ഇന്ത്യയിലെ ഉൽപ്പന്ന വിലകൾ സ്ഥിരത പുലർത്തിയതിനെ തുടർന്ന്, വീട്ടിൽ തയ്യാറാക്കുന്ന വെജിറ്റേറിയൻ താലികളുടെ ചെലവ് 7 ശതമാനവും, നോൺ-വെജിറ്റേറിയൻ താലികളുടെ ചെലവ് 8 ശതമാനവും ഓഗസ്റ്റിൽ കുറഞ്ഞതായി ഒരു റിപ്പോർട്ട് വ്യക്തമാക്കുന്നു.

ക്രിസിൽ ഇന്റലിജൻസ് നൽകിയ വിവരങ്ങൾ പ്രകാരം, സവാള, ഉരുളക്കിഴങ്ങ്, പരിപ്പ് എന്നിവയുടെ വിലയിൽ ഉണ്ടായ വലിയ ഇടിവാണ് വെജിറ്റേറിയൻ ഥാളികളുടെ ചെലവ് കുറഞ്ഞതിന് പ്രധാന കാരണം.

ഉരുളക്കിഴങ്ങിന്റെ വില 31%യും സവാളയുടെ വില 37%യും കുറഞ്ഞു. കഴിഞ്ഞ വർഷം രോഗബാധയും കാലാവസ്ഥാ വ്യതിയാനവും കാരണം ഉത്പാദനം 5-7% ഇടിഞ്ഞതോടെ വില കുത്തനെ ഉയർന്നിരുന്നു. ഈ വർഷം ഉരുളക്കിഴങ്ങിന്റെ ഉൽപാദനം 3-5%യും, സവാളയുടെ ഉൽപാദനം 18-20%യും വർധിച്ചതോടെ വിലയിൽ വലിയ ഇടിവ് സംഭവിച്ചു.

പരിപ്പിന്റെ വില 14% കുറഞ്ഞതും ഉയർന്ന ഉത്പാദനവും സ്റ്റോക്ക് ലഭ്യതയും കാരണമാണ്.
അതേസമയം, തക്കാളിയും വെജിറ്റബിൾ ഓയിലിന്റെയും വില വർധിച്ചതോടെ,  താലികളുടെ ചെലവിലെ മൊത്തത്തിലുള്ള ഇടിവ് കുറച്ചുകൂടി നിയന്ത്രിതമായി.

“ഉരുളക്കിഴങ്ങും സവാളയും ഉയർന്ന അടിസ്ഥാന വിലയിൽ നിന്ന് കുറഞ്ഞതാണ് പ്രധാന കാരണമെങ്കിൽ, പരിപ്പ് ഉയർന്ന ഉത്പാദനത്തെ തുടർന്ന് വിലയിൽ നിയന്ത്രിത ഇടിവ് രേഖപ്പെടുത്തി. എന്നാൽ, തക്കാളിയും എണ്ണയും വിലകൂടിയത് മൊത്തത്തിലുള്ള കുറവിന് തടസ്സമായി,” എന്ന് ക്രിസിൽ ഇന്റലിജൻസ് ഡയറക്ടർ പുഷൻ ശർമ്മ പറഞ്ഞു.

സർക്കാർ പയർ, ഉഴുന്ന് തുടങ്ങിയവയുടെ ഇറക്കുമതി സ്വതന്ത്രമാക്കിയ തീരുമാനം പരിപ്പിന്റെ വിലയിൽ കൂടുതൽ സമ്മർദ്ദം സൃഷ്ടിക്കുമെന്ന് പ്രതീക്ഷിക്കുന്നു. നോൺ-വെജിറ്റേറിയൻ താലികളുടെ ചെലവ് കുറഞ്ഞത് പ്രധാനമായും ബ്രോയിലർ ചിക്കൻ വില 10% ഇടിഞ്ഞതാണ്. ബ്രോയിലറിന്റെ ചെലവ് നോൺ-വെജ് താലികളുടെ മൊത്തം ചെലവിന്റെ 50% വരെയുണ്ട്. കൂടാതെ പച്ചക്കറി, പരിപ്പ് വില ഇടിവും ഗുണകരമായി.

രാജ്യത്തെ വടക്ക്, തെക്ക്, കിഴക്ക്, പടിഞ്ഞാറ് മേഖലകളിലെ ഭക്ഷ്യവില അടിസ്ഥാനമാക്കി വീട്ടിൽ തയ്യാറാക്കുന്ന ഒരു സാധാരണ  താലികളുടെ ശരാശരി ചെലവ് കണക്കാക്കപ്പെടുന്നു. മാസാന്തര മാറ്റം സാധാരണ ജനങ്ങളുടെ ദിനച്ചെലവിൽ നേരിട്ട് പ്രതിഫലിക്കുന്നു.

Home-cooked thalis get 7-8 pc cheaper in Aug over benign commodity prices