങളെ  പങ്കെടുപ്പിച്ചുകൊണ്ട് ഓണാഘോഷം വിപുലമായി സംഘടിപ്പിച്ചു.

കെ.പി.എ  പ്രസിഡന്റ്  അനോജ് മാസ്റ്റര്‍ പരിപാടി ഉദ്ഘാടനം ചെയ്ത ചടങ്ങില്‍  ബഹറിന്‍ മലപ്പുറം ഡിസ്റ്റിക് ഫോറം രക്ഷാധികാരിയും  സാമൂഹിക പ്രവര്‍ത്തകനുമായ  ബഷീര്‍ അമ്പലായി  മുഖ്യാതിഥിയായും അല്‍  റീം  ഗേറ്റ് ചെയര്‍മാന് മൊഹ്സീന്‍  മുഹമ്മദ്  മൊഹ്സീന്‍ വിശിഷ്ട അതിഥിയായും  പങ്കെടുത്തു.

കെ.പി.എ ഹിദ്ദ്  ഏരിയ പ്രസിഡന്റ്  രാജേഷ് പന്മന  അധ്യക്ഷത വഹിച്ച യോഗത്തിനു ഏരിയ   സെക്രട്ടറി  പ്രണവ് സന്തോഷ് കുമാര്‍ സ്വാഗതം പറഞ്ഞു. കെ.പി.എ ജനറല്‍ സെക്രട്ടറി പ്രശാന്ത് പ്രബുദ്ധന്‍, ട്രഷറര്‍ മനോജ് ജമാല്‍, വൈസ് പ്രസിഡന്റ്  കോയിവിള  മുഹമ്മദ് കുഞ്ഞ്, കെ പി എ  സെക്രട്ടറിമാരായ  അനില്‍കുമാര്‍, രജീഷ്  പട്ടാഴി, അസിസ്റ്റന്റ് ട്രഷറര്‍ കൃഷ്ണകുമാര്‍, ഹിദ്ദ്  ഏരിയ കോഡിനേറ്റര്‍ ആയ  സജി കുളത്തിങ്കല്‍ ,ഏരിയ ജോയിന്റ് സെക്രട്ടറി വിമല്‍ മുരുകേശന്‍, ഏരിയ വൈസ് പ്രസിഡന്റ്  ഗിരീഷ്  എന്നിവര്‍ ആശംസകള്‍ അറിയിച്ചു. ഏരിയ ട്രഷറര്‍ വിപിന്‍ മനോഹരന്‍ നന്ദി രേഖപ്പെടുത്തി.

സെന്‍ട്രല്‍, ഡിസ്ട്രിക്ട് കമ്മിറ്റി അംഗങ്ങളും പ്രവാസശ്രീ അംഗങ്ങളും ഓണാഘോഷ പരിപാടികളില്‍ സജീവമായി പങ്കെടുത്തു.

വിഭവസമൃദ്ധമായ ഓണസദ്യയും  കെ പി എ  സിംഫണി കലാകാരന്മാര്‍  അവതരിപ്പിച്ച കലാപരിപാടികളും അംഗങ്ങള്‍ പങ്കെടുത്ത  ഓണക്കളികള്‍ ഓണാഘോഷങ്ങള്‍ക്ക് മാറ്റുകൂട്ടി.