വാഷിംഗ്ടൺ: 'യുവർ വോട്ട്, ദെയർ ലൈൻസ്' എന്ന് പലപ്പോഴും യു എസ് റീ-ഡിസ്ട്രിക്റ്റിങ്ങുകളെ വിശേഷിപ്പിക്കാറുണ്ട്. യു എസ് സുപ്രീം കോടതി ഒക്ടോബർ 15നു ലൂസിയാന വേഴ്സസ്  കാലൈസ് വിധിയിൽ വീണ്ടും വാദം കേൾക്കും. ഇക്കാര്യത്തിൽ വളരെ അസാധാരണമായ ഒരു പ്രഖ്യാപനമാണ് കോടതിയിൽ നിന്നുണ്ടായത്. സംസ്ഥാനങ്ങൾക്ക് ഏത് അളവു വരെ ജനങ്ങളുടെ വർഗ വിവരങ്ങൾ ന്യൂനപക്ഷങ്ങളുടെ വോട്ടിംഗ് അധികാരം വോട്ടിംഗ് റൈറ്റ്സ് ആക്ട് ഓഫ് 1965 നൽകുന്ന അധികാരത്തിലൂടെ സംരക്ഷിക്കുവാൻ ഉപയോഗിക്കാം എന്ന ചോദ്യത്തിന് ഉത്തരം കണ്ടെത്തുവാനാണ് സുപ്രീം കോടതി തങ്ങളുടെ വിധി പുനഃപരിശോധിക്കുന്നത്.  

രണ്ടാമത്തെ പ്രധാന ന്യൂന പക്ഷമായ കറുത്ത വർഗക്കാർ കൂടുതൽ വസിക്കുന്ന ഇലക്ട്‌റൽ ഡിസ്ട്രിക്ടുകൾ അവരുടേതായി പ്രഖ്യാപിക്കുവാനുള്ള ശ്രമമായി വിധിയുടെ പുനഃപരിശോധനയെ ചിലർ വിശേഷിപ്പിക്കുന്നുണ്ട്. ഇത് ബ്ലാക്ക് വോട്ടിംഗ് പവർ ഡയല്യൂട്ടിങ് ശ്രമങ്ങളെ ചെറുക്കാനാണ് എന്ന് മറ്റു ചിലർ ആരോപിക്കുന്നു. ദേശവ്യാപകമായി റീഡിസ്ട്രിക്ടിങ് നടത്തുമ്പോൾ കറുത്ത വർഗ കേന്ദ്രീകൃത ഡിസ്ട്രിക്ടുകൾ സൃഷ്ടിച്ചു കറുത്ത വർഗക്കാർക്കു അർഹമായ പ്രാതിനിഥ്യം ഉറപ്പു വരുത്താനാണ് വിധി പുനപരിശോധിക്കുന്നതു എന്ന അവരുടെ വാദം 15 നു നടക്കുന്ന പുനഃ വാദം അന്വർത്ഥമാക്കിയേക്കും.

പക്ഷെ കറുത്ത വർഗ കേന്ദ്രീകൃത ഇലക്ട്‌റൽ ഡിസ്ട്രിക്ടുകൾ ഉണ്ടായാൽ അവിടെയെല്ലാം മറ്റെല്ലാ വർഗക്കാർക്കും പരിഗണനയും പ്രാതിനിഥ്യവും നിഷേധിക്കപെടും എന്ന ആശങ്ക മറ്റു വർഗക്കാർ പങ്കു വയ്ക്കുന്നു.

പുതിയൊരു വിധി പഴയ കോടതി വിധിയെ മറികടന്നെത്തിയാൽ, അത് ഡയല്യൂട്ടിങ്  ബ്ലാക്ക് വോട്ടിംഗ് പവറിനെ സംരക്ഷിക്കാനാണെന്നു തെളിഞ്ഞാൽ, അത് ഭരണഘടന നിഷേധിക്കുന്ന വർഗാധിഷ്ഠിത വോട്ടിങ്ങ് വിവേചനം ആയിരിക്കുംഎന്നും ആരോപണം ഉണ്ട്. പുതിയ റൂളിംഗ് പഴയതിന് എതിരാണെങ്കിൽ അത് സംസ്ഥാനങ്ങൾ നടത്തുന്ന റീ-ഡിസ്ട്രിക്ടിങ്ങിനെയും പൊളിറ്റിക്കൽ മാപ്പിങ്ങിനെയും ബാധിക്കും.  

വി ആർ എ യുടെ ശക്തിക്കു പുതിയ നിർവചനം നൽകുന്നതും ആയിരിക്കും. നിലവിലെ  കേസിൽ ലൂസിയാനയിൽ  കറുത്ത വർഗക്കാർക് അനുകൂലമായ ഒരു പുതിയ ഇലക്ട്‌റൽ ഡിസ്‌ട്രിക്‌ട് കൂടി (രണ്ടാമത്തേതായി) അനുവദിക്കണോ എന്നാണ് കോടതിക്ക് തീരുമാനിക്കുവാൻ ഉള്ളത്. അങ്ങനെ ചെയ്താൽ വോട്ടുകൾക്ക് വേണ്ടി നിയമം ദുരുപയോഗം ചെയ്തു എന്നാരോപണം ഉണ്ടാകും. യു എസ് ഭരണഘടനയുടെ പതിനാലാം ഭേദഗതി നിരോധിച്ച 'ഒരു വർഗത്തെ അവരുടെ വോട്ടുകൾക്ക് വേണ്ടി പ്രീണിപ്പിക്കുവാനുള്ള ശ്രമങ്ങൾ' ആയി ആരോപിക്കപ്പെടാം.

കേസിന്റെ പുനർ വാദവും വിധിയും ഏറെ താല്പര്യത്തോടെയാണ് സാമുദായിക, രാഷ്ട്രീയ  നേതാക്കൾ കാത്തിരിക്കുന്നത്. വളരെ സജീവമായി ഇതിനകം തന്നെ ഈ കേസ് മാറിക്കഴിഞ്ഞിരിക്കുന്നു.