2025 ജൂലൈയിൽ ഇന്ത്യയിലെ ഇക്വിറ്റി മ്യൂച്വൽ ഫണ്ടുകളുടെ എ.യു.എം(AUM (Assets Under Management)) ₹33.32 ലക്ഷം കോടി ആയി ഉയർന്നു. 2020 ജൂലൈയിൽ ഇത് വെറും ₹7.65 ലക്ഷം കോടി മാത്രമായിരുന്നു. 335.31% വളർച്ചയാണ് അഞ്ച് വർഷത്തിനിടെ രേഖപ്പെടുത്തിയിരിക്കുന്നത് എന്ന് ഐസിആർഎ അനലിറ്റിക്സ് പുറത്തിറക്കിയ റിപ്പോർട്ട് വ്യക്തമാക്കി.

വിപണിയിലെ ചാഞ്ചാട്ടങ്ങൾ നിലനിൽക്കുന്നുണ്ടെങ്കിലും, ദീർഘകാല സമ്പത്ത് സൃഷ്ടിക്കലിന്റെ ലക്ഷ്യത്തോടെ റീട്ടെയിൽ നിക്ഷേപകർ സ്ഥിരമായി നിക്ഷേപം തുടരുന്നതുകൊണ്ട് ഇക്വിറ്റി ഫണ്ടുകൾക്ക് ശക്തമായ പിന്തുണയാണ് ലഭിക്കുന്നത്.

എസ്.ഐ.പി (SIP-കൾ (Systematic Investment Plans)) വിപണി ചാഞ്ചാട്ടം കൈകാര്യം ചെയ്യാൻ ഏറ്റവും ജനപ്രിയമായ മാർഗമായി മാറിയിട്ടുണ്ട്. സ്ഥിരമായി ഒരു തുക നിക്ഷേപിക്കുന്നതിനാൽ, വില കുറഞ്ഞപ്പോൾ കൂടുതൽ യൂണിറ്റുകളും വില ഉയർന്നപ്പോൾ കുറച്ച് യൂണിറ്റുകളും ലഭിക്കുന്ന രൂപ ചെലവ് ശരാശരി (‘Rupee Cost Averaging’)-ന്റെ പ്രയോജനം നിക്ഷേപകർക്ക് ലഭിക്കുന്നു.

“കഴിഞ്ഞ കുറച്ച് വർഷങ്ങളിലായി ഇക്വിറ്റി മ്യൂച്വൽ ഫണ്ടുകളിലേക്കുള്ള നിക്ഷേപം ഗണ്യമായി ഉയർന്നിട്ടുണ്ട്. നിക്ഷേപകർ ഇപ്പോൾ ദീർഘകാല കാഴ്ചപ്പാട് സ്വീകരിക്കുകയാണെന്നും, കുറച്ചുകാലത്തെ വിപണി വ്യത്യാസങ്ങൾ സമ്പത്ത് സൃഷ്ടിയിലേക്കുള്ള യാത്രയുടെ ഭാഗമാണെന്ന് തിരിച്ചറിഞ്ഞിരിക്കുകയാണെന്നും,” എന്ന് ഐ സി ആർഎ അനലിറ്റിക്സ്-ന്റെ സീനിയർ വൈസ് പ്രസിഡന്റ് അശ്വിനി കുമാർ പറഞ്ഞു.

ചരിത്രപരമായി നോക്കുമ്പോൾ, വിപണി വീണ്ടുമുയർന്ന് ക്ഷമയോടെ കാത്തിരിക്കുന്ന നിക്ഷേപകർക്ക് മികച്ച വരുമാനം നൽകിയിട്ടുണ്ടെന്നും റിപ്പോർട്ട് സൂചിപ്പിക്കുന്നു.

സെക്ടറൽ/തീമാറ്റിക് ഫണ്ടുകൾക്ക് ഏറ്റവും കൂടുതൽ ₹9,426.03 കോടിയുടെ ഇൻഫ്ലോയാണ് ലഭിച്ചത്. പുതിയ വളർച്ചാ സാധ്യതകൾ തേടിയും ഉയർന്ന റിട്ടേൺ ഉറപ്പാക്കുന്ന മാർഗങ്ങൾ അന്വേഷിച്ചും പ്രത്യേകിച്ച് റീട്ടെയിൽ നിക്ഷേപകരാണ് കൂടുതലായി ഈ ഫണ്ടുകളിലേക്ക് എത്തിയിരിക്കുന്നത്.

ഇതിന് പിന്നാലെ, ഫ്ലെക്സി ക്യാപ് ഫണ്ടുകൾ (₹7,654.33 കോടി), സ്മോൾ ക്യാപ് ഫണ്ടുകൾ (₹6,484.43 കോടി) എന്നിവയും ശ്രദ്ധേയമായ നിക്ഷേപകരെ ആകർഷിച്ചു. വൈവിധ്യമാർന്ന അലോക്കേഷനും ഉയർന്ന റിട്ടേണുമാണ് ഇതിന് പിന്നിലെ പ്രധാന കാരണം.

2020 ജൂലൈയിൽ ₹3,845 കോടി ഔട്ട്‌ഫ്ലോ ഉണ്ടായിരുന്ന ഇക്വിറ്റി മ്യൂച്വൽ ഫണ്ടുകൾ, 2025 ജൂലൈയിൽ ₹42,673 കോടി ഇൻഫ്ലോ രേഖപ്പെടുത്തി.

വർഷാനുവർഷം 15.08% വളർച്ചയാണ് (2024 ജൂലൈയിലെ ₹37,082 കോടിയിൽ നിന്ന്). മാസാനുമാസം നോക്കുമ്പോൾ, 2025 ജൂണിലെ ₹23,568 കോടിയിൽ നിന്ന് 81.06% വർധനയാണ് ഉണ്ടായിരിക്കുന്നത്.

“ആഗോള അനിശ്ചിതത്വങ്ങൾ തുടരുന്നുണ്ടെങ്കിലും, ഇന്ത്യയുടെ സാമ്പത്തിക വളർച്ചാപഥത്തെക്കുറിച്ച് ആഭ്യന്തര നിക്ഷേപകർ ആത്മവിശ്വാസം പുലർത്തുന്നു. അതാണ്, വിപണി കനത്ത ചാഞ്ചാട്ടങ്ങൾ നേരിട്ടപ്പോഴും, ഇക്വിറ്റി മ്യൂച്വൽ ഫണ്ടുകളിൽ സ്ഥിരമായ ഇൻഫ്ലോകൾക്കു വഴി തുറന്നത്,” എന്നും അശ്വിനി കുമാർ കൂട്ടിച്ചേർത്തു.

Equity mutual funds witness sharp rise in India as investors eye wealth creation